Մամուլի Տեսություն

Արցախում դանակահարության միջադեպով լարվածություն է ստեղծվել

Արցախում նախընտրական գործընթացներին զուգահեռ՝ միջադեպերն իրար են հաջորդում: Երեկ երեկոյան դանակահարվել է ներկուսակցական խմորումներում հայտնի ակտիվիստներից մեկը, ով համարվում է ԼՂՀ նախկին վարչապետ, նախագահի հավակնորդ թեկնածու Արայիկ Հարությունյանի համակիրներից: Իսկ դանակահարող անձը՝ Կարմիրի նախկին գյուղապետի որդի Աբո Ավետիսյանը, հակառակ թիմից է, արցախցիները նրան ճանաչում են՝ որպես Սամվել Բաբայանի ակտիվ համակիրներից մեկը:

Արայիկ Հարությունյանի գլխավորած «Ազատ Հայրենիք» կուսակցության Ստեփանակերտի գրասենյակի դիմաց գրանցված դանակահարության դեպքն ավարտվել է ձերբակալություններով, իսկ ներքաղաքական և հասարակական դաշտում քննարկվում են հետագա հնարավոր զարգացումների տարբեր վարկածներ:

Մինչդեռ 168.am-ին փոխանցված տեղեկություների համաձայն՝ վեճը ծագել է ճանապարհին պատահաբար իրար հանդիպած քաղաքական հակառակորդ թիմերի ներկայացուցիչերի միջև, երբ տղամարդիկ սադրիչ արտահայտություներով սպառնացել են միմյանց: Մինչ այդ Ստեփանակերտի փողոցներով մեքենաներով իրար երկար հետապնդած երիտասարդները փոխադարձ վիրավորանքներով ու հայհոյախառն արտահայտություններով սրել են վեճը, ինչն ավարտվել է դանակահարության միջադեպով:

Արցախցիները միանշանակ հակված են կարծելու, որ այս միջադեպը Արայիկ Հարությունյան-Սամվել Բաբայան սրված հարաբերությունների վերջին զարգացումը չէ, և այն ուղիղ կապ ունի նախորդած կրակոցների հայտնի միջադեպի հետ:

Հիշեցնենք, նախօրեին ձերբակալվել էին Ալեքսեյ Բալայանն ու Ռոլանդ Այդինյանը, ովքեր, ըստ արցախցի ֆեյսբուքյան օգտատերերի, թեև իրականում ֆինանսական պարտք ու պահանջի հողի վրա էին Սևան-Մարտունի ճանապարհին միջադեպ հրահրել, սակայն ներկայումս ներգրավված են Արայիկ Հարությունյանի կուսակցական ակտիվ աշխատանքների մեջ:

Ավելին, նրանք Արայիկ Հարությունյանի գլխավորած «Ազատ Հայրենիք» կուսակցության տարածքային կառույցների ղեկավարներ են հանդիսանում, Ալեքսեյ Բալայանը համակարգում է Մարտակերտի շրջանի կուսակիցների ու համակիրների հետ աշխատանքը, Ռոլանդ Այդիյանը Շահումյանի շրջանում է ակտիվ աշխատանքներ տանում, Քարվաճառում նրան բոլորը ճանաչում են՝ իբրև նախկին վարչապետի մարդը:

168.am-ի տեղեկություններով՝ Ալեքսեյ Բալայանը նախկինում մի քանի քրեական գործերով անցած հայտնի թաղային հեղինակություն է, ով նախկինում հասցրել է մի քանի ծեծկռտուքի միջադեպերով աչքի ընկնել հենց Մարտակերտի շրջանում: Նրա ֆինանսական պարտքերը, ըստ աղբյուրի՝ հաճախ բարեկամաբար զրոյացրել, աջակցել է նույն Արայիկ Հարությունյանը՝ նախկինից ունեցած հարաբերությունների պատճառով:

Արայիկ Հարությունյանն ինքն էլ հաստատել է՝ ձերբակալված 2 անձանց էլ ճանաչում է, նրանց հետ կապեր ունի, Ալեքսեյ Բալայանը Ղարաբաղի լեգենդար հրամանատարներից մեկի՝ Վլադիմիր Բալայանի որդին է, ում աջակցել է բիզնես գործունեություն ծավալելու հարցում, իսկ Ռոլանդն իր կուսակցության համակիրներից է, իր վարչապետության ժամանակ զբաղեցրել է Քարվաճառի քաղաքապետի պաշտոնը։

Հետաքրքրականն այն է, որ արցախցիները չեն բացառում նաև նախկինից մնացած կենցաղային վեճերի թեման, սակայն նկատում են, որ այսօր երկու կողմերի միջև առկա լարվածության պայմաններում Արցախում այնպիսի մթնոլորտ է ստեղծվել, որ ցանկացած խոսք ու զրույց արագ վերաճում է ծանր միջադեպի:

Արցախում, ասում են, երբեք այսքան սրված ներքին հարաբերություններ չեն նկատել:

Սադրիչ վերջին զարգացումների շուրջ քաղաքական հակառակորդ թիմերի գրասենյակները շարունակում են պնդել, որ միջադեպերը լիդերների քաղաքական ձգտումների հետ առնչություն չունեն, նախկինի դեպքում Արայիկ Հարությունյանն էր բացառում քաղաքական գործոնը, այս դեպքում Սամվել Բաբայանի գրասենյակն է հաղորդել, որ միջադեպի քաղաքական դրդապատճառներով սադրանքների վարկածը հորինված է, և, որ ոչ դանակահարողը, ոչ դանակահարվողն իրենց հետ կապ չունեն: «Մենք մեր բոլոր համակիրներին չենք ճանաչում և պատասխանատվություն չենք կրում նրանց արարքների համար»,- նշել էին հաղորդագրության մեջ:

«Կանանց գաղութ է, ոչ թե գործարան»․ ժողով Գյումրու «Սաստեքս»-ում ստեղծված աղմուկի թեմայով

Գյումրու «Սաստեքս» կարի գործարանում, որի աշխատակիցները բողոքում են իրենց ստրկական պայմաններում աշխատեցնելուց ու սահմանված նվազագույն 55 հազար դրամ աշխատավարձը կրճատելուց, այսօր ժողով է հրավիրվել։ Ժողովին մասնակցել են Թեթև արդյունաբերության աշխատողների արհմիության հանրապետական կոմիտեի նախագահ Սրապիոն Առաքելյանը, աշխատակիցներն ու Շիրակի մարզպետարանի ներկայացուցիչները՝ փոխմարզպետ Վարդան Գրիգորյանը, Շիրակի մարզպետի օգնականները։ «Սաստեքս»-ի աշխատակիցները մեզ հետ զրույցում ասացին, որ իրենց սկզբում փորձել են լռեցնել, ասել են, որ սփյուռքահայ գործարարները հսկայական գումարներ են ներդրել, աշխատատեղ ստեղծել, պիտի գնահատել, ոչ թե ելնել ու միտինգ անել։ «Հիշո՞ւմ եք երկու օր առաջ պարզաբանում էին, թե բռակ ապրանքը կապ չունի աշխատավարձի կրճատման հետ, էսօր էլ բռակ ապրանքի ցանկը՝ պապկի մեջ դրած, բերել էին, թե տեսեք բռակ ապրանք եք տվել։ Մեկ էլ Սահմանադրությունը՝ թևի տակ զարկած, եկել էր, թե չգիտեմ որերորդ հոդվածով, եթե աշխատողը իր աշխատանքը ճիշտ չի կատարում, ուրեմն իր աշխատավարձը չի վճարվում։  3 ամիս աշակերտ եղանք, արտադրանք տվեցինք, ոչ մի բռակ ապրանք չկար, հիմի որ ավելի ենք հմտացել, հանկարծ ապրանքը բռակ դարձավ, հա՞։ Ահաբեկել էին, թե լրագրողներին կանչած աշխատակիցներին աշխատանքից կազատենք․ էսօր վախից որոշ տեխնոլոգ-վարպետներ ելան, ելույթ ունեցան, թե իբր Քրիստիան Գելիջին մեզ ավելին էլ է վճարել։ Գիտեք էնպես չէ, որ մեզ ճշմարտությունն ասելու համար պիտի գնդակահարեն, նրանց դոշին էլ սուտ գովերգելու համար մեդալ կախեն, կա խնդիր, պիտի լուծվի:

Ինձ էլ են ահաբեկել, վախեցրել ԶԼՄ-ներին հարցազրույց տալու համար, բայց ես նորից խոսել եմ։ Նեղվում էին՝ ինչո՞ւ ենք ԶԼՄ-ներին ասել, թե եղունգներդ կոտրվում են, կտորները թունավոր են, ուշաթափվում, վատ եք զգում, ուզում եք գործարանը փակել տա՞լ։  Երբ իմացան, որ փոխմարզպետն է գալիս, ասին՝ ժողովուրդ ջան, ամեն ինչ պարզ է, ավելի լավ է երկուշաբթի սկսենք բնականոն աշխատանքը։ Փոխմարզպետը  եկավ ու հարցրեց, թե ինչո՞ւ  նվազագույն աշխատավարձը չի պահպանվում, իր հարցերը տվեց ու այդպես էլ չստացավ պատասխանը։ Փոխմարզպետին տեղյակ պահեցինք, որ բյուլետինը չի վճարվում, հիվանդ մեռնես, հնար չկա, չես վճարվում։ Ի զարմանս մեզ՝ հենց այսօր իմացանք, որ գործարանը տնօրեն ունի, նախկին փոխմարզպետ Պետրոսյան Սեյրանից հետո փաստորեն տնօրեն են ընդունել Շվեյցարիայից, ելավ, հանկարծակի բերեց բոլորիս, հանդես եկավ որպես տնօրեն։ Զարմացանք, թե մենք տնօրեն ունենք ու տեղյակ չենք, որ այդ մարդը մեր տնօրենն է։ Թարգմանիչն էլ իր խոսքերն էր թարգմանում,  թե մենք անկարգապահ ենք, աշխատանքի ժամին սուրճ ենք խմում, հեռախոսով խոսում, զուգարան ենք գնում, քարե դարում ենք երևի ապրում։ Իզուր չէ, որ բոլորը մեզ ասում են «Սաստեքսի գերիները», հենց էդպես էլ անվանում են, կանանց գաղութ լինի, ոչ թե գործարան։ Փոխմարզպետը խոսք տվեց, որ հետևողական կլինեն մեր պայմանների ու  աշխատավարձի հարցում»,-պատմեց աշխատակիցներից մեկը։ Նշենք, որ հանդիպման ընթացքում Շիրակի փոխմարզպետ Վարդան Գրիգորյանը հարցրեց, թե նվազագույն աշխատավարձի շեմը ո՞նց է պահպանվում ու իմանալով, որ գործավարձայինի դեպքում ընդհանրապես չի պահպանվում․ կան մարդիկ, որոնք 40 ժամ աշխատելով, 55 հազար դրամ չեն ստանում, ասաց, որ սա օրենսդրության խախտում է։ Արհմիության նախագահն էլ իր հերթին ասաց, որ պիտի վերանայվի։ «Սաստեքսի» ներկայացուցիչ Ներսես Տաշչյանն էլ հայտարարեց, որ ոչ մի մարդ չկա կրճատված։ Աշխատակիցներից հետաքրքրվեցին՝ գալո՞ւ են աշխատանքի երկուշաբթի ու ստացան դրական պատասխան։ 

Ամբողջական հոդվածը կարող եք կարդալ այս հասցեով՝ https://www.aravot.am/2019/05/31/1047137/ 

Կարեն Կարապետյանը, Ռուբեն Հայրապետյանն ու Հրայր Թովմասյանը` Արցախում. «Իրատես»

«Իրատես» թերթը գրում է. «Նախկին վարչապետ Կարեն Կարապետյանը, ֆուտբոլի ֆեդերացիայի նախկին նախագահ Ռուբեն Հայապետյանն ու Սահմանադրական դատարանի նախագահ Հրայր Թովմասյանն օրեր առաջ Արցախում են եղել ու հանդիպումներ ունեցել նախագահ Բակո Սահակյանի, Ազգային ժողովի նախագահ Աշոտ Ղուլյանի, պետական նախարար Գրիգորի Մարտիրոսյանի եւ այլ պաշտոնյաների հետ: «Հանդիպումները հիմնականում փակ են եղել, օրակարգում՝ հայաստանյան իշխանությունների վարած քաղաքականությունը: Երկուստեք դժգոհել են նոր կառավարիչների քայլերից: Հատկապես դժգոհ ու վրդովված է եղել Ռուբեն Հայրապետյանը,- ասաց «Իրատեսի» աղբյուրը։ Արցախի իշխանություններն էլ իրենց հերթին են դժգոհել, մանավանդ վերջին զարգացումներից եւ Ազատության հրապարակում հնչած կոչերից: Ընդգծել են նաեւ, որ երկրի նորօրյա պատմության մեջ առաջին անգամ Արցախը պաշտոնապես չի մասնակցել ՀՀ-ում տեղի ունեցող տոնական միջոցառմանը՝ Հայաստանի առաջին հանրապետության տոնին»։ Առավել մանրամասն՝ թերթի այսօրվա համարում 

Լարված իրավիճակ Արմավիրում. մարզպետարանի դիմաց թիվ 5 դպրոցի կոլեկտիվն ու երեխաները դասադուլ ու գործադուլ են հայտարարել.
 
 

Այսօր՝ մայիսի 16-ին, լարված ու պայթյունավտանգ իրավիճակ է ստեղծվել Արմավիրի մարզում։ Ժամը 09։00-ից Արմավիր քաղաքի թիվ 5 դպրոցի աշակերտները, ծնողներն ու ուսուցչական կոլեկտիվը՝ ի նշան բողոքի, ոտքով եկել և հավաքվել են Արմավիրի մարզպետարանի դիմաց։

Բողոքի ակցիայի մասնակիցները պահանջում են հանդիպում՝ մարզպետ Համբարձում Մաթևոսյանի հետ։ Ֆոտոլրագրող Գագիկ Շամշյանի հետ զրույցում բողոքի ակցիայի մասնակիցներն ասում էին.

«Պահանջում ենք, որպեսզի հստակ պատասխան տան, թե ում միջամտության արդյունքում են դպրոցի երկարամյա տնօրեն, դպրոցում մեծ հեղինակություն վայելող Մաշա Իվանյանին փորձում ինչ-ինչ ճանապարհներով ազատել աշխատանքից։ Ավերակների վերածված դպրոցը տիկին Իվանյանի շնորհիվ զարթոնք է ապրել։ Թե ծնողների, թե ուսուցչական կոլեկտիվի կողմից ընդունված է։ Մենք պահանջում ենք, որպեսզի դպրոցի բնականոն աշխատանքը ինչ-որ մարդկանց կողմից չխաթարվի։ Մենք շատ լավ գիտենք, որ այս ամենն ուղղորդված է։ Եթե մեր բարձրացրած խնդիրը չլուծվի, ապա շարունակելու ենք դասադուլ, գործադուլ, ու այդ ամենի պատասխանատվությունն ընկնելու է մարզի ղեկավարության վրա»։

Այս պահին մարզպետարանի դիմաց ասեղ գցելու տեղ չկա։ Մարդիկ վանկարկում են «Իվանյան, Իվանյան» ու պահանջում են մարզպետի հետ հանդիպում։

ԵՍ ԻՆՁ ՉԵՄ ՊԱՏԿԵՐԱՑՆՈՒՄ ԱՅԼ ԿՈՒՍԱԿՑՈՒԹՅՈՒՆՈՒՄ.«ՀՐԱՊԱՐԱԿ».

Թագուհի Ղազարյան

 
Լուրեր կան, որ «Իմ քայլում», ինչպես կասեր Գալուստ Գրիգորիչը` «թեւերը, ոտքերը, ճանկերը» շատացել են, եւ սպասվում է, որ առավել լիբերալ թեւը, չասենք՝ «սորոսականները», առանձնանան․ հնարավո՞ր է նման բան՝ հարցրինք դաշինքի պատգամավոր Թագուհի Ղազարյանին։ «Հարցը բաժանեմ մի քանի բաղադրիչների. տեսակետների բախում կուսակցությունում ու դաշինքում առաջին օրվանից էլ լինում է, սակայն, կախված քննարկումներից, բաժանումները տարբեր ֆորմատներով են լինում` ըստ հայացքների, մի անգամ՝ այս ֆորմատով, մյուս անգամ` այլ։ Սկզբունքն եղել է կոնսենսուս կառուցելը»:

Սանասարյան Դավիթի առնչությամբ ի՞նչ կոնսենսուս եք «կառուցել»։ «Էս հարցում մենք բոլորս սպասողական վիճակում ենք, տեսնենք, թե ինչ արդյունքներ կլինեն»: Եթե պարզվեց, որ ԱԱԾ տնօրեն Վանեցյանը ճիշտ էր, այդ ժամանակ ի՞նչ եք անելու, քննարկվե՞լ է այդ տարբերակը։ «Ոչ ոք մեզ չի խաբելու, չէ՞, կտեսնենք, թե ինչ է լինելու»: Իսկ ինչո՞ւ եք այդպես` հարցականով ասում. կասկածո՞ւմ եք Դավիթին։ «Չէ, սակայն «եթե»-ներով հարցերին եկեք չպատասխանեմ»: Չե՛ք համակրում Սանասարյանին։ «Ես համակրում եմ միայն Հայաստանի Հանրապետությանը։ Չպատասխանեցիք դաշինքից որեւէ թեւի առանձնանալու հարցին։ «Այս պահին նման որեւէ գործընթաց չի ընթանում, չեմ կարծում, որ մոտ ապագայում նման բան լինի. գոնե ես` ինձ չեմ պատկերացնում այլ կուսակցության մեջ, քան «Քաղաքացիական պայմանագիրն» է»:

«Ես չեմ կարա ուրիշին առևանգեմ․ վայ թե Ղուշչյանն ա ինձ առևանգել»․ Սամվել Ալեքսանյան

Ինչպես արդեն հայտնել էինք, ՀՀ քննչական կոմիտեում երեկ հարցաքննվել էր ՀՀ ԱԺ նախկին պատգամավոր Սամվել Ալեքսանյանը: Նա հարցաքննվել էր իր կողմից հեռուստամեկնաբան Համլետ Ղուշչյանին առևանգելու ենթադրյալ դեպքի առթիվ հարուցված քրեական գործի շրջանակում: Այս մասով, «Ազատության» հետ զրույցի ժամանակ, Սամվել Ալեքսանյանը նշել է․ «Ես առևանգող մա՞րդ եմ, այ ցավդ տանեմ, ի՞նչ եք ուզում ինձնից․․․ Ինձ չառևանգեն ես չեմ կարա ուրիշին առևանգեմ․ վայ թե Ղուշչյանն ա ինձ առևանգել․․․ Ինքը երևի բուժման կարիք ունի, թող գնա բուժման․․․ Իմ հեղինակության, անվան հետ ա ուզում խաղա, էդքան բան։ Ես իրան մենակ հեռուստացույցով եմ տեսել, հետը չեմ էլ շփվել։ Երևի մեկը սովորացրել ա կամ էլ գժվել ա»։

Հիշեցնենք, որ Ղուշչյանը հայտարարել էր, որ նախկին ԱԺ պատգամավոր, գործարար Սամվել Ալեքսանյանն առևանգել է իրեն և ատրճանակը պահել ճակատին։

«Իրավունք». «Մորքուրի գանձը». Միլիոնատեր Մաշադյանները վարչապետի կնոջ բարեկամներն են

«Իրավունք» թերթը գրում է. «Օրերս մամուլում տարածվեց տեղեկություն, որ ՊԵԿ նախագահի տեղակալ Ռաֆիկ Մաշադյանը նշանակվել է Երեւանի կայազորի զինվորական դատախազ: Չնայած երիտասարդ տարիքին, Մաշադյան կրտսերն արդեն միլիոնատեր է, թեպետ հայրը մշտապես եղել է պետական պաշտոնյա, իսկ ինքը՝ դեռեւս 23 տարեկան է եւ եւս եղել է պետական աշխատանքի:

Ինչեւէ, ոչ ավել, ոչ պակաս պաշտոնը ստանձնելու պահին Հ. Մաշադյանը հայտարարագրել է 12 մլն դրամ, 130 հազար դոլար եւ Volkswagen Touareg մակնիշի ավտոմեքենա:

Թե ինչպես են Մաշադյանները սրընթաց պաշտոնների հասնում նոր իշխանությունների օրոք, բավական ուշագրավ է: Շրջանառվող լուրերի համաձայն՝ ՀՀ վարչապետ Նիկոլ Փաշինյանի տիկին Աննա Հակոբյանը եւ Ռաֆիկ Մաշադյանը բարեկամներ են, ավելի կոնկրետ՝ նրանց մայրերը մորաքրոջ աղջիկներ են:

Եվ եթե Ն. Փաշինյանի բարեկամներն այսօր խորհրդարանում են, լիովին «արդար» է, որ Ա. Հակոբյանի բարեկամներն էլ լինեն ՊԵԿ-ում եւ այլ պաշտոններում:

Իսկ ոչ վաղ անցյալում այսօր իշխանության եկած մարդիկ ասում էին, թե վերջ է դրվելու պետական համակարգում ծանոթ-խնամի-բարեկամ շղթային»:

Առավել մանրամասն՝ թերթի այսօրվա համարում

Մայիսին սպասվող տարբեր ճակատների քաղաքական բուռն մուտքը ստվերային ձևով առաջնորդելու է Կարեն Կարապետյանը. «Իրատես»

«Իրատես» թերթը գրում է.«Ասում են, թե այնքան էլ իրականությանը մոտ չէ այն կարծիքը, թե Կարեն Կարապետյանը, որն այս օրերին Հայաստանում է,  բացարձակապես չի զբաղվում ու չի զբաղվելու քաղաքականությամբ:

Ավելին, պնդում կա, որ մայիսին սպասվող տարբեր ճակատների` Ռոբերտ Քոչարյան, Արմեն Սարգսյան, ՀՀԿ, «Քառյակ մեդիա» բուռն մուտքը քաղաքական դաշտ, քոչարյանական թեւից ստվերային ձեւով առաջնորդելու է հենց նախկին վարչապետ Կարեն Կարապետյանը.

«Նրա ռեյտինգը հենց այս պահին չափազանց բարձր է, եւ իշխանությունների անընդմեջ վրիպումների, կառավարության բաժակաճառային ծրագրի, տնտեսական քաղաքականության տապալման ֆոնին նրա մուտքը «խաղադաշտ» բավականին տպավորիչ արդյունքներ կգրանցի»,- ասաց «կոնկուրենտ ֆիրմայի» մեր զրուցակիցը:

Ի դեպ, Կարեն Կարապետյանը, որն այս պահին «կտրուկ» մերժում է քաղաքականություն մտնելու հայտը, խաղում է միջնորդավորված` էներգետիկայի նախկին նախարար Հայկ Հարությունյանի եւ փոխկապակցված` սանիկների, տնտեսական լուրջ մասնագետների բլոկով:

Հիշենք. «փեսան»` Հայկ Հարությունյանը, Գագիկ Հարությունյանի զարմիկն է, ԱԱԾ տնօրենի տեղակալ Արզուման Հարությունյանի որդին»:

Ամբողջությամբ կարող եք կարդալ թերթի այսօրվա համարում:

Հենց ժողովուրդը որոշի ինձ հեռացնել, կվերադառնամ լրագրությանը կամ գրքեր կգրեմ. Նիկոլ Փաշինյան

Նիկոլ Փաշինյանը վստահեցնում է, որ ընդդիմության առաջնորդից կառավարության ղեկավար դառնալուց հետո ինքը մնացել է նույն մարդը։ Այս մասին, «Արմենպրես»-ի փոխանցմամբ, շվեյցարական RTS ռադիոկայանինտված հարցազրույցում ասել է վարչապետ Նիկոլ Փաշինյանը։

«Ես ինձ համարում եմ ժողովրդի ծառա: Քանի դեռ ժողովուրդը գոհ է, ես կշարունակեմ առաքելությունս: Հենց ժողովուրդը որոշի ինձ հեռացնել այդ պաշտոնից, ես, ամենայն հավանականությամբ, կվերադառնամ լրագրությանը կամ գրքեր կգրեմ»»,- ասել է Փաշինյանը։

Փաշինյանը խոսել է նաև Արեւելքի ու Արեւմուտքի միջեւ համագործակցությունը հավասարակշռելու մասին։

«Մենք անդամ ենք Եվրասիական տնտեսական միության, որ շատ կարեւոր շուկա է մեր երկրի համար: Սակայն Հայաստանն ունի համաձայնագրեր նաեւ ԵՄ-ի հետ, եւ դա անհամատեղելի չէ: Մեր կապերը Ռուսաստանի հետ կարեւոր են տնտեսական եւ անվտանգության տեսանկյունից, բայց մեր հարաբերությունը ԵՄ-ի հետ մեզ հնարավորություն է տալիս բարեփոխել մեր քաղաքական, իրավական համակարգը եւ զարգացնել մեր հասարակությունը, այն դարձնել ավելի մրցունակ»:

Փաշինյանի խոսքով՝ ՆԱՏՕ-ին միանալու հարց Հայաստանի օրակարգում չկա:

«Մենք չենք նախատեսում միանալ այդ կազմակերպությանը: Մենք արդեն համագործակցում ենք ՆԱՏՕ-ի անդամ երկրների հետ, մասնավորապես խաղաղապահ առաքելությունների համար Կոսովոյում, Աֆղանստանում, շուտով` Լիբանանում: Այս համագործակցությունները կշարունակվեն եւ ավելի կզարգանան, որովհետեւ մենք գիտենք խաղաղության իսկական արժեքը»:

«ՀՐԱՊԱՐԱԿ»․ ՍՈՒՊԵՐՆԱԽԱՐԱՐՈՒԹՅՈՒՆՆԵՐ՝ ՍՈՒՊԵՐՈՃ

Օպտիմալացվող, «սուպեր»նախարարությունները սկսել են «սուպերոճով» աշխատել լրագրողների հետ. նրանք այլեւս բանավոր հարցերի չեն պատասխանում` պահանջում են հարցը գրավոր ուղարկել եւ, օրենքով նախատեսված` միայն 5-րդ օրն են պատասխանում:

ԿԳ նախարար Արայիկ Հարությունյանին գրավոր հարցեր էինք ուղարկել. Կրթության ազգային ինստիտուտի աշխատակիցները հունվարի 22-ին ծանուցագրեր են ստացել, որ աշխատելու են մինչեւ մարտի 31-ը՝ «նրանց պայմանագրերը կարող են լուծվել»․ ինչո՞վ է պայմանավորված սա, եւ ինստիտուտը վերակառուցվելո՞ւ է, թե՞ հնարավոր է եւ լուծարվի:

Հարցմանը «սպառիչ» պատասխան է տվել նախարարության քարտուղար Նաիրի Հարությունյանը․ «Հաստիքների կրճատումը պայմանավորված է այն հանգամանքով, որ 2019-ին նախատեսում է «Կրթության բովանդակային եւ մեթոդական սպասարկում ու հանրապետության հանրակրթական դպրոցների ուսուցիչների վերապատրաստում», «Նախնական (արհեստագործական) եւ միջին մասնագիտական կրթության եւ ուսուցման (ՄԿՈՒ) բարեփոխումներ» ծրագրային  միջոցառումներն իրականացնել  մրցութային կարգով, որի արդյունքում հնարավոր է Կրթության ազգային ինստիտուտի ֆինանսավորման նվազեցում:

Ելնելով այս իրողությունից` խորհուրդը որոշել է Կրթության ազգային ինստիտուտի անձնակազմին գրավոր ծանուցել հաստիքների կրճատման մասին: Միաժամանակ նշենք, որ Ձեր կողմից առաջ քաշված ենթահարցերին հնարավոր է պատասխանել` ելնելով մրցույթի արդյունքներից»:

«ՀՐԱՊԱՐԱԿ»․ՀԱՊԿ ՔԱՐՏՈՒՂԱՐԻ ԹԵՄԱՆ ՓԱԿՎԱԾ ՉԷ
 

Մեր աղբյուրի փոխանցմամբ` այնքան էլ այնպես չէ, թե ՀԱՊԿ քարտուղարի հարցը մեկընդմիշտ լուծված է․ 2-3 ամիս հետո ՀԱՊԿ նիստում (ժամկետները դեռ հայտնի չեն) հարցը կրկին օրակարգ կմտնի: Բայց չէ՞ որ ՀԱՊԿ անդամ երկրներն արդեն իսկ ասել են, որ պաշտպանում են Բելառուսի թեկնածու Զասին։

«Ոչ, դա ընդամենը փիար ակցիա էր Լուկաշենկոյի կողմից, դա Բատկայի երազանք-ճնշումն էր Պուտինի վրա` ցույց տալու, թե ինչ ազդեցություն ունի ՀԱՊԿ-ում Նազարբաեւ-Լուկաշենկո տանդեմը, նույնը` ԵԱՏՄ-ում։ Մի մոռացեք, որ Լուկաշենկոն ասել էր` մինչեւ դեկտեմբեր կլուծվի Զասի հարցը։

Դեկտեմբերն անցավ, հարցը չլուծվեց. այդ փաստաթուղթը ստորագրել են միայն Տաջիկստանն ու Բելառուսը, հարցի քննարկումը կշարունակվի մինչեւ պաշտոնական նշանակում։ Էտապներ կան, որոնցից չես կարող խուսափել, դա կարող է անգամ վերածվել լուրջ սկանդալի` հաշվի առնելով Ռուսաստան-Բելառուս հարաբերությունների վերջին թնջուկը` «հարկային մանյովրին»՝ 10 միլիարդին առնչվող։

Կողմերից ոչ մեկը չի ցանկանում զիջել, Լուկաշենկոն այդ հարցում եւս բույանիտ արեց, հիմա լուռ հետ է քաշվել։ Բելառուսում այս տարի ընտրություններ են՝ ե՛ւ խորհրդարանական, ե՛ւ նախագահական, Ռուսաստանը կարող է քթից բերել։ Դրա համար է Բատկան լռում։ Այնպես որ` պետք է սպասել, սրանք համալիր լուծման հարցեր են»:

Միհրան Պողոսյանի վերաբերյալ ՀՔԾ-ում քննված և կարճված քրեական գործով վարույթը վերսկսվել է

«Հետաքննող լրագրողների միջազգային կոնսորցիումը» (ICIJ) հայտնում է ՀՀ ԴԱՀԿ ծառայության նախկին պետ, արդարադատության գեներալ, Ազգային ժողովի 6-րդ գումարման պատգամավոր Միհրան Պողոսյանի՝ Պանամայում գրանցած օֆշորային ընկերությունների վերաբերյալ քրեական գործի վերաբացման մասին: Ինչպես տեղեկացնում է «Արմենպրես»-ը, ըստ ICIJ-ի հրապարակման՝ թավշյա հեղափոխությունից ամիսներ անց ՀՀ նոր կառավարությունը հետաքննություն է սկսել ՀՀԿ-ական նախկին պատգամավոր Միհրան Պողոսյանի անվան հետ կապված՝ Պանամայի օֆշորային սկանդալի գործով:

ICIJ-ն նշում է, որ ՀՀ Հատուկ քննչական ծառայությունը քննում է Միհրան  Պողոսյանի՝ օֆշորային երեք ընկերության հետ կապը, ինչպես նաև ստուգում է փողերի հնարավոր լվացման դեպքերը:

2016 թվականին «Հետք» լրատվամիջոցը՝ իր «Պանաման նվաճած հայ գեներալը․ Միհրան Պողոսյանի օֆշորային ընկերությունները և հաշիվները շվեյցարական բանկերում» հրապարակման մեջ բացահայտել էր այդ ժամանակ ՀՀ գլխավոր հարկադիր կատարող, արդարադատության գեներալ-մայոր Միհրան Սուրենի  Պողոսյանի ընկերությունները Պանամայի օֆշորային գոտում։ Համաձայն գաղտնազերծված փաստաթղթերի՝ ՀՀ գլխավոր հարկադիր կատարողը բաժնետեր էր Պանամայում գրանցված երեք ընկերությունների՝ «Սիգթեմ ռեալ իսթեյթ ինքորփորեյթիդ» (Sigtem Real Estates Incorporated), «Հոփքինթեն թրեյդինգ ինքորփորեյթինգ» (Hopkinten Trading Incorporated), «Բանջիո ինվեստ» ԲԸ (BANGIO INVEST S.A.):

Հրապարակումից հետո՝ 2016թ. ապրիլի 18-ին Պողոսյան Միհրանը Սուրենի հրաժարական տվեց ԴԱՀԿ պետի պաշտոնից:

2017 թվականի հունվարի 23-ին ՀՔԾ-ն որոշում է կայացրել Պողոսյանի նկատմամբ քրեական հետապնդում չիրականացնելու և քրեական գործով վարույթը կարճելու մասին՝ նրա արարքում հանցակազմի բացակայության հիմքով:

2017թ. ապրիլին կայացած խորհրդարանական ընտրություններում Պողոսյանը կրկին պատգամավոր ընտրվեց և շարունակեց օրենսդիր գործունեությունը ՀՀԿ խմբակցության կազմում:

 Հատուկ քննչական ծառայությունը հաստատում է ՀՀ ԴԱՀԿ ծառայության նախկին պետ, արդարադատության գեներալ, Ազգային ժողովի 6-րդ գումարման պատգամավոր Միհրան Պողոսյանի՝ Պանամայում գրանցած օֆշորային ընկերությունների վերաբերյալ հարուցված քրեական գործի վերաբացման մասին տեղեկատվությունը: «Արմենպրես»-ի հետ զրույցում այս մասին ասաց ՀՔԾ մամուլի խոսնակ  Մարինա Օհանջանյանը: «Միհրան Պողոսյանի վերաբերյալ ՀՔԾ-ում քննված և կարճված քրեական գործով վարույթը վերսկսվել է»,- ասաց Մարինա Օհանջանյանը: 


Սահմանից մեքենաները կարող են դուրս գալ մեկ դեպքում. «Ղեկը աջ» նախաձեռնության անդամները՝ ԱԱԾ-ին

Հունվարի 23-ին ՀՀ ԱԱԾ մամուլի կենտրոնը հաղորդագրություն էր տարածել՝ հայտնելով, որ ՀՀ պետական սահմանի «Բագրատաշեն» անցման կետում կայանված տրանսպորտային միջոցները (հիմնականում՝ աջ ղեկ) խոչընդոտում են մաքսակետի բնականոն գործունեությունը, ստեղծում ավելորդ դժվարություններ:

Հետևաբար՝ կոչ էին արել տրանսպորտային միջոցների սեփականատերերին 7-օրյա ժամկետում՝ մինչև հունվարի 31-ը, անցման կետի տարածքից դուրս բերել դրանք՝ այլապես կենթարկվեն վարչական պատասխանատվության:

168.am-ի հետ զրույցում «Ղեկը աջ» նախաձեռնության անդամ Դավիթ Գասպարյանն անդրադառնալով տարածված հաղորդագրությանը՝ ասաց.

«Երևի ԱԱԾ-ում լավ տեղյակ չեն խնդրի մանրամասներին: Սահմանից մեքենաները կարող են դուրս գալ մեկ ճանապարհով ՝ «ներմուծում ներքին վերամշակման համար» մաքսային ընթացակարգով։ Մենք դեմ ենք այդ ընթացակարգին, մենք դեմ ենք մեքենաների ղեկը վերասարքավորելուն:

Ունենք երկու տարբերակ. կամ մեքենաները պետք է կանգնեն սահմանին այնքան ժամանակ, մինչև ԱԺ-ն նոր օրենք ընդունի, կամ պիտի կառավարությունը մեզ հնարավորություն տա  մեքենաները սահմանն անցկացնենք առանց «ներմուծում ներքին վերամշակման համար» մաքսային ընթացակարգի»։

Ինչ վերաբերում է 7 օր ժամանակ տալուն և վարչական պատասխանատվության ենթարկելուն՝ նախաձեռնության անդամը նշեց.

«Պետք է պարզաբանեն, թե ինչո՞ւ են մեզ 7 օր տվել: Մենք վարչական իրավախախտում չենք իրականացրել, որ ԱԱԾ-ն մեզ տուգանի, բացի այդ՝ ինչքանով ես եմ տեղյակ, ԱԱԾ-ի գործառույթների մեջ չի մտնում՝ բացահայտել և պատասխանատվության ենթարկել վարչական իրավախախտում կատարած անձանց»:

Նշենք, որ այսօր ՀՀ տրանսպորտի, կապի և ՏՏ նախարար Հակոբ Արշակյանը կառավարության նիստից հետո լրագրողների հետ զրույցում ասել է, որ սահմանին կուտակված մեքենաները կներմուծվեն, և խնդիրը կվերանա։ Նա հավաստիացրել է, որ Արդարադատության նախարարությունը կտա իր կարծիքը, և նախագիծը կուղարկվի ԱԺ:

Հիշեցնենք, որ Իրավական ակտերի քննարկման e-draft.am կայքում շրջանառության մեջ է դրվել «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին ՀՀ օրենքում լրացում կատարելու մասին» նոր նախագիծ, որտեղ ասվում է. «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» ՀՀ 2018 թվականի մարտի 1-ի թիվ ՀՕ-125-Ն օրենքի 2-րդ հոդվածի «որոնք ձեռք բերելու համար վճարումները կատարվել են մինչև 2018 թվականի հունվարի 25-ը» բառերը և թվերը փոխարինել «որոնց ձեռք բերման համար վճարումները ՀՀ տարածք ներմուծողների կողմից կատարվել են մինչև 2018 թվականի դեկտեմբերի 30-ը և որոնք ՀՀ տարածք են ներմուծվելու մինչև 2019 թվականի ապրիլի 1-ը» բառերով և թվերով»:

Նախագիծը ձևավորվել է «Ղեկը աջ» նախաձեռնության անդամների հետ շարունակվող քննարկումների արդյունքում:

ՀԻՆԳ ԴԱՍ ԱԼԵՆ ՍԻՄՈՆՅԱՆԻՆ

Կան մարդիկ, որոնք քաղաքական գործիչ են դառնում իրենց աշխատասիրության, համառության ու կամքի շնորհիվ: Հարգում եմ այդպիսի մարդկանց, բայց և չեմ կարող կարող բավարարել ընթերցողներիս պահանջ-հարցադրումը` ինչո՞ւ Դուք քաղաքական գործիչ չեք դառնում: Ես չեմ ուզում քաղաքական գործիչ դառնալ, որովհետև քաղաքական գործիչներին հետևելն ու նրանց գործունեությունը գնահատելն ավելի հետաքրքիր գործ է ինձ համար:
Հիմա ուզում եմ «գնահատել» Ալեն Սիմոնյան քաղաքական գործչի գործունեությունը, որն օրերս հասավ ԱԺ փոխնախագահի աթոռին, բայց արդեն գլխից բարձր ցատկելու առաջին փորձերն է անում:

Ալեն Սիմոնյան, հանգիստ նստիր տեղդ, ասում եմ` հանգիստ նստիր տեղդ: Դու իրավունք չունես մեկնաբանելու ՀՅԴ Բյուրոյի ներկայացուցչի հայտարարությունը, որով նա հստակ ասում է, որ Նիկոլ Փաշինյանը չի հարգել իրենց պայմանավորվածությունը: Ալեն Սիմոնյան, դու ներկա չես եղել երբ ՀՅԴ Բյուրոյի ներկայացուցիչը բանակցություններ է վարել Փաշինյանի հետ: Ավելի կոնկրետ ասեմ` երբ Էրեբունիից Նիկոլին տարան «անհայտ ուղղությամբ», դու շարունակում էիր փողոցում բղավել բարձրախոսից ու ինչ-որ անկապ կոչեր անել ժողովրդին: Ողղիր ինձ, եթե սխալվում եմ: Իսկ եթե ոչ, ապա բարի եղիր և քո անմիջական ղեկավարից հետաքրքրվիր, թե ինչ պայմանավորվածությունների մասին է խոսել Հրանտ Մարգարյանը ՀՅԴ 33-րդ ԸԺ բացման ժամանակ: Սա` մեկ:

Երկրորդ` զուտ պատահականության բերումով իշխանության գլխին հայտնված ուժը, որի ներկայացուցիչն ես դու` Ալեն Սիմոնյան, երբեք չի կարող խոստովանել, որ անցած 9 ամիսների ընթացքում չի կատարել իր խոստումներից և ոչ մեկը: Հետևաբար, մեկը պետք է լինի, որ խոսի այդ մասին և ցույց տա ձեր իսկական դեմքը: Խորհրդարանում այդպիսի ուժ չկա այսօր, և այդ ուժի ֆունկցիան կատարում է ՀՅԴ-ն և դա անում է ամենաբարձր մակարդակով: Ժողովուրդը պետք է իմանա դա, պետք է ի վերջո հասկանա, որ իր էյֆորիկ քվեարկությամբ իշխանության է բերել փանջունիների մի խմբակի, որոնց համար պաշտոնը ճոճք է թվում, իսկ երկիրը ծիրանագույն բուրաստան: Եվ շատ էլ մի շահարկիր, Ալեն Սիմոնյան, հոկտեմբերի 2-ը և հին ԸՕ-ով ընտրությունների գնալու փաստը: Հոկտեմբերի 2-ի հետ կապված բոլոր պարզաբանումներն են տրվել` բացառությամբ Նիկոլ Փաշինյանի հիստերիկ պահվածքի, որ այդպես էլ չհասկացանք, թե ինչի հետևանք էր: Իսկ ահա հին Ընտրական օրենսգրքով ընտրությունների գնալու պատճառները փնտրիր Փաշինյանի շտապողականության և ՀՀԿ-ի հետ պայմանավորվածությունների մեջ:

Երրորդ` դու, Ալեն Սիմոնյան, Դաշնակցությունից ոչինչ չես հասկանում: Լիբանանում, Ֆրանսիայում կամ ԱՄՆ-ում ՀՅԴ գրասենյակ այցելելը և լավ ընդունելություն գտնելը դու և քո թիմակից Փաշինյանը համարում եք դրսի և ներսի Դաշնակցության տարբերություն և հայտարարում եք, որ Դաշնակցությունը, իբր, բազմաշերտ կառույց է: Ողբամ զձեզ, որ այդպիսի թյուր կարծիք ունեք մի ուժի մասին, որ մոխիրներից Հայաստան է կերտել և այսօր էլ հպարտությամբ կարող է ասել, որ մեր նոր անկախության 30 տարիների ընթացքում իր օրակարգն է եղել Հայաստանի Հանրապետության գոյատևման, պահպանման, զարգացման հիմքում: Բավարարվենք միայն թվարկելով` զինված պայքար Արցախում, ԼՏՊ-ի հրաժարական, զարգանալ առանց զիջելու, ոչ հայ-թուրքական արձանագրություններին, նոր սահմանադրության ընդունում և, վերջապես` Նիկոլի հետ պայմանավորվածություն, որ այս շարժումը պետք է ծառայեցնել ժողովրդի շահերին: 

Չորրորդ` Ալեն Սիմոնյան, որպեսզի դու, դաշնակցական չլինելով, կարողանայիր Հրանտ Մարգարյանի անձը զատել Դաշնակցությունից, ապա առնվազն պետք է չիմանայիր, որ թվարկված օրակարգերի մեծ մասը բաժին է ընկնում հենց Հրանտ Մարգարյանի ներկայացրած Դաշնակցության օրերին: Մենք` դաշնակցականներս, այլ կերպ ենք մտածում: Հրանտ Մարգարյանն արել է այն, ինչ պետք է և կարող էր անել Դաշնակցությունը` ոչ ավել, ոչ պակաս: Եվ սա է պատճառը, որ Դաշնակցությունը հավասարապես պատասխանատվություն է ստանձնում թե իր հաջողությունների և թե իր «անհաջողության» համար:

Եվ հինգերորդ` Ալեն Սիմոնյան, քաղաքականության մեջ ամեն ինչ հնարավոր է: Ի՞նչ է, ձեզ նման կտրիճնե՞ր են տուն գնացել Դաշնակցության պահանջով: Իսկ ի՞նչ է նշանակում` նախ թող ներս գան, հետո մեզ տուն ուղարկեն: Դուք իշխանափոխությունը միայն խորհրդարանական ուժերի միջոցո՞վ եք պատկերացնում: Դարձյալ պետք է հիասթափեցնեմ` դա քաղաքական մտածողություն չէ: Հարցրեք Լևոն Տեր-Պետրոսյանին և նա ձեզ կբացատրի, թե որը որից հետո է: Այնպես որ, աշխատեք շատ չշեղվել Դաշնակցության օրակարգից և երկիրը չկանգնեցնել նոր վտանգների առջև: Հստակ է ասվել, որ շարժումը պետք է ծառայեցնել Հայաստանի և նրա քաղաքացու շահերին: Եվ ուրեմն, ամպերից իջիր, Ալեն Սիմոնյան ու գործով զբաղվիր:      Hraparak.am 

«ՀՐԱՊԱՐԱԿ»․ ԵՍ ԱՎԵԼԻ ԿԱՐԵՒՈՐ ԱՐԺԱՆԻՔՆԵՐ ԷԼ ՈՒՆԵՄ

 

 
 

 «Իմ քայլը» դաշինքի ամենաերիտասարդ պատգամավոր Սոնա Ղազարյանին երեկ հարցրինք՝ վստա՞հ է, որ, ինչպես ինքն է պնդում, «երկու շարժման համահեղինակ» լինելու շնորհիվ են իրեն ընդգրկել պատգամավորական ցուցակում, քանի որ տեղեկություններ կային, որ Սոնան արժանացել է Նիկոլ Փաշինյանի ուշադրությանն իր արտասվելու դրվագով։

Սեպտեմբերին տեղի ունեցած Երեւանի ավագանու ընտրությունների քարոզարշավի ընթացքում, հանդիպումներից մեկի ժամանակ, նա արտասվել է, երբ Փաշինյանը հարթակից արտասանում էր Համո Սահյանի «Հայաստան ասելիս»-ը։ Երիտասարդ պատգամավորը կարծես չուներ հարցի պատասխանը եւ հորդորեց այն ստանալ մարդկանցից, որոնք իրեն ընտրել են, այսինքն՝ «Քաղաքացիական պայմանագրի» ղեկավար կազմից։

Ինքը կարող է ենթադրել, թե ինչու են, ասենք, այդ երկու՝ «Մերժիր Սերժին» եւ «Չեք անցկացնի» շարժումների համահեղինակներից հենց իրեն ընտրել․ «Միգուցե իմ արժանիքների համար են ընտրել, միգուցե՝ ստացած կրթության»։ Ինքն անձամբ չի լսել, որ իրեն ընտրել են հուզվելու համար, ավելին՝ ասում է, որ շատերն են այդ օրը հուզվել ու արտասվել։ Բայց ամենաշատը Դուք էիք։ «Երեւի ամենաշատը ես էի արտասվում, բայց չեմ կարծում, որ դա իմ կյանքի ամենամեծ դրվագներից մեկն է, եւ ես կարծում եմ, որ ուշադրության եմ արժանացել շատ ավելի կարեւոր արժանիքների համար»,- ասաց Սոնա Ղազարյանը, սակայն այդպես էլ չթվարկեց այդ արժանիքներից գեթ մեկը։ Hraparak.am

 
 

 

ԱԺ-ում ամենաբարձր և ամենացածր աշխատավարձերը

galatv.am-ն գրում է. Այս օրերին ԱԺ շենքում աշխատանքային եռուզեռ է: Նախապատրաստվում են դիմավորել 7-րդ գումարման պատգամավորներին: Թարմացվում են ԱԺ գույքը, կահույքը, գորգերը:

Իսկ որքան աշխատավարձ կստանան ԱԺ ղեկավարներն ու պատգամավորները: Ըստ օրենքով ամրագրված գործակցի ու հաշվարկի՝ ԱԺ նախագահի աշխատավարձը կազմում է 1 միլիոն 190 հազար 520 դրամ: Ազգային ժողովի նախագահի տեղակալի աշխատավարձը կկազմի 925 հազար 960 դրամ: Ազգային ժողովի մշտական հանձնաժողովի նախագահը կստանա 793 հազար 680 դրամ, նրա տեղակալը՝ 694 հազար 470 դրամ:

Ազգային ժողովի պատգամավորի աշխատավարձը 661 հազար 400 դրամ է, իսկ Ազգային ժողովի աշխատակազմի ղեկավարինը՝ 793 հազար 680 դրամ: Ազգային ժողովի աշխատակազմի ղեկավարի առաջին տեղակալը և ԱԺ նախագահի գլխավոր խորհրդականը կստանան 661 հազար 400 դրամ: Ազգային ժողովի նախագահի օգնականի և Ազգային ժողովի աշխատակազմի ղեկավարի տեղակալի վարձատրությունը 529 հազար 120 դրամ է:

Ազգային ժողովի նախագահի մամուլի քարտուղարի աշխատավարձը կկազմի 529 հազար 120 դրամ: Ազգային ժողովի նախագահի ռեֆերենտը կստանա 396 հազար 840 դրամ աշխատավարձ: Ազգային ժողովի նախագահի տեղակալի խորհրդականի և Ազգային ժողովի աշխատակազմի ղեկավարի խորհրդականի աշխատավարձերը կազմում են 363 հազար 770 դրամ:

Ազգային ժողովի նախագահի տեղակալի օգնականի աշխատավարձը 330 հազար 700 դրամ է, ԱԺ աշխատակազմի ղեկավարի օգնականի և ԱԺ խմբակցության, պատգամավորական խմբի փորձագետինը՝ 297 հազար 630 դրամ: ԱԺ պատգամավորի վճարովի հիմունքներով օգնականի աշխատավարձն էլ 198 հազար 420 դրամ է:

Մարզպետի մակարդակով ներքին հանձնարարական է եղել համայնքապետերին՝ քվե ապահովել «Իմ քայլի» համար Նաիրա Զոհրաբյան. 168.am

Սյունիքում եւ Վայոց Ձորում քարոզարշավը բավականին հանգիստ է անցել. Այստեղ ինձ համար անհավասար պայման չի եղել թեկուզ միայն այն պատճառով, որ չի եղել որեւէ այլ թեկնածու, որ անցկացնի քարոզարշավ։ Այս մասին 168.am-ի  հետ զրույցում նշել է ԲՀԿ կողմից թիվ 12 ընտրական տարածքում առաջադրված թեկնածու, ԱԺ պատգամավոր Նաիրա Զոհրաբյանը:

«Թիվ 12 ընտրատարածքում առաջադրված 100-ից ավելի ռեյտինգային թեկնածուներից ես որեւէ մեկին այդպես էլ չտեսա քարոզարշավ անցկացնելիս. Վայոց Ձորի եւ Սյունիքի մոտ 70 համայնքում եղել եմ։ Բազմաթիվ թեկնածուներ նախկին զզվելի գործելաոճով են շարժվել, եւ այսօր էլ, վաղն էլ այդ գործելաոճին են հավատարիմ մնալու։

Քարոզարշավ անցկացնելու, ընտրողին, քաղաքացուն իրենց տեսակետը ներկայացնելու փոխարեն՝ մարդիկ զբաղված են տարբեր օբյեկտներում գյուղապետերի, համայնքում տարբեր հեղինակություն ունեցող մարդկանց հանդիպելով, նրանց գրպանը գումար են դնում, ասում են՝ կգնաք, «պերերիվ» կանեք, միայն թե այսքան ձայն ես ստանամ։

Երբ մեր հարգարժան իրավապահները պարբերաբար հայտարարություն են անում, որ իմանալու են՝ ով է անօրինական գործունեություն իրականացնում, ես զարմանում եմ, որ նրանք մի անգամ իրենց հայացքները չթեքեցին Սյունիք եւ Վայոց Ձոր եւ չտեսան, թե ռեյտինգային որ թեկնածուներն են, որ իրենց իրական գործը թողած, համայնք-համայնք ընկնելու փոխարեն՝ ընկած են օբյեկտ-օբյեկտ, եւ մարդաորս են անում։

Ես հասկանում եմ՝ իրենք չէին կարող դասական քարոզարշավ անել, որովհետեւ ինտելեկտի հետ կապված լրջագույն խնդիրներ ունեն, ասելիք չունեն, եթե անգամ ասելիք էլ ունենան, ասելիքը ձեւակերպելու ընդունակություն չունեն, դրա համար ընտրել են այդ տարբերակը»,-հայտարարել է Նաիրա Զոհրաբյանը:

Նա նշել է, որ, թեեւ բացահայտ վարչական ռեսուրս չի կիրառվել, բայց մարզպետի մակարդակով ներքին հանձնարարական է եղել համայնքապետերին՝ հնարավորինս շատ քվե ապահովել «Իմ քայլը» դաշինքի թեկնածուների համար.

«Որեւէ մեկը չփորձի ասել, որ նման բան չի եղել, դա միանշանակ այդպես է։ Բայց դա բացարձակապես ինձ չի մտահոգում, որովհետեւ ես հույս ունեմ, որ գոնե այս սահմանային ռեգիոնում, որտեղ մարդիկ շատ ավելի լուրջ են վերաբերվում ընտրական պրոցեսին, շատ ավելի հստակ են հասկանում խաղաղության եւ պատերազմի գինը, իրենց մաշկի վրա զգացել են, թե ինչ է նշանակում՝ տարիներ շարունակ խորհրդարանում ունենալ տգետ պատգամավորներ, որ Արշակ Սադոյանն անվանել էր տապանաքարեր, գոնե զգալի մասը ճիշտ ընտրություն կկատարի՝ հասկանալով, որ առաջիկա խորհրդարանն ամենածանր խորհրդարաններից մեկն է լինելու, առաջիկա խորհրդարանի առջեւ բավականին լուրջ խնդիրներ են դրված լինելու, տգետների «շայկային» խորհրդարան չի ուղարկի»։

Ի՞նչ է կատարվել Նոր Նորքում. ընդհարում «Մենք»–ի և «Իմ քայլի» ներկայացուցիչների միջև

 Նոր Նորքում պաստառներ փակցնելիս են եղել իմ թիմակիցները, տեսել են, թե ինչպես են իմ պաստառները փչացնում, մոտեցել են նրանց եւ ենթարկվել հարձակման։ Այս մասին NEWS.am-ի հետ զրույցում ասաց «Իմ քայլը» դաշինքից պատգամավորության թեկնածու Մեսրոպ Պապիկյանը` նշելով, որ իր թիմակցին քաշքշել եւ բռնության է ենթարկել «Մենք» դաշինքի ներկայացուցիչը։

Պապիկյանը նշեց, որ իրենք այս պահին գտնվում են ոստիկանությունում եւ բացատրություն են ներկայացնում։

Պապիկյանի խոսքով` քարոզարշավի ընթացքում սա առաջին  նման դրսեւորումն է, ինչին հետեւողական են լինելու։

Մինչդեռ «Մենք» դաշինքից Անի Խաչատրյանը մեզ փոխանցեց` իրենց դաշինքից Արտավազդ Սարգսյանը քարոզչություն իրականացնելիս է եղել, նրան են մոտեցել Մեսրոպ Պապիկյանի թիմակիցները եւ «մարկեր» խնդրել, պատասխանել է, որ չունի, դրանից հետո էլ սկսվել է քաշքշուկ. «Արտավազդ Սարգսյանն ասել է` չունեմ մարկեր, նրանք ասել են` ունես, աղչի, մեր պաստառներին նկարում ես։ Տղամարդուն ասել են՝ աղչի, դրանից հետո սկսվել է քաշքշուկ»։

Խաչատրյանի խոսքով` դեպքից հետո Պապիկյանը զանգահարել  է իրեն, իրավիճակը պարզաբանել են, սակայն մի քանի ժամ անց խմբով ներխուժել են «Մենքի» շտաբ. «10-15 հոգով ներխուժել են մեր շտաբ, իսկ նոր Հայաստանի ոստիկանները իշխանության ներկայացուցչին ոչինչ չէին ասում։ Այնտեղ քարոզչական նյութեր կային, որոնք իրենք գուցե չպիտի տեսնեին։ Դրանից հետո ոստիկանություն հաղորդում ենք ներկայացրել ներխուժման դեպքով»։

Ավելի ուշ, NEWS.am-ը ստացել է «Մենք» դաշինքի հայտարարությունը, որում ասվում է. «Իմ Քայլ»  թեկնածուն քիչ առաջ  (ոչ աշխատանքային ժամի) Իմ Քայլը դաշինքի կողմից պատգամավորի թեկնածու և վարչապետի ժամանակավոր պաշտոնակատար Նիկոլ Փաշինյանի խորհրդական Մեսրոպ Պապիկյանը ոստիկանների և մի խումբ անհայտ անձանց հետ ներխուժել է ՄԵՆՔ դաշինքի կենտրոնական գրասենյակ և փորձել հաշիվներ մաքրել: Վերջիններս անհարգալից վերաբերմունք են ցուցաբերել գրասենյակում գտնվող անձանց հանդեպ, առանց որևէ թույլտվության նկարահանել են գրասենակում եղած աշխատանքային քարտեզները, որոնց վրա պատկերված է ՄԵՆՔ դաշինքի երթուղիները, քարոզչական նյութերը, նկարահանել ակտիվիստներին…

Այս առիթով ՄԵՆՔ դաշինքը հաղորդում է ներկայացրել ոստիկանություն»:

ՄԵՐ ՄԱՐԶՈՒՄ 17 ԹԻՎՆ Է՝ ԿՈՏՈՐԱԾ ԵՆ ԱՆՈՒՄ

Հարցազրույց Արարատի մարզն ընդգրկող թիվ 5 ընտրատարածքի պատգամավորության ռեյտինգային թեկնածու ՀՀԿ-ական Մուրադ Մուրադյանիհետ։

- Քարոզարշավի դեռ սկզբում էիք ասում, որ 37 թվից վատ է ձեր մարզում, քարոզարշավն ավարտին է մոտենում` փոխվե՞լ է այդ մթնոլորտը։

- Միանշանակ պնդում եմ, որ հիմա ավելի վատ է, հիմա 17 թիվն ա, կոտորած են անում մեր մարզում, մարզպետը կանչում է գրեթե բոլոր գյուղապետերին, պլան է դրել նրանց վրա։ Մարզպետն առաջադրվել է «Իմ քայլից», տեղակալը՝ առաջադրվել, աշխատակազմի ղեկավարն էլ, ու իրենց համար պլանային առաջադրանքներ ունեն՝ ով ում համար պետք է ձայն բերի։ Հիմա էլ ոստիկանությունը հատ-հատ կանչում ա գյուղապետերին ու ստիպում, որ բացատրագիր գրեն, որ իբր մարզպետն իրանց չի կանչել, չի ասել՝ էսքան ձեն կբերեք։ Բայց մտեք շրջան, հարցրեք՝ չկա մարդ, որ չիմանա էդ մասին, հիմա ուզում են սուտը ճշտի տեղ տանեն։ Լծակներն իրանց ձեռքը օգտագործում են, ոնց կուզեն, կանեն, ի՞նչ արդարության մասին ենք խոսում։ Մենք չենք խոսում, որ իրանց մոտ մարդիկ կան, որ Մասիսի ճանապարհները չեն իմանում, գյուղերի տեղը չգիտեն՝ թեկնածու են։

- Բացի համայնքապետերին ճնշելուց, իշխող ուժի ներկայացուցիչներն այլ լծակներ օգտագործո՞ւմ են։

- Վախեցնում են բոլորին, բոլոր-բոլորին։ Ես վախենում եմ նույնիսկ անուններ տալ, շտաբ չեն կարողանում մտնել, մեզ չեն համարձակվում անգամ զանգել, ես գնամ հանդիպեմ, ի՞նչ անեմ, որ էդ մարդկանց բռնեն տանե՞ն։ Ձեզ ասում եմ՝ 4 հազար 100 մարդուց չորս հոգի չի գալիս մեր շտաբ։

- Գուցե ոչ թե վախենում են, այլ հեղափոխությունից հետո իրավիճակ է փոխվել, այլեւս ՀՀԿ-ի հետ չե՞ն ուզում ճանապարհ անցնել։

- Է, եթե իրենց մոտ բան ա փոխվել, թող բոլորն էլ գան կուսակցությունից դուրս գան, մարդիկ տեսնում, լսում են, որ իշխանության համար արդեն ոստիկանությունն ա աշխատում, ոստիկանությունն ա վախացնում։ Դե, եթե այդքան հզոր էիք, Հայանիստի դեպքերը բացահայտեիք, ոստիկանության կեսին ջարդեցին, երբ ժողովուրդն ուզում էր գնալ Երեւան՝ հավաքների, միլպետին, միլպետի տեղակալին, բոլորին ջարդեցին, ընկան հիվանդանոցները, էլ սիստեմաներ, էլ ինչ ասես… տո ձեզ պաշտպանեիք, հիմա ի՞նչ գործ ունեք… էդքան ուժեղ եք, հիմա ընկել եք մեր հետեւից, տարբեր տեղեր էլ խոսում եք, թե հեսա Մուրադյանին ենք վատություն անելու, տղաներին անենք։ Ուժային կառույց եք, որ ձեզ սամասուդ էին անում, էդ ժամանակ ձեզ պաշտպանեիք։ Հիմա Մասիսում ոստիկանության թայֆա են ստեղծել, գիտեք չգիտե՞նք ովքեր էիք, ոնց եք աճել ու ինչի տեղ եք ձեզ դրել։

- Իսկ ովքե՞ր են խոսում՝ ոստիկանության պաշտոնյանե՞ր, թե՞ մարզային իշխանություններ։

- Չեմ ուզում անուններ տալ, բայց պնդում եմ՝ իմ հեռախոսն էլ են լսում, ես միանշանակ հիմա ասում եմ՝ ովքեր հանկարծ կփորձեն ընտրակաշառքի խոստումներ իմ անունից տալ, գործողություններ անել, հորինված, սարքված մարդիկ են։

- Մտավախություններ ունեք, որ կարող են «սարքել» ու Ձեր անունից ընտրակաշառքի խոստումնե՞ր տալ։

- Ամեն ինչ ես էսօր սպասում եմ։

- Դուք հանդիպումներ ունենո՞ւմ եք ընտրողների հետ, ինչպե՞ս են Ձեզ ընդունում։

- Ո՞նց հանդիպեմ, եթե մարդիկ ընկնելու են տեսադաշտում, շտաբ մտնող-դուրս եկողների հետեւից են գնում, դուք ասում եք՝ հանդիպում… ես չեմ ուզում անուններ տամ, բայց բոլորին տարբեր տեղերից մի բանով վախեցնում են․ որին՝ աշխատանքով, որին՝ բիզնեսով։ Հիմա ես հանդիպեմ, որ մարդկանց վատությո՞ւն անեն, ճի՞շտ ա։ Ես մեր մարզում էնքան բան եմ արել, որ էդ բոլոր թեկնածուներն իրար հետ վերցրած չեն արել, բայց իրանք ի՞նչ են արել, հիմա որ ՀՀԿ-ական եմ, դարձել եմ չգիտեմ ի՞նչ։ Խոսում են թալանի մասին, հա, Մասիսն էլ ա թալանվել, մարզն էլ։ Թող  ոստիկանները զբաղվեն էդ թալանչիներով ու տենան, թե հիմա դրանք ում համար են աշխատում։ Կտեսնեն, որ ՔՊ-ի ու իշխանության համար են աշխատում։ Իսկ իմ հետ էսօր շփվում են մարդիկ, ովքեր մի կոպեկ էլ չունեն, թող գան պարզեն՝ Մասիսի շենք-շինություններն ումն են, թե՞ իրենց ուժը մեր վրա է պատում, որ իրենց ղեկավարների մոտ գլուխ գովան, թե տեսա՞ք՝ ճնշեցինք։ Դեկտեմբերի 10-ից հետո այնքան անուն կտամ, որ իրենք կտենան ով ով է։

- Փաշինյանը երեկ ասաց, որ ՀՀԿ-ի վախճանին մի քանի օր է մնացել, ինչո՞ւ են ձեզանից այդքան զգուշանում։

- Իրանք գիտեն՝ ես ինչեր եմ արել, բացի լավությունից ես ուրիշ բան չեմ արել։ Ինչքան ես եմ պետք եղել մարզում ժողովրդին, Նիկոլ Փաշինյանն իր կուսակցությունով ու շրջապատով մի տոկոս էլ չեն արել։ Ժողովուրդը բոլորիս գիտի։ Նիկոլ Փաշինյանը մոռացել ա ինքն ով ա, ես ով եմ, հիմա կարում ա բա՞ն ասի։ Վարչապետ ես, 7 ամսում փակեիր արտաքին պարտքը, ասում էիր՝ հնարավոր ա, ի՞նչ ա արել, բացի խոսելուց։ Թող նայի՝ իր ցուցակում ովքեր որտեղից են ի հայտ եկել ու հասել թեկնածուի կարգավիճակի, Նիկոլ Փաշինյանն էլ թող պարզի, թե ովքեր են մարզը թալանել ու ում կողմնակիցներն են, ես վախենալու բան չունեմ։ Ի՞նչ ա փոխվել հեղափոխությունից հետո գյուղում՝ ոչ մի բան։ Ես դեռ երեք տարի առաջ եմ կառավարությանն առաջարկել, որ բերեք գյուղացիներին 5-6 տարով հողի ու ջրի հարկերից ազատեք, այսինքն՝ այն հողերը, որոնք սեփականաշնորհված են, իսկ էն մարդիկ, որ ունեն 5-10 հազար հեկտար եւ ավելի հող, թող վճարեն։ Ընդամենը 6-8 մլրդ-ի պատմություն է, ուրեմն երկրում չե՞ն կարում էդքան փող ճարեն, որ գյուղացու համար լավ լինի։ Լավ, անցած իշխանությունը չէր կարում, դե թող նոր են եկել՝ անեն։

- Իշխանափոխությունից հետո չէի՞ք կանխատեսում, որ ընդդիմադիր թեկնածուի կարգավիճակում դժվար է լինելու, հարվածի տակ եք ընկնելու։

- Իմ գերնպատակը պատգամավոր դառնալը չի, ես չորրորդ անգամն եմ առաջադրվում, բայց ես չեմ տեսնում, որ էս մարզում առաջադրվածներից ինձ հավասար մարդ կա, ես ափսոսում եմ մի բանի համար, որ շատերի համար շատ եմ տանջվել, իմ հանգստի օրերն էլ եմ տրամադրել, իմ եւ բարեկամներիս մեքենաները տասնյակ հազար կիլոմետրեր տրամադրել եմ սրա-նրա համար, բանակայինների համար, բայց մարդիկ էսօր հինգ րոպեում դավաճանում են, էսքան դավաճան այս երկրո՞ւմ։ Չիմանալով ՔՊ-ն ով ա, ինչ ա, մի քիչ տաք տեղ են տեսնում, վազում են, ես ցավում եմ։ Ես էլ չեմ զարմանում, թե ինչու է Հայաստանը 169 հազար ք/կմ-ից մնացել 29, ես վստահ եմ, որ դավաճանության պատճառով։ Ընտրություն է, թողեք ընտրություն անեն։

- Առաջինը Ձեզ դավաճանեց Մասիսի քաղաքապետը, ում Դուք դարձրեցիք քաղաքապետ։

- Քաղաքապետի հետ կապված հարցերը, էլի եմ ասում՝ տվեք իրեն։ Hraparak.am

ՎԱՐՉԱՊԵՏԸ ՇԱՏ ԷԼ ԼԱՎ Ա ԱՆՈՒՄ

ՊԵԿ նախագահ Դավիթ Անանյանի որոշ մտքեր այս օրերին փոթորիկ են առաջացրել հասարակության շրջանում: Նրան դուր չի գալիս, որ ոչ տնտեսագետ մարդիկ այսօր մտել են տնտեսագիտական թեմաների մեջ ու «լայվեր» են անում։ Խոսքը հատկապես ՀՀԿ ցուցակի երկրորդ համար Արփինե Հովհաննիսյանի մասին է, ով մասնագիտությամբ իրավաբան է։ Անանյանը կարծում է, որ Նիկոլ Փաշինյանն ինչ ասում է, լավ է անում, նրա ոչ մի խոսքը մյուսին չի հակասում։ Փոխարենը, ինչպես հասկացանք «խոպանչիներին հարկելու» թեմայի շուրջ բարձրացած աղմուկից, վարչապետի ու փոխվարչապետի հայտարարությունները կարծես հակասում են հենց իր՝ ՊԵԿ նախագահի հայտարարություններին։

Նրա հետ զրույցում նախ անդրադարձանք այն թեմային, թե ՀՀԿ-ականներն ասում են, որ եկամտային հարկի իջեցման առաջարկով իրենք վաղուց էին հանդես եկել եւ առաջարկում էին 20-25 տոկոս, մինչդեռ հիմա իրենք առաջարկում են ընդամենը 150 հազարից բարձր աշխատավարձ ստացողների համար սահմանել 23 տոկոս։

«Ուրեմն տեսեք, նախորդ կառավարության էդ 20-25-ը, որ եղել ա մինչեւ 500 հազար ստացողների համար, քննարկվել ա, վարչապետն էլ ա ասել, մենք էլ ենք առիթ ունեցել ասելու, որ եկամտային հարկի դրույքաչափերի փոփոխության 11-ից ավելի տարբերակներ ա քննարկվել։ Տարբերակներից մեկն էլ եղել ա էդ նույն 20-25 տոկոսը։ Ուղղակի մասնագիտական քննարկման ժամանակ կանգ ա առնվել 23 համահարթ տոկոսադրույքի վրա»,- ասաց նա։

- Բայց այդ 23 տոկոսը վերաբերում է 150 հազար դրամից բարձր աշխատավարձ ստացողներին, այսինքն՝ նրանց, որոնք, վարչապետի խոսքով ասած՝ ճռռում են, որ մյուսներն աշխատավարձ ստանան։

- Գիտե՞ք, ես հիմա ընդհանրապես որեւէ հարցի չեմ ուզում պատասխանեմ, որովհետեւ ես ուղղակի խորհուրդ կտամ, որ հանրությունը հետեւի վարչապետի խոսքերին էս քարոզարշավի ժամանակ եւ ոչ մենակ քարոզարշավի ժամանակ։ Քարոզարշավը՝ ինքը, ոչ մենակ տնտեսական հարցերի ժամանակ պատասխան գտնելու գործընթաց ա, այլ նաեւ շատ ու շատ հարցերի վերաբերյալ խեղաթյուրված կամ սեփական կարծիքը ժողովրդի վզին փաթաթելու փորձեր ա պարունակում։ Ես, ասենք, ՀՀԿ-ի ներկայացուցիչների տեսակետներն ընդհանրապես չեմ էլ մեկնաբանի, որովհետեւ ես չեմ ուզում ներքաշեմ էդ մարդկանց տնտեսական հարցերի կամ բանավեճի մեջ, որովհետեւ ես, օրինակ, մարդասիրությունից ելնելով, տնտեսագետ չհանդիսացող մարդկանց չեմ կարող բանավեճի հրավիրել։

- Բայց ՀՀԿ-ում տնտեսագետների թիմ է աշխատում՝ նախկին, ներկա կառավարություններից գուցե, ի վերջո, ունեն տնտեսագետներ։

- Կարող ա եւ աշխատում են, բայց եթե, ասենք, տեսակետներ են հայտնում ոչ տնտեսագետները եւ, ընդհանրապես, տնտեսագիտությունից հեռու բաներ են ասում, ես դա չեմ կարա էս պահին, տնտեսագիտությունից ելնելով, որեւէ ձեւով մեկնաբանել, որովհետեւ իրենց «լայվ» մտնելը կամ իրենց տեսակետներն էսօր զուտ քաղաքական ենթատեքստ են պարունակում։

- Նիկոլ Փաշինյանի ելույթներն էլ են քաղաքական ենթատեքստ պարունակում այս նախընտրական շրջանում։

- Հնարավոր ա, հետեւաբար, ես հիմա Ձեր հարցերին ուղղակի չեմ ուզում պատասխանեմ, որովհետեւ այսօր ես մինչեւ դեկտեմբերի 9-ը չեմ պատրաստվում մասնագիտական քննարկումներ անել մամուլի հետ, որովհետեւ այսօր մամուլն ինքը քաղաքականացված է, որովհետեւ շնչում եւ արտաշնչում ա նախընտրական էս ամեն ինչով։ Հետեւաբար, իմ մասնագիտական տեսակետները, վստահաբար ասեմ, որ խեղաթյուրվելու են տարբեր քաղաքական ուժերի կողմից։

- Մամուլը ներկայացնում է այն կողմի, այս կողմի տեսակետները եւ ակնկալում է Ձեզնից մասնագիտական տեսակետ։

- Այո, իմ տեսակետը զուտ մասնագիտական է, եւ ես մինչեւ դեկտեմբերի 9-ը որեւէ մասնագիտական տեսակետ չեմ հայտնելու։

- Ի դեպ, այդ «խոպանչիներին հարկելու» գաղափարն ի վերջո կա՞, թե՞ չկա։

- Այդպիսի գաղափար չի եղել, չի էլ քննարկվել, դա ուղղակի մատից դուրս բերված ինչ-որ մի գաղափար էր։

- Բայց Արարատ Միրզոյանը չհերքեց դա, միայն ասաց, որ հանրային քննարկման կդնեն։

- Արարատ Միրզոյանն այդպես չասեց, նա ասաց, որ ընդհանրապես որեւէ հարց առանց հանրային քննարկման չի լինելու, ժողովուրդ ջան, հանգիստ եղեք։ Ինքն ընդհանրապես այդպիսի հիպոթետիկ մի պատասխան տվեց։

- Այդ դեպքում տրանսֆերտների հարկումն ի՞նչ էր ենթադրում։

- Տրանսֆերտների հարկումն ապուշություն է, էդպիսի բան չկա։ Ես չեմ ասել տրանսֆերտների հարկում, ես ասել եմ՝ արտագնա աշխատանքի դիմաց ստացված եկամուտներն այսօր էլ են հարկում, եւ դրանց ներառելը տարեկան դեկլարացիաների մեջ կարող է քննարկվել։ Դա տրանսֆերտ չէ, դա եկամուտ է։

- Իսկ ինչպե՞ս է որոշվելու՝ դա տրանսֆե՞րտ է, թե՞ եկամուտ։

- Ձեր հարցին ես չեմ պատասխանի, մինչեւ դեկտեմբերի 9-ը ես որեւէ մասնագիտական հարցերի չեմ պատասխանելու, որովհետեւ իմ մասնագիտական հարցերը չեն ընկալվում հասարակության կողմից հիմա, օդը քաղաքականացված ա, հիմա շնչում եւ արտաշնչում է հասարակությունը՝ առանց տնտեսագիտության մեջ խորանալու։ Երբ մասնագիտությամբ իրավաբան հանդիսացող անձը, որը նախորդ կառավարությունում իմ կողմից բավականին հարգանքի արժանացած անձնավորություն էր, նախարար ա եղել, «լայվ» ա մտնում ու տնտեսագիտությունից հեռու բաներ ա ասում…

- Ո՞ւմ մասին է խոսքը՝ Արփինե Հովհաննիսյանի՞։

- Մնացածը Դուք որոշեք։

- Այդ դեպքում ինչո՞ւ է վարչապետն ընտրություններից առաջ նման հայտարարություններ անում։

- Լավ ա անում։ Շատ էլ լավ ա անում, որովհետեւ վարչապետը շատ ավելի հավասարակշռված մտքեր ա ասում, եւ եթե տեսնեք, վարչապետի որեւէ խոսք իրա նախորդ արտահայտածների հետ որեւէ հակասության մեջ չէ։ Վարչապետը գոնե ասում ա այն, ինչ որ իրականությունն է։ Մնացածը շահարկում են եւ ուրիշ բաներ են ասում։

Hraparak.am

Շատ դիտվածները

Գալուստ Սահակյանն ու իր հարազատները նույնպես անձեռնմխելի՞ են

 Թավշյա հեղափոխությունը մուտք գործեց Վաղարշապատ, փոթորկեց քաղաքը, բայց հեռացավ՝ իր հետ տանելով միայն Մանվել Գրիգորյանին: Այստեղ մնացին նախկին ՀՀԿ-ական տնօրեններ՝ շարունակելով իրենց գործունեությունը՝ ի վնաս ժողովրդի:  Էջմիածնեցիների համար հին իշխանության «սև ուրվականներից» մեկը, որ շրջում է քաղաքում, «Էջմիածին» ԲԿ-ի տնօրեն Լիլիթ Գասպարյանն է: Վերջինիս գլխավորած բուժկենտրոնը, շարունակելով սնվել պետությունից, համառորեն պատշաճ սպասարկում չի իրականացնում: Բնակչության մեծամասնությունն անգամ չգիտի, թե պետության կողմից տրամադրվող ո՛ր ծառայություններն են անվճար, քանի որ անգամ պոլիկլինիկային դիմելու դեպքում անվճար ծառայությունները սպասարկվում են վճարովի հիմունքներով: Օրինակ՝ մինչև յոթ տարեկան երեխաներին պատվաստելու համար բնակիչներից անամոթաբար 200 դրամ են կորզում,  այն դեպքում, երբ դա անվճար է: Սա թերևս ամենաչնչին օրինակն է, որ կարելի է նշել:

Հավաստի տվյալներ կան նաև այն մասին, որ «Էջմիածին» ԲԿ-ին պատկանել են երկու մեքենա «NISSAN TIDA»` 808 ՈՈ 01 պետհամարանիշով, և «Hyundai Elantra»` 808 QQ 01 պետհամարանիշով: Վերջինս առնվազն երկու տարի, ըստ պահանջի, վարել է տնօրենի որդին, իսկ վառելիքի (300-400 լիտր) և սպասարկման ծախսերը դուրս են գրվել պոլիկլինիկայի հաշվեկշռից: Մեքենան այս ընթացքում երկու անգամ վթարի է ենթարկվել, որի ծախսերը ևս հատուցվել են պետական միջոցներով: Այնուհետև «Hyundai Elantra»-ն վերադարձվել է «Էջմիածին» ԲԿ-ին (դե, վթարված մեքենան ինչպե՞ս կարող էր վարել տնօրենի տղան, ամոթ է, չէ՞), իսկ ընտանիքին սկսել է սպասարկել «NISSAN TIDA»-ն:  Այս չարաշահումների պատճառով մի քանի միլիոն դրամի վնաս է հասցվել պետությանը: Ընդ որում, հարց է ծագում՝ ինչպես է «Էջմիածին» ԲԿ-ն ձեռք բերել գոլդ պետհամարանիշները, քանի որ բոլորս էլ գիտենք, որ նման պետհամարանիշները առևտրային կազմակերպությունները ձեռք են բերում հավելավճարով: Ի՞նչ է ստացվում, ԲԿ-ն դարձյա՞լ չարաշահել է պետական միջոցները:

Բուժկենտրոնի տնօրեն Լ. Գասպարյանն իր բոլոր չարաշահումները կոծկել է անձնական կապերի շնորհիվ: Ըստ քաղաքում շրջանառվող լուրերի՝ Լիլիթ Գասպարյանը ԱԺ նախկին նախագահ Գալուստ Սահակյանի ապօրինի որդու` ՀՀ Առողջապահության նախկին փոխնախարար, ՀՀԿ-ական Վահան Պողոսյանի կինն է, և հարսին առնչվող ցանկացած խնդրով Գ. Սահակյանը երբևէ չի զլացել դիմել մարզային իշխանություններին:

Անգամ իշխանափոխությունը չսթափեցրեց Տիկին Գասպարյանին: Արդեն Նոր Հայաստանում նա իր համար նոր կապեր է հաստատել և շարունակում է պաշտոնավարել նույն գործելաոճով՝ իրեն համարելով այդ տարածքի միակ տիրուհին:

Ի դեպ, պարզվում է՝ ժամանակին «Էջմիածին» ԲԿ-ն իր ողջ տարածքով պետք է նվիրվեր «Մեդիպրիզ» ՍՊԸ-ին, որի հիմնադիրներն են Գալուստ Սահակյանի կինը՝ ժաննա Աղաբաբյանն ու նույն Լիլիթ Գասպարյանը: Այս նվիրատվությունը կատարվելու էր այդ ժամանակ Պետգույքի կառավարման պետ, Գ. Սահակյանի որդու՝ Արման Սահակյանի թեթև ձեռքով: Սակայն ընտանեկան այս մեծ գործարքը ինչ-ինչ պատճառներով չստացվեց:

 

 

 

 

Լուրեր

31 /Մայիս 2019

Բրիտանական և հայկական զինվորական նվագախմբերի համատեղ համերգ Երևանում

Հունիսի 3-ին, ժամը 19։00-ին, Ազատության հրապարակում տեղի կունենա Միացյալ Թագավորության պաշտպանության նախարարության The Salamanca Band and Bugles of The Rifles և ՀՀ զինված ուժերի գլխավոր շտաբի հատուկ զինվորական նվագախմբերի համատեղ բացօթյա համերգը։

Կարդալ ավելին

31 /Մայիս 2019

Պուտինը Սիմֆերոպոլի օդանավակայանին շնորհեց Հովհաննես Այվազովսկու անունը

Ռուսաստանի նախագահ Վլադիմիր Պուտինը Սիմֆերոպոլի օդանավակայանին շնորհել Է աշխարհահռչակ ծովանկարիչ Հովհաննես Այվազովսկու անունը: Համապատասխան հրամանագիրը հարպարակված Է իրավական տեղեկատվության պաշտոնական ինտերնետ-պորտալում, տեղեկացնում Է «Արմենպրես»-ը:

Որոշում եմ Հայրենիքի հանդեպ առանձնահատուկ վաստակ ունեցող անձանց անունները շնորհել հետեւյալ օդանավակայաններին՝… Սիմֆերոպոլի միջազգային օդանավակայանին՝ Հ.Կ. Այվազովսկու անունը»,-ասված Է փաստաթղթում: Համապատասխան հրամանագիրն ուժի մեջ Է մտնում դրա ստորագրման օրվանից՝ մայիսի 31-ից, հաղորդել Է ՌԻԱ Նովոստին: 


 

Կարդալ ավելին

31 /Մայիս 2019

Վարչապետը Եվրոպայի խորհրդին առաջարկել է ոչ թե օգնել, այլ ներգրավվել դատաիրավական համակարգի բարեփոխումների գործընթացում

Վարչապետ Նիկոլ Փաշինյանն աշխատանքային նախաճաշ է ունեցել ԵԽ քարտուղարության Մարդու իրավունքների հարցերով գլխավոր տնօրեն Քրիստոս Ջակումոպուլոսի գլխավորությամբ Հայաստան ժամանած Եվրոպայի խորհրդի բարձրաստիճան առաքելության անդամների հետ:

Քրիստոս Ջակումոպուլոսի ղեկավարած պատվիրակության այցը տեղի է ունենում ՀՀ դատաիրավական համակարգի արմատական բարեփոխումների առնչությամբ ս.թ. մայիսի 22-ին ՀՀ վարչապետ Նիկոլ Փաշինյանի և Եվրոպայի Խորհրդի գլխավոր քարտուղար Թյորբորն Յագլանդի միջև ձեռք բերված պայմանավորվածության արդյունքում Հայաստանում դատաիրավական բարեխումներին աջակցություն տրամադրելու նպատակով։

Նիկոլ Փաշինյանը կարևորել է ԵԽ պատվիրակության այցը Հայաստան և երկկողմ համագործակցությունը մեր երկրի դատաիրավական համակարգում բարեփոխումները կյանքի կոչելու գործում: Վարչապետն ընդգծել է, որ դատաիրավական ոլորտում արմատական փոփոխությունները առաջնահերթ գործընթաց և օրակարգ են կառավարության համար, որոնք պետք է երաշխավորեն մեր երկրում լիարժեք անկախ դատական համակարգի գոյությունը: Գործադիրի ղեկավարն ընդգծել է, որ Հայաստանում տեղի ունեցած ժողովրդավարական ընտրությունների արդյունքում ՀՀ կառավարությունն ու խորհրդարանը ստացել են քաղաքացիների լիաժեք վստահությունն ու մանդատը: «Քաղաքական առումով հատկապես հեղափոխությունից հետո առաջանում է մի պարզ հարց. իսկ Հայաստանի Հանրապետությունում ո՞ւմ է ներկայացնում դատական իշխանությունը, ումի՞ց է բխում այդ իշխանությունը, ո՞ւմ իշխանությունն է իրացնում Հայաստանում դատական իշխանությունը: Սա ասում եմ, որովհետև Հայաստանի Սահմանադրության 2-րդ և ոչ փոփոխելի հոդվածում արձանագրված է հետևյալը, որ Հայաստանի Հանրապետությունում իշխանությունը պատկանում է ժողովրդին, ժողովուրդն իր իշխանությունն իրացնում է ազատ ընտրությունների, հանրաքվեների, Սահմանադրությամբ նախատեսված պետական և տեղական ինքնակառավարման այլ մարմինների միջոցով: Եվ այստեղ, այս շարքի մեջ դատարանները Սահմանադրությամբ նախատեսված պետական մարմիններն են: Եվ խնդիրն այն է, որ, ըստ էության, վերջին մեկ տարվա քաղաքական իրողությունների բերումով մենք, ի տարբերություն կառավարության և խորհրդարանի, դատարանները չեն վայելու ժողովրդի վստահությունը: Այստեղից է, որ անընդհատ դատական որոշումները մեր հանրության շրջանում հուզումներ են առաջացնում, հանրությունը պարզապես չի վստահում մեր դատական համակարգին, և սա ճգնաժամի շարունակական աղբյուր կարող է դառնալ»,- ասել է Նիկոլ Փաշինյանը` ավելացնելով, որ եկել է ժամանակը, որպեսզի նաև դատական իշխանությունը վայելի ժողովրդի վստահությունը: Նիկոլ Փաշինյանը համոզմունք է հայտնել, որ կառավարությանը կհաջողվի միջազգային գործընկերների հետ սերտ համագործակցությամբ ձևավորել վստահելի դատական համակարգ:

ԵԽ քարտուղարության Մարդու իրավունքների հարցերով գլխավոր տնօրեն Քրիստոս Ջակումոպուլոսը վերահաստատել է ԵԽ լիակատար աջակցությունը Հայաստանի դատաիրավական համակարգի բարեփոխումների օրակարգին։ Նա ընդգծել է, որ ԵԽ-ն ողջունում է դատաիրավական ոլորտում արմատական բարեփոխումներ իրականացնելու ՀՀ կառավարության քայլերն ու նշել, որ Հայաստան են ժամանել քննարկելու դրանց իրականացման գործում երկկողմ համագործակցության հետագա քայլերն ու գործողությունները: Քրիստոս Ջակումոպուլոսը հավելել է, որ Եվրոպայի խորհուրդը պատրաստ է սերտորեն համագործակցել ՀՀ կառավարության հետ` բարեփոխումների գործընթացում` ներդնելով ԵԽ ամբողջ փորձագիտական ներուժը:

Ընդգծելով Հայաստանի` Եվրոպայի խորհրդի անդամ լինելու փաստը, վարչապետը Եվրոպայի խորհրդին առաջարկել է ոչ թե օգնել, այլ ներգրավվել դատաիրավական համակարգի բարեփոխումների գործընթացում:

Երկուստեք նշվել է, որ Հայաստանում կոռուպցիայի դեմ պայքարը և դատական համակարգի բարեփոխումները պետք է համապատասխանեն ՀՀ Սահմանադրությանը, միջազգային չափանիշներին և որպես ԵԽ անդամ պետություն՝ ՀՀ ստանձնած պարտավորություններին։

ԵԽ պատվիրակության կազմում են Եվրոպայի խորհրդի առանցքային կառույցների ղեկավարները՝ ԳՐԵԿՈ -ի գործադիր քարտուղար Ջանլուկա Էսպոզիտոն, Վենետիկի հանձնաժողովի քարտուղար Թոմաս Մարկերտը, ԵԽ քարտուղարության Մարդու իրավունքների հարցերով գլխավոր տնօրինության ներքո Արդարադատության և իրավական համագործակցության վարչության պետ Հաննե Յունկերը, քաղաքական խորհրդատու Մաքսիմ Լոնգանգը:

Այս հանդիպումից հետո վարչապետ Փաշինյանը մեկնել է կարճատև արձակուրդ, որը կանցկացնի Հայաստանում:

Կարդալ ավելին

31 /Մայիս 2019

ԹԵԿՆԱԾՈՒՆԵՐԻ ԿԱԶՄԱԿԵՐՊՉԱԿԱՆ ՈՒՆԱԿՈՒԹՅՈՒՆՆԵՐԸ ԿԳՆԱՀԱՏԻ ՍՊԱՆԴԱՐՅԱՆՑԻՆ ԻՐ ԸՆՏՐՈՒԹՅԱՄԲ

Սպանդարյան համայնքում հունիսի 9-ին կայանալիք համայնքի ղեկավարի ընտրություններում առաջադրվել են համայնքի ղեկավար Ավետիք Մխիթարյանը և համաքի ավագանու անդամ, հեղափոխական շարժման ակտիվիստ Սայադ Ալմաստյանը: Համայնքը ունի 1600 բնակիչ և 1161 ընտրող:

Ընտրությունների առիթով զրուցեցինք Շիրակի մարզի Սպանդարյան համայնքի ղեկավարի թեկնածուներ Ավետիք Մխիթարյանի, ինչպես նաև Սայադ Ալմաստյանի հետ:

- Պարոն Մխիթարյան, 2015 թ.-ից Սպանդարյան համայնքի ղեկավարն եք: Այս տարիների ընթացքում ինչպիսի՞ ձեռքբերումներ է ունեցել համայնքը:

- Ունեինք քառամյա ծրագիր, որը ոչ միայն կատարել, այլև գերակատարել ենք: Կար մանկապարտեզի վերանորոգման ծրագիր, բայց դրա փոխարեն նոր մանկապարտեզ ենք կառուցել 75 երեխայի համար, որն իրականացվել է Հայաստանում գյուղական տարածքների տնտեսական զարգացման հիմնադրամի և համայնքի 14 մլն դրամ ներդրումով: Եթե ոչ ավելի շուտ, ապա սեպտեմբերի 1-ին այն կշահագործենք: Մոտավորապես 3 մլն դրամ հատկացրել է տարածքային զարգացման հիմնադրամը, գույքի համար անհրաժեշտ է ևս 3-4 մլն դրամ, համայնքի միջոցներից մեկ միլիոն դրամ արդեն հատկացրել ենք փափուկ գույքի ձեռքբերման համար: Նշեմ, որ համայնքը մանկապարտեզը շահագործելու համար ֆինանսական խնդիր չունի։ Հիմնանորգվել է նաև համայնքապետարանի շենքը, ապահովվել գույքով, աշխատակիցների համար ստեղծվել են աշխատանքային նպաստավոր պայմաններ: Համայնքի լուսավորությունն ապահովված է եղել ընդամենը 45 լուսատուով: Իսկ այսօր՝ գրեթե 4 տարի անց, ունենք 160 լուսատու: Լուսավորություն է անցկացված համայնքի նաև երկրորդական, նույնիսկ երրորդական փողոցներում, անկախ նրանից, թե մարդիկ կենտրոնական փողոցում են ապրում, թե երկրորդսկան, երրորդական:

2017 թ.-ից գործում է արարողությունների սրահը, որը նախատեսված է 200 հոգու համար: Այն ապահովված է անհրաժեշտ գույքով, ջեռուցմամբ և համայնքի բնակիչներին տրվում է անվճար։

Ունեք նաև նախակրթարան, որը գործում է դպրոցում և նախատեսված է 25 երեխայի համար: Չորս տարի առաջ, ղեկավար պաշտոն ստանձնելիս, մանկապարտեզը չէր գործում, իսկ նախակրթարանի կառուցման ծրագրի արժեքը 10 մլն դրամ էր, որից համայնքապետարանի կողմից եղել է 1,6 մլն դրամի ներդրում: Մանկապարտեզը շահագործման հանձնելուց հետո էլ նախակրթարանը կշարունակի իր գործունեությունը։ Դպրոցը նույնպես գտնվում է համայնքապետարանի ուշադրության կենտրոնում: Գրեթե 5-6 մլն դրամի աջակցություն ենք ցուցաբերել դպրոցին այս տարիների ընթացքում: Դպրոցի համար ինչ խնդրով դիմել են, բոլորը լուծվել է՝ ջրի հարցը, դասասենյակների վերանորոգում և այլն։ 2017 թ. տեղադրել ենք երեք հակակարկտային կայան, որոնք անխափան գործում են, և տեղադրումից հետո բնակչությունը չի տուժել: Այսօր պրոֆիլակտիկ աշխատանքներ ենք կատարում, որպեսզի հարկ եղած ժամանակ անխափան աշխատի։ Կարևոր աշխատանք էր նաև 20 հա հողատարածքը վերադարձնելը, որը գրավ էր դրվել բանկում և վարկերը մուծել չկարողանալու պատճառով 1996 թ.-ից առգրավվել և դարձել էր բանկի սեփականությունը: Բանակցությունների շնորհիվ կարողացանք վերադարձնել գյուղացիներին: Վերջիններս ընդամենը վճարեցին այս տարիների ընթացքում բանկի կողմից վճարված հողի հարկերը։

- Պարոն Մխիթարյան, վերընտրվելու դեպքում ո՞րն է այն կարևորագույն խնդիրը, որն առաջնահերթ լուծում է պահանջում: Եվ ընդհանրապես, ինչպիսի՞ ծրագրեր ունեք, որոնք կիրագործեք վերընտրվելու դեպքում:

- Առաջնային է մանկապարտեզի շահագործման խնդիրը։ Մեր համագյուղացու՝ Սամվել Ֆարմանյանի անձնական միջամտությամբ ու օժանդակությամբ և պետբյուջեի միջոցներով ֆուտբոլի դաշտի կառուցման ծրագիր է իրականացվել, շուտով կլինի բացումը: Բարվոք վիճակում են գտնվում գյուղամիջյան ճանապարհները. ամեն տարի

1000-1500 մետր խճապատում ենք իրականացնում: Ինչ վերաբերում է ներհամայնքային ճանապարհներին, ապա ամեն տարի համայնքի բյուջեից գումար ենք հատկացնում փոսալցումների համար: Քանի որ մեր համայնքի կենտրոնական ճանապարհը լավ վիճակում է, իսկ երկու համայնքներն իրար միացնող ճանապարհը՝ վատ, չնայած գտնվում է մարզային ենթկայության ներքո, այս տարվա նախատեսված գումարի մի մասը կտրամադրենք կենտրոնական ճանապարհի, իսկ մնացածը՝ այդ հատվածի վերանորոգման համար։ Նախատեսում ենք համայնքի լուսավորությունը հասցնել 100 %-ի, այժմ տեղադրում ենք ևս 40 լուսատու։ Ծրագրված աշխատանքներից են ոռոգման համակարգի առուները մաքրելը, գերեզմանատունը ջրով ապահովելը, անասունների համար երկրորդ խմոցի տեղադրումը, դպրոցի ուսուցչանոցի վերանորոգումը, ֆուտբոլի թիմի համար մարզագույքի ձեռք բերումը։ Սոցիալական ծրագրեր կան՝ կապված ուսանողների, ծնողազուրկ երեխաների, սոցիալապես անապահով ընտանիքների հետ, այդ թվում նաև՝ բուժման խնդիրներ: Բոլորն իրականացնում ենք՝ առաջնային հաշվի առնելով սոցիալապես անապահով ընտանիքներին:

- Պարոն Մխիթարյան, նախընտրական փուլ է, ինչպիսի՞ մթնոլորտ է տիրում համայնքում: Ունեք մեկ մրցակից, արդյոք կա՞ թշնամանք, լարվածության միմյանց և թիմակիցների միջև։

- Մինչև այսօր լարվածության կամ թշնամանքի առկայություն չեմ նկատել: Նույնիսկ տեղյակ չէի, որ քարոզարշավը սկսվել է: Ես իմ աշխատանքն եմ կատարում առավոտից երեկո և քարոզարշավի ժամանակ անգամ չունեմ։

- Եվ ի՞նչ եք կարծում, քարոզարշավը մինչև վերջ խաղաղ կընթանա՞, թե՞ լարվածություն ի հայտ կգա:

- Չեմ կարող ասել, միայն վստահ եմ, որ իմ կողմից լարվածություն չի առաջանա: Առաջին անգամ չեմ մասնակցում. միշտ ասել եմ՝ անձնական վիրավորանք չհասցնել ինձ և ընտանիքիս անդամներին, հակառակ դեպքում պատասխանս խիստ է լինելու: Իսկ ես չէի ցանկանա, որ դրան հասնի:

Քանի որ Սպանդարյան համայնքում գտնվելիս մեզ չհաջողվեց հանդիպել թեկնածու Սայադ Ալմաստյանի հետ, հեռախոսազրույցի միջոցով խնդրեցինք պատասխանել մի քանի հարցի։ Մեր այն հարցին, թե ինչու է ուզում դառնալ համայնքի ղեկավար, նա նշեց, որ հեղափոխությունից հետո շատ բան է փոխվել և կարծում է, որ իր կազմակերպչական ունակությունները շատ ավելին են, քան համայնքի գործող ղեկավարինը: Իր ծրագրերի հետ կապված՝ նա նկատեց, որ համայնքում պատշաճ չի կատարվում աղբահանությունը: Ի դեպ նշենք, որ Սայադ Ալմաստյանը, լինելով ավագանու անդամ, նաև իր ընդունած որոշումով է հաստատվել, որ աղբահանության համար յուրաքանչյուր անձ պետք է վճարի 100 դրամ: Մինչդեռ նա այս տարիների ընթացքում վճարում չի կատարել և այսօր դժգոհում է աղբահանությունից։ Նա նաև նշեց, որ համայնքը բավարար չափով ապահովված չէ լուսավորությամբ: Այնինչ մենք նկատեցինք, որ գյուղը բավականին լուսավորված է, նույնիսկ երրորդական փողոցներում լուսավորություն կար, և այսօր էլ գյուղում լուսավորության ցանց է կառուցվում։ Ի դեպ, այս չորս տարիների ընթացքում, լինելով ավագանու անդամ, նա ոչ մի որոշման դեմ չի քվեարկել։ Նա տարբեր անհիմն մեղադրանքներ հնչեցրեց համայնքի գործող ղեկավարի հասեցինք՝ վերջինիս կատարած աշխատանքերի վրա ցեխ շպրտելու միտումով։ Սայադ Ալմաստյանը տեղեկացրեց, որ այժմ աշխատում է ինտերնետ ծառայություն տրամադրող ընկերությունում, որը պատկանում է իրենց և ինչ-ինչ պատճառներով գրանցված չէ իր անունով։ Իսկ իրականում պատճառն այն է, որ մինչև վերջերս Ալմաստյանը նպաստառու է եղել։ Մեր այն հարցին, թե արդյոք բարձրագույն կրթություն չունենալը չի՞ խանգարում համայնքի ղեկավար դառնալուն, նա պատասխանեց, որ ութամյա կրթությունը խոչընդոտ չէ, օրենքի խախտում չկա:

Կարդալ ավելին

30 /Մայիս 2019

Վրաստանի վարչապետը շնորհավորել է Նիկոլ Փաշինյանին Առաջին Հանրապետության օրվա կապակցությամբ

Վրաստանի վարչապետ Մամուկա Բախտաձեն շնորհավորական ուղերձ է հղել վարչապետ Նիկոլ Փաշինյանին Առաջին Հանրապետության օրվա կապակցությամբ:

«Հատկանշական է, որ Վրաստանը և Հայաստանն ավելի քան մեկ դար առաջ գրեթե միաժամանակ դրեցին հիմքը ժամանակակից ժողովրդավարական պետությունների, որոնց ժառանգության զարգացումը և ամրապնդումը հաջողությամբ շարունակում ենք:

Ուրախ եմ, որ անցած տարի Թբիլիսիում Ձեր այցի ժամանակ միասին տոնեցինք Հայաստանի Առաջին Հանրապետության Անկախության 100-ամյակը: Ցանկանում եմ շնորհակալություն հայտնել մեր երկրների միջև բարեկամության և սերտ համագործակցության մեջ Ձեր ներդրած ավանդի համար:

Հույս ունեմ, որ մեր անկեղծ երկխոսությունը և փորձի փոխանակումը կնպաստեն Վրաստանի և Հայաստանի միջև բազմադարյա բարեկամության և բարիդրացիության էլ ավելի խորացմանը և նոր դինամիկ հարաբերությունների զարգացմանը, ինչպես նաև դրականորեն կազդի տարածաշրջանային խաղաղության ամրապնդմանը:

Ձերդ Գերազանցություն, ևս մեկ անգամ հավաստիացնում եմ Ձեզ իմ խորին հարգանքը և ցանկանում եմ հաջողակ գործունեություն երկրի բարեփոխումների, զարգացման և առաջընթացի գործում»,- ասված է վարչապետ Փաշինյանին հղված ուղերձում:

Կարդալ ավելին

30 /Մայիս 2019

ԱՌԱՆՑ ԿՈՒՍԱԿՑԱԿԱՆ ԹՇՆԱՄԱՆՔՆԵՐԻ

Արմավիրի մարզի Ապագա համայնքում հունիսի 9-ին տեղի են ունենալու համայնքի ղեկավարի արտահերթ ընտրություններ: Առաջադրվել են երեք թեկնածու՝ համայնքապետի ժամանակավոր պաշտոնակատար Պետրոս Ավագյանը, Գրիգոր Մանուկյանը և Գևորգ Մելիքյանը:

Պետրոս Ավագյանը ծնվել է 1986 թ.ին, գերազանցությամբ ավարտել է Ապագայի միջն դպրոցը: Այնուհետև ուսումը շարունակել է Ճարտարագիտական համալսարանի կիբեռնետիկայի ֆակուլտետում։ 2004-2006 թթ. ծառայել է ՀՀ ԶՈՒ-ում: Այնուհետև աշխատել է դպրոցում՝ որպես օպերատր, ապա՝ համայնքապետարանում՝ որպես խորհրդական, առաջատար մասնագետ։ 2019 թ. մարտի 13-ին նշանակվել է Ապագա համայնքի ժամանակավոր պաշտոնակատար։

Ստորև ներկայացնում ենք մեր զրույցը Արմավիրի մարզի Ապագա համայնքի ղեկավարի թեկնածու Պետրոս Ավագյանի հետ:

- Պարոն Ավագյան, համայնքի ղեկավարի թեկնածու առաջադրելու մտահղացումը միայն Ձե՞րն է:

- Ոչ, միայն իմը չէ: Առաջարկներ եղել են նաև իմ համագյուղացիների, համակիրների կողմից։

- Համայնքի ղեկավարի ընտրություններում առաջադրվել են ևս երկու թեկնածու: Ինչպիսի՞ մթնոլորտ է տիրում համայնքում, արդյոք կա՞ թշնամանք։

- Թեև նախընտրական փուլ է, բայց համայնքում նորմալ մթնոլորտ է: Առաջինը ես եմ շնորհավորելու նրան, ով հաղթանակ կտանի ընտրություններում: Եվ կարծում եմ՝ նույնը կլինի իրենց կողմից. կշնորհավորեն ինձ՝ իմ ընտրվելու դեպքում։

- Պարոն Ավագյան, երկար տարիներ աշխատելով համայնքապետարանում և ներկայումս էլ լինելով համայնքի ղեկավարի ժամանակավոր պաշտոնակատար՝ թերևս, քաջատեղյակ եք համայնքի խնդիրներին: Ընտրվելու դեպքում առաջնահերթ ո՞ր խնդրին կանդրադառնաք և որո՞նք են Ձեր ծրագրերը։

- Համայնքում առաջնային է ոռոգման ջրի խնդիրը: Համայնքն ունի մոտավորապես 100 հա հողատարածք, որը, ջուր չլինելու պատճառով, գյուղացին չի մշակում: Սուբվենցիոն ծրագրով կառուցելու ենք նոր պոմպակայան: Վերջինիս էլեկտրաֆիկացումը, որը մոտ 11 մլն դրամ է կազմում, կատարվելու է համայնքի միջոցներով: Առաջիկայում կսկսվեն նաև մոտ 2,7 կմ ոռոգման համակարգի կառուցման աշխատանքները: Այս երկու աշխատանքների ավարտից հետո համայնքում 95 %-ով կլուծվի ոռոգման ջրի խնդիրը։ Համայնքի խնդիրներից է ճանապարհների հարցը: Երկրորդային ասֆալտով կասֆալտապատենք մշակույթի տան բակը։ Նշեմ, որ մշակույթի տունն անվանակոչվել է բալետի արտիստ Վահագն Մարգարյանի անունով, ով անցյալ տարի մահացավ ավտովթարից: Մայիսին կազմակերպված Վահագն Մարգարյանին նվիրված «5 տառ» բալետային երկու ներկայացման հասույթը տրամադրվել է մշակույթի տան վերանորոգմանը։ Նշեմ նաև, որ դպրոցն էլ անվանակոչվել է ապրիլյան քառօրյա պատերազմի հերոս, ինժեներա-սակրավորային վաշտի հրամանատար, կապիտան Հովսեփ Կիրակոսյանի անվամբ։ Մշակույթի տան պատին Սարգիս Մուրադյանի «Սասունցիներ» նկարն է, որը այս տարի պետք է վերականգնվի: Նկարչի դուստր Զարուհի Մուրադյանը այդ հարցով դիմել է «Իմ Քայլը» հիմնադրամին, խոստացել են աջակցել: Մշակույթի տան դահլիճի վերանոգումը կներկայացնենք հաջորդ տարվա սուբվենցիոն ծրագրով։ Համայնքում առկա խնդիրներից է նաև լուսավորության անցկացումը: Ի դեպ նշեմ, որ մեր համայնքի նախկին ղեկավար Արտաշես Բարսեղյանի ղեկավարման տարիներին բազմաթիվ խնդիրներ են լուծվել համայնքում: Ստամբուլահայ գործարար, բարերար ԷՖրին Ֆերմանի Պաղի միջոցներով հիմնանորոգվել է մանկապարտեզը: Կառուցվել է հուշահամալիր: Դպրոցը վերանորոգվել է դարձյալ ստամբուլահայ, բարերար Ճեզօ Թաշի միջոցներով: Կառուցվել է մեկ պոմպակայան ոռոգման ջրի համար, վերանորոգվել է համայնքապետարանի մի հատվածը, որը տեղակայված է մշակույթի տան շենքում, ստեղծվել են աշխատանքային նորմալ պայմաններ։ Մնացածը ընթացիկ խնդիրներ են, որոնք ամենօրյա հետևողական աշխատանքի շնորհիվ լուծում կստանան։

Կցանկանայի, որ վերանայվեր համայնքներին տրվող դոտացիան՝ հաշվի առնելով այն հանգամանքը, որ մի համայնքում գործում է մանկապարտեզը, մյուսում՝ ոչ: Համայնքի բյուջեից բավականին մաս ուղղվում է մանկապարտեզի գործունեությունը պատշաճ կերպով ապահովելուն։ Համայնքի սուղ բյուջեն հնարավորություն չի տալիս գլոբալ շատ խնդիրներ լուծել, օրինակ՝ լուսավորություն անցկացնել համայնքում։

Լուրջ ձեռքբերումներ ունենք հունահռոմեական ըմբշամարտ սպորտաձևում: Այն արդյունքները, որ գրանցել ենք, Արմավիրի մարզը իր պատմության ընթացքում երբևէ չի ունեցել: Այս սպորտաձևով Եվրոպայի, աշխարհի բրոնզե մեդալակիր է Արթուր Շահինյանը։ Համագյուղացիների միջոցներով սկսել ենք մարզադպրոց կառուցել, արդեն պատերը կան: Այս աշխատանքներն ավարտին պետք է հասցնենք։

- Ի՞նչ եք կարծում, կլինե՞ն արդար և թափանցիկ ընտրություններ։

- Այո, միանշանակ համոզված եմ, որ այդպես է լինելու։

- Իսկ ընտրվելու դեպքում համայնքապետարանում աշխատակիցների փոփոխություններ կլինե՞ն։

- Ոչ, համայնքապետարանում բոլոր աշխատակիցները փորձառու են։

Նշենք, որ ՀՀ մի շարք համայնքներում հունիսի 9-ին կայանալու են ՏԻՄ ընտրություններ, և Ապագան այն եզակի համայնքներից է, որտեղ թեկնածուները անկուսակցական են: Իշխող կուսակցությունը չի սատարում որևէ թեկնածուի: Համայնքում չկա ավելորդ նախընտրական լարվածություն: Չկա շիկացած մթնոլորտ, անձանական և կուսակցական շահերից բխող թոհուբոհ:

Համայնքի բնակիչներից հարցումներ կատարելիս նկատեցինք, որ բոլոր թեկածունների մասին համագյուղացիները դրական էին արտահայտվում, ինչը բնական է, բայց հատկապես ընդգծում էին Պետրոս Ավագյանի կրթվածությունն և փորձառությունը։

Կարդալ ավելին

16 /Մայիս 2019

Ճանապարհային երթևեկության անվտանգության ապահովման իրավական գործիք՝ կներդվի տուգանային միավորների համակարգ

 

Գործադիրը հավանություն է տվել «Վարչական իրավախախտումների վերաբերյալ» ՀՀ օրենսգրքում փոփոխություններ և լրացումներ կատարելու մասին» ՀՀ օրենքի և հարակից օրենքների նախագծերի վերաբերյալ կառավարության օրենսդրական նախաձեռնությանը: Նախագծով, մասնավորապես, առաջարկվում է վերականգնել երթևեկության անվտանգության ապահովման ոլորտում վարչական պատասխանատվության արդարության սկզբունքը: Նախատեսվում է տուգանային միավորների համակարգի ներդրում՝ որպես ճանապարհային երթևեկության անվտանգության ապահովման իրավական գործիք, որը միտված կլինի վարչական իրավախախտումների ընդհանուր և անհատական կանխարգելմանը և վարչական պատասխանատվության միջոցների ուղղիչ գործառույթի ապահովմանը: Ըստ հիմնավորման՝ առաջարկվող համակարգի կիրառման արդյունքում օրենքի հարկադրական դրույթների ներգործության տիրույթում առավելապես կհայտնվեն պարբերաբար իրավախախտումներ կատարող վարորդները, իսկ օրինավոր վարորդները, որոնք, ի դեպ, բավականին մեծ թիվ են կազմում, առհասարակ կարող են այդ համակարգի գործողության տակ չընկնել: Տուգանքների չափերի վերանայման և վարչական պատասխանատվության նոր մեխանիզմների կիրառման արդյունքում կթեթևանա նաև ՀՀ քաղաքացիների սոցիալական բեռը: Տուգանային միավորների համակարգի ներդրումը նախատեսվում է իրականացնել ոստիկանությունում պարեկային ոստիկանության՝ շարժական-շուրջօրյա պարեկային ստորաբաժանումների ստեղծմանը զուգահեռ: Պարեկային տրանսպորտային միջոցները հագեցած են լինելու տեխնիկական և ծրագրային միջոցներով, որոնք հնարավորություն կտան իրականացնելու տրանսպորտային միջոցների նույնականացում համարանիշերի միջոցով՝ ավտոմատ ճանաչման եղանակով, ինտեգրված կլինեն տուգանային միավորների համակարգին և ավտոմատ կարտապատկերեն տրանսպորտային միջոցը հետախուզման մեջ գտնվելու փաստը, սեփականատիրոջ կամ շահագործողի վարորդական վկայականի կարգավիճակը (միավորների քանակ, կասեցում, զրկում): Բացի դրանից, տեխնիկական և ծրագրային միջոցների կիրառմամբ հնարավոր կլինի նույնականացնել վարորդին վարորդական վկայականի միջոցով՝ ավտոմուտքագրման եղանակով:

Օրինագծերի շուրջ կառավարության նիստում ծավալվել է քննարկում, ներկայացվել են առաջարկություններ: Ամփոփելով մտքերի փոխանակությունը՝ փոխվարչապետ Ավինյանն առաջարկել է աշխատանքային կարգով քննարկել բարձրացված հարցերն ու առաջարկությունները և օրենքների նախագծերի փաթեթն Ազգային ժողով ներկայացնել լրամշակված տարբերակով:

Հավանության է արժանացել նաև «Ճանապարհային երթևեկության անվտանգության ապահովման մասին» օրենքում և հարակից մի շարք օրենքներում փոփոխություններ և լրացումներ կատարելու մասին ՀՀ օրենքների նախագծերի փաթեթը: Նախագծերի ընդունման անհրաժեշտությունը պայմանավորված է ճանապարհային երթևեկության անվտանգության ապահովման բնագավառում առկա իրավական, ինչպես նաև օրենքների գործնական կիրառման ընթացքում ի հայտ եկած մի շարք խնդիրներին լուծում տալու նպատակով: Մասնավորապես, առաջարկվում է գործող օրենքներում համապատասխան փոփոխություններ և լրացումներ կատարելու միջոցով՝ առավել հստակ սահմանել տրանսպորտային միջոցի գրանցումը մերժելու հիմքերը, տեխնիկական զննություն չանցած, առանց թույլտվության վերասարքավորված կամ անսարքություն ունեցող տրանսպորտային միջոցների շահագործումը` համարանիշերը հանելու միջոցով արգելելու ընթացակարգի փոխարեն նախատեսել շահագործումը` հաշվառման վկայագիրը վերցնելու միջոցով արգելելու ընթացակարգ: Նախատեսվում է նաև հստակեցնել ճանապարհատրանսպորտային պատահարի դեպքում վարորդների պարտականությունները, վերացնել ԱՊՊԱ գործընթացը կարգավորող օրենսդրության հետ առկա հակասությունները, կարգավորել վարորդական վկայականներ տալու, փոխանակելու, կորած վարորդական վկայականի փոխարեն նորը տալու, ինչպես նաև վարորդական վկայականի (այդ թվում`ՀՀ-ում օտարերկրյա վարորդական վկայականի) գործողության, վարելու իրավունքը դադարելու, վարորդական վկայականն ուժը կորցրած ճանաչելու վերաբերյալ մինչ այժմ չկարգավորված իրավահարաբերությունները: Սահմանվել է մոպեդները Ճանապարհային ոստիկանությունում գրանցելու (հաշվառելու), հաշվառման համարանիշեր հատկացնելու, իսկ դրանք վարելու համար էլ վարորդական վկայական ունենալու պահանջ, հստակեցվել է հեծանիվ վարելու վերաբերյալ դրույթները` սահմանելով, թե մինչև 14 տարեկան անձը որտեղ և ինչ պայմանների ապահովմամբ կարող է վարել հեծանիվ:

Կարդալ ավելին

16 /Մայիս 2019

Կենտրոնական բանկն այսօր շրջանառության մեջ է դրել «ԵՊՀ հիմնադրման 100-ամյակ» արծաթե հուշադրամը

ՀՀ կենտրոնական բանկը մայիսի 16-ից շրջանառության մեջ է դրել «ԵՊՀ հիմնադրման 100-ամյակ» արծաթե հուշադրամը: Այս մասին հայտնում են ԿԲ հասարակայնության հետ կապերի ծառայությունից:

Դիմերեսին պատկերված է  հայ գիտնականներին նվիրված հուշասյան հատված (գտնվում է Երևանի պետական համալսարանի սրահում, քանդակագործ` Վահան Ղազարյան, ճարտարապետ` Լևոն Բալայան, ճարտարագետ` Սոս Մանուկյան) և «SCIENTIA POTENTIA EST» մակագրությունը:

Դարձերեսին պատկերված է «Սահակ Պարթև և Մեսրոպ Մաշտոց» խմբաքանդակից հատված (գտնվում է Երևանի պետական համալսարանի մուտքի մոտ, քանդակագործ` Արա Սարգսյան, ճարտարապետ` Ռոմեո Ջուլհակյան): Ֆոնին` ԵՊՀ շենքի ուրվագծի և գերբի պատկերներն են:

Էսքիզների հեղինակներն են Հարություն Սամուելյանը (դիմերես) և Վարդան Վարդանյանը (դարձերես):

Հատվել է Լիտվայի դրամահատարանում:

Կարդալ ավելին

16 /Մայիս 2019

Huawei-ը մեկնաբանել է ընկերությունը սեւ ցուցակ մտցնելու ԱՄՆ որոշումը

Չինական հեռահաղորդակցային սարքավորումների ամենախոշոր արտադրող Huawei-ը ասել է, որ ԱՄՆ անհիմն սահմանափակումներն ընկերության հանդեպ չեն օգնի Վաշինգտոնին անվտանգություն ստանալ եւ ավելի ուժեղ դառնալ, Ամերիկան ստիպված է լինելու օգտվել ավելի թանկ եւ պակաս անվտանգ այլընտրանքից, տեղեկացնում է ՌԻԱ «Նովոստի»-ն։

Ավելի վաղ ԱՄՆ առեւտրի նախարարությունը հայտարարել էր, որ մտադիր է Huawei-ը մտցնել սեւ ցուցակ։ Նրա 70 մասնաճյուղերը նույնպես կհայտնվեն սեւ ցուցակում «ԱՄՆ ազգային անվտանգությանը հակասող գործունեության պատճառով»։

«Եթե ԱՄՆ-ը սահմանափակի Huawei-ին, դա չի օգնի նրան ձեռք բերել ավելի մեծ անվտանգություն, ինչպես եւ ԱՄՆ-ն ավելի ուժեղ չի դարձնի։ Դա կստիպի նրան օգտվել ավելի ցածրորակ ու ավելի թանկ այլընտրանքից, հայտնվել 5G ցանց կերտող երկրների վերջում»,- ասվում է ընկերության տարածած հայտարարությունում։

Huawei-ը հայտարարել է, որ դա վերջնարդյունքում կանդրադառնա ամերիկյան ընկերությունների եւ սպառողների շահերի վրա։

«Սահմանափակումները նաեւ անպատշաճ ոտնձգություն են Huawei-ի իրավունքների դեմ եւ լուրջ իրավաբանական հարցեր են առաջացնում»,- ասվում է հայտարարությունում։

Huawei-ն, այնուամենայնիվ, պատրաստ է կապ պահպանել ԱՄՆ կառավարության հետ՝ իր արտադրանքի անվտանգության երաշխիքների ապահովման համար։

ԱՄՆ նախագահ Դոնալդ Թրամփը չորեքշաբթի հրամանագիր էր ստորագրել՝ «ազգային արտակարգ դրության» ռեժիմ հայտարարելով՝ տեղեկատվական տեխնոլոգիաների սպառնալիքների հետ կապված։ Առեւտրի նախարարին հանձնարարվել էր արգելել գործարքները, որոնք անընդունելի վտանգ են ստեղծում ԱՄՆ ազգային անվտանգության կամ ԱՄՆ բնակիչների անվտանգության համար։

Կոնկրետ երկրներ եւ ընկերություններ հրամանագրում չեն նշվում, բայց համարվում է, որ այն ուղղված է նախեւառաջ Չինաստանի եւ Huawei ու ZTE ընկերությունների դեմ։ Ավելի վաղ ԱՄՆ-ը հայտարարել էր, որ կխոչընդոտի Huawei-ի սարքավորումների օգտագործմանը ինչպես ԱՄՆ-ում, այնպես էլ այլ երկրներում 5G սերնդի սարքավորումների ստեղծման գործում։

Կարդալ ավելին

16 /Մայիս 2019

Վարչապետը չինական մի քանի ընկերությունների ներկայացուցիչների հետ քննարկել է ՀՀ-ում ներդրումային ծրագրերի իրականացման հե

 

Վարչապետ Նիկոլ Փաշինյանը մայիսի 16-ին Պեկինում հանդիպում է ունեցել չինական մի քանի խոշոր ընկերությունների` Ganergy Heavy Industry Group, Hajer, Սինձյան նահանգում գործունեություն ծավալող «Չժեն Ի» և MZTL ընկերությունների ղեկավարների հետ:

Հանդիպման ընթացքում քննարկվել են Հայաստանում ներդրումային տարբեր ծրագրեր իրականացնելու հեռանկարներն ու հնարավորությունները:

Նիկոլ Փաշինյանը գոհունակություն է հայտնել ՉԺՀ կատարած աշխատանքային այցի արդյունքներից և նշել, որ առաջիկայում պետք է քննարկվեն այն քայլերը, որոնք կնպաստեն երկկողմ տնտեսական կապերի ակտիվացմանը: «Ուրախ եմ ձեզ հետ քննարկել ձեր հետաքրքրությունները և առաջարկները: Այսօր Հայաստանում կատարվում են լուրջ փոփոխություններ, մեր երկրում վերացված են համակարգային կոռուպցիան, տնտեսական մենաշնորհները: Մեր քայլերն ուղղված են տնտեսվարողների համար հավասար պայմանների ստեղծմանը և բիզնես միջավայրն առավել գրավիչ դարձնելուն»,- ասել է վարչապետը` ավելացնելով, որ հաշվի առնելով ՉԺՀ-ի ձևավորված բարձր մակարդակի քաղաքական երկխոսությունը` նպաստավոր պայմաններ են ստեղծվել չինական ներդրումների համար:

Ganergy Heavy Industry Group-ի ներկայացուցիչներն անդրադարձել են իրենց գործունեությանը և հավելել, որ հետաքրքրված են Հայաստանում արդյունաբերության, ինչպես նաև ֆինանսների ու ներդրումների ոլորտներում գործունեության իրականացմամբ:

«Չժեն Ի» ընկերությունների ներկայացուցիչները նշել են, որ պատրաստ են Չինաստան ներմուծել հայկական կոնյակ, գինի, գյուղատնտեսական վերամշակված ապրանքներ, նաև ներդրումներ կատարել մեր երկրում` ստեղծելով արդյունաբերական գոտի:

MZTL ընկերության ղեկավարներն էլ պատրաստակամություն են հայտնել Հայաստանում հիմնել վերելակների արտադրություն: Այդ նպատակով ընկերությունը պատրաստվում է Հայաստան տեղափոխել վերելակների փոքր խմբաքանակ` դրանց արդյունավետությունը գնահատելու նպատակով:

Վարչապետ Փաշինյանն առաջարկել է նշված ընկերությունների ներկայացուցիչներին ՀՀ կառավարության ոլորտային պատասխանատուների հետ քննարկել համագործակցության հետագա քայլերը, այդ թվում` Մեղրիի ազատ տնտեսական գոտում չինական ընկերությունների գործունեության հեռանկարները: Գործադիրի ղեկավարն ընդգծել է, որ ՀՀ կառավարությունը Հյուսիս-հարավ ավտոմայրուղու կառուցումը դիտարկում է որպես հաղորդակցության և տրանսպորտային միջանցք և ուրախ է, որ ՉԺՀ կառավարությունը հետաքրքրված է նաև այդ ծրագրի իրականացման գործում համագործակցությամբ:

ՉԺՀ այցի ավարտին վարչապետ Փաշինյանը հարցազրույցներ է տվել նաև չինական առաջատար «Սինխուա» լրատվական գործակալությանը և CCTV հեռուստաընկերությանը:

Երևան վերադառնալուց առաջ Նիկոլ Փաշինյանն այցելել է նաև ՉԺՀ-ում Հայաստանի դեսպանություն: Վարչապետի աշխատանքային այցը ՉԺՀ ավարտվել է:

Կարդալ ավելին

16 /Մայիս 2019

Սրտացավ վերաբերմունք յուրաքանչյուրի հանդեպ

Արմավիրի մարզի Մերձավան hամայնքի ղեկավար Լյովա Գրիգորյան

- Պարոն Գրիգորյան, երկար տարիներ շարունակ ղեկավարում եք Մերձավան համայնքը: Այդ տարիների ընթացքում ինչպիսի՞ հիմնախնդիրներ է ունեցել համայնքը և որո՞նք են լուծում ստացել:

- Այս տարիներին բազմաթիվ գլոբալ աշխատանքներ են կատարվել համայնքում՝ հիմնանորոգված և կահավորված համայնքապետարան, բուժամբուլատորիա: Խիստ կարևորություն եմ տալիս գիտելիքներով զինված, բազմակողմանի և ներդաշնակ զարգացած սերնդի ձևավորմանը: Այդ պատճառով մեծ ուշադրություն ենք դարձնում մանկապարտեզին և դպրոցին առնչվող խնդիրներին, չէ՞ որ մատաղ սերունդն է մեր վաղվա ապագան: Համայնքի մանկապարտեզի աշխատանքները կորդինացնելու, ժամանակին ու անթերի կատարելու համար 2018թ., որպես սուբսիդիա, տրամադրվել է 35 215 000 ՀՀ դրամ, որն ուղղվել է աշխատավարձի, կոմունալ ծառայությունների, սննդի, նորոգումների և սարքավորումների ձեռք բերման համար: Մանկապարտեզը հիմնանորոգվել է բոլոր նորմերին համապատասխան՝ համալրված նոր գույքով, նորացված բակով, փոխված խոհանոցային բոլոր իրերով ու պարագաներով՝ խաղալիքներ, աթոռներ, համակարգիչ, տպիչ, մսաղաց և այլն, և գործում է շուրջ տարի: Հաճախում է գրեթե 110 երեխա: Սանիտարահիգիենիկ պայմանները գտնվում են բացարձակ գերազանց վիճակում: Երեխաներն այսօր սնունդը ստանում են ըստ սննդակարգի, սահմանված կարգով` համապատասխան 1200-1400 կալորիականությամբ: Մանկապարտեզն ունի լոկալ ջեռուցում: Նույնը վերաբերում է նաև դպրոցին: Ի դեպ, համայնքապետարանի և մանկապարտեզի տարածքում տեղադրվել է տեսախցիկների համակարգ:

Փոխվել է համայնքի Ավան թաղամասի մոտ 6 կմ երկարությամբ խմելու ջրի ջրագիծը, ի դեպ՝ համայնքը գրեթե ամբողջությամբ ապահովված է շուրջօրյա ջրամատակարարմամբ: Ամեն տարի կատարվում են ասֆալտապատման, փոսալցման, գյուղամիջյան ճանապարհների հարթեցման աշխատանքներ: Տարեց-տարի ընդլայնվում է լուսավորության ցանցը, անցյալ տարի նոր լուսավորության ցանց է կառուցվել: Բացի այդ համայնքի փողոցների լուսավորության լամպերը փոխվել են նոր լուսադիոդային լամպերով: Փոխվել են դպրոցի պատուհաններն ու դռները, անցկացվել է լոկալ ջեռուցում: Վերանորոգվել է դահլիճը, սահանգույցներն ու տանիքը: Գնվել են դպրոցական սեղաններ և աթոռներ, իսկ դպրոցի վերանորոգվող դասարանի համար՝ շինարարական նյութեր: Ամեն տարի համայնքապետարանի կողմից առաջին դասարանի աշակերտներին տրվում են նվերներ՝ պայուսակներ գրենական պիտույքներ: Կազմվել են մի շարք նախագծեր, ինչպիսիք են համայնքապետարանի շենքի վերանորոգումը, համայնքում նոր գազատար խողովակաշարի անցկացումը: Հիմնանորոգվել է Մշակույթի տունը, նկուղային հարկը, ձեռք է բերվել նոր գույք: Այստեղ գործում են պարի, կարատեի, ֆուտբոլի խմբեր: Մշակույթի տան տարածքում տեղադրվել է տեսախցիկների համակարգ:

Ունենք նաև հանդիսությունների տուն՝ անհրաժեշտ բոլոր պարագաներով, որը անվճար տրամադրվում է համայնքի բնակիչներին: Համայնքում վերակառուցվել է 1,38 կմ երկարությամբ ոռոգման ջրատարը, մաքրվել 5,0 կմ երկարության հողային հունով ջրատարը: Կանոնավոր կերպով կազմակերպվում են աղբահանության աշխատանքները:

- Համայնքում այսօր կա՞ն խնդիրներ, որոնք հրատապ լուծում են պահանջում:

- Ներկայումս համայնքի հիմնախնդիրներն են համայնքի փողոցների և նոր թաղամասերի գիշերային լուսավորության անցկացումը, ներհամայնքային ճանապահների և փողոցների բարեկարգում՝ փոսալցումը, համայնքում կանգառների կառուցումը, համայնքի նոր թաղամասի գազիֆիկացումը, Մշակույթի տան նկուղային հարկի, պարի և սպորտային սենյակների նորոգումը, մանկապարտեզի երկու ննջասենյակների հատակների նորոգումը:

Անավարտ են դպրոցի շենքի ներքին հարդարաման աշխատանքների հետ կապված հարցը, որի լուծման համար ակնկալվում է պետական միջամտություն:

Մերձավան համայնքի հնգամյա զարգացման ծրագրում նախատեսված աշխատանքների իրականացման արդյունքում՝ համայնքը անհատ ներդրողների համագործակցությամբ կունենա կոնյակի արտադրություն, կզարգանա ջերմոցային տնտեսությունը՝ 1.9 հա, որտեղ կաճեցվեն լոլիկ, ծաղիկներ: Նշված աշխատանքների կատարման համար կներդրվի 800,0 մլն ՀՀ դրամ, և արդյունքում կստեղծվեն մի քանի տասնյակ աշխատատեղեր: Համայնքը կսկսի կայուն զարգանալ: Ներկայումս խաղողագործությունը զարգացման միտում ունի՝ արդեն առկա է 140 հա խաղողի այգի, տնամերձերում զարգանում է նաև պտղաբուծությունը: Համայնքը շարունակում է կառուցապատվել գլխավոր հատակագծի շրջանակներում:

Համայնքի հնգամյա զարգացման ծրագրի իրականացմամբ ակնկալվում է համայնքի բնակիչների իրական եկամուտների աճ, իսկ ոռոգման համակարգի վերակառուցման դեպքում կբարձրանա գյուղատնտեսության արդյունավետությունը:

- Արդյոք որոշակի աջակցություն ցույց տրվո՞ւմ է համայնքի անապահով ընտանիքներին:

- Իհարկե: Համայնքի սոցիալապես անապահով ընտանիքներին տրամադրվել է դրամական օգնություն, այդ թվում՝ մերձավանցի նորածին երեխաների ծնողներին, մահացածների ընտանիքներին, ինչպես նաև սոց-օգնություն է հատկացվել համայնքի սակավ ապահովված ընտաիքներին:

Համայնքն ակտիվորեն նշում է ժողովրդականություն վայելող տոները, որոնց ընթացքում նաև նվերներ են հանձնվում բնակիչներին: Մասնավորապես՝ համայնքապետարանը «Կանանց միջազգային տոնի», «Մայրության և գեղեցկության օրվա» կապակցությամբ համայնքապետարանի, փոստի, մանկապարտեզի, մշակույթի տան դպրոցի, բուժ ամբուլատորիայի կին աշխատակիցներին նվերներ է մատուցել: Երեխաների պաշտպանության օրը՝ հունիսի 1-ին համայնքի մանկապարտեզում, դպրոցում և մշակույթի տանը կազմակերպվել է միջոցառումների շարք, հրավիրվել են մուլտ-հերոսներ, համայնքի մանկապարտեզի սաները ստացել են նվերներ, նվերներ են ստացել նաև Ամանորի կապակցությամբ: Ամանորի հանդեսին հրավիրվել են «Ձմեռ Պապ և Ձյունանուշ» դերասաններ:

 

Ի դեպ, Մերձավան համայնքի ղեկավար Լևոն Գրիգորյանը արժանացել է բազմաթիվ պարգևների, այդ թվում նաև` ՀՀ նախագահի կողմից «Անանիա Շիրակացի» մեդալի, որը շատ թանկ է գնահատում: Այդ պարգևները համարում է ոչ միայն իրենը, այլև նրանց, ովքեր թև ու թիկունք են եղել, օգնել են համայնքի առջև ծառացած խնդիրները լուծելիս: Համայնքում շրջելիս՝ բնակիչներից միայն դրական կարծիքներ լսեցինք համայնքի ղեկավարի մասին, ընդգծում էին նրա ուշադրությունը բոլոր ոլորտների, նրա սրտացավ վերաբերմունքը համայնքի յուրաքանչյուր բնակչի հանդեպ: «Մարդ, ով անհանգստանում է յուրաքանչյուրիս համար, տեղեկանում բնակիչներին հուզող խնդիրներին և ամեն կերպ ձգտում է թեթևացնել նրանց հոգսերը»,- լսեցինք մերձավանցիներից:

Կարդալ ավելին

04 /Մայիս 2019

ՀՀ պաշտպանության նախարար Դավիթ Տոնոյանը այցելեց կենտրոնական հոսպիտալ տեսակցելու Արգիշտի Սեփխանյանին

Այսօր ՀՀ պաշտպանության նախարար Դավիթ Տոնոյանը այցելեց կենտրոնական հոսպիտալ տեսակցելու պայմանագրային զինծառայող Արգիշտի Սեփխանյանին։ Բժիշկները ներկայացրեցին Արգիշտիի իրավիճակը, որը գնալով դառնում է ավելի կայուն։ 
Արգիշտին խոսեց նախարար Դ. Տոնոյանի հետ, պատասխանելով մի քանի հարցերի։

Կարդալ ավելին
«Յանդեքս»-ի ղեկավարները վարչապետին են ներկայացրել Հայաստանում նոր նախագծեր իրականացնելու ծրագրերը Արտակ Զեյնալյանը հրաժարականի դիմում է ներկայացրել Հայաստանն ու Բուղարիան նոր թափ կհաղորդեն երկկողմ համագործակցությանը. տեղի է ունեցել Նիկոլ Փաշինյանի և Ռումեն Ռադևի հանդ Սանկտ Պետերբուրգում քննարկվել են բարձր տեխնոլոգիաների ոլորտում Հայաստանի և Իսրայելի միջև համագործակցության զարգացման հե ԳՈՐԾԵԼՈՒ ՑԱՆԿՈՒԹՅԱՄԲ ՈՒ ՎՃՌԱԿԱՆՈՒԹՅԱՄԲ Էքսկլյուզիվ ՄԱՆՎԵԼ ԳՐԻԳՈՐՅԱՆԻ ՎԻՃԱԿՆ ԱՀԱՎՈՐ ԾԱՆՐ Է Այսօր Քըրք Քըրքորյանի ծննդյան օրն է. միլիարդատեր հայը` թռչող գորգի վրա Հայերը շատ ավելի մեծ հաջողությունների պետք է հասնեն Հայաստանում, որտեղ այժմ ստեղծվել են անսահմանափակ հնարավորություններ Սանկտ Պետերբուրգում կայացել է Նիկոլ Փաշինյանի և Վլադիմիր Պուտինի հանդիպումը. քննարկվել են երկկողմ հարաբերությունների օր Նիկոլ Փաշինյանը շնորհավորել է Դանիայի վարչապետին Սահմանադրության օրվա կապակցությամբ Հայաստանում բռնության քարոզ իրականացնող ցանկացած մարդ պետք է ստանա կոշտ հակահարված. Նիկոլ Փաշինյան ՎԵՑ ԹԵԿՆԱԾՈՒՆԵՐԻՑ Ո՞ՒՄ ԿԸՆՏՐԻ ԳԵՂՀՈՎԻՏՑԻՆ «Սա տանելու է սոցիալական բունտերի». Սուրեն Պարսյան ԼՀԿ-ն առաջարկում է վերացնել Երևանի քաղաքապետարանում լրագրողների հավատարմագրումը ՄՇՏԱՊԵՍ ՆՈՐ ՄՈՏԵՑՈՒՄՆԵՐՈՎ ԶԱՐԳԱՑՈՂ ԼԱՎԱԳՈՒՅՆ ՀԱՄԱՅՆՔ ԱՐԴԱՐ ՈՒ ԹԱՓԱՆՑԻԿ ԸՆՏՐՈՒԹՅՈՒՆՆԵՐԻ ՀԱՄՈԶՎԱԾՈՒԹՅԱՄԲ ՀՈՒՆԻՍԻ 1-Ը՝ ՔԱՋԱՐԱՆՈԻՄ ՏԵՍԱՆՅՈՒԹ. «Գրանդ Քենդիի» քաղցր նվերներն ու օգնությունը երեխաներին հունիսի 1-ի առթիվ Ավտովթարի հետևանքով մահացել է Իսպանիայի ֆուտբոլի ազգային հավաքականի նախկին կիսապաշտպան Խոսե Անտոնիո Ռեյեսը Արցախում դանակահարության միջադեպով լարվածություն է ստեղծվել ՀՀ-ից պետական մակարդակով փորձել են Facebook-ից ստանալ 81 օգտատիրոջ տվյալ. Սամվել Մարտիրոսյան Վարչապետ Նիկոլ Փաշինյանը և ՌԴ նախագահ Վլադիմիր Պուտինը հեռախոսազրույց են ունեցել Արմեն Սարգսյանը շնորհավորել է Նիկոլ Փաշինյանին ծննդյան օրվա առթիվ ՀՀ վարչապետ Նիկոլ Փաշինյանին ծննդյան օրվա առթիվ շնորհավորել են ՌԴ նախագահ Վլադիմիր Պուտինը Արձանը վնասելու դիտավորություն չի եղել. ՀՀ ոստիկանություն «Կանանց գաղութ է, ոչ թե գործարան»․ ժողով Գյումրու «Սաստեքս»-ում ստեղծված աղմուկի թեմայով Բրիտանական և հայկական զինվորական նվագախմբերի համատեղ համերգ Երևանում Կարեն Կարապետյանը, Ռուբեն Հայրապետյանն ու Հրայր Թովմասյանը` Արցախում. «Իրատես» Պուտինը Սիմֆերոպոլի օդանավակայանին շնորհեց Հովհաննես Այվազովսկու անունը Վարչապետը Եվրոպայի խորհրդին առաջարկել է ոչ թե օգնել, այլ ներգրավվել դատաիրավական համակարգի բարեփոխումների գործընթացում ԹԵԿՆԱԾՈՒՆԵՐԻ ԿԱԶՄԱԿԵՐՊՉԱԿԱՆ ՈՒՆԱԿՈՒԹՅՈՒՆՆԵՐԸ ԿԳՆԱՀԱՏԻ ՍՊԱՆԴԱՐՅԱՆՑԻՆ ԻՐ ԸՆՏՐՈՒԹՅԱՄԲ Վրաստանի վարչապետը շնորհավորել է Նիկոլ Փաշինյանին Առաջին Հանրապետության օրվա կապակցությամբ ԱՌԱՆՑ ԿՈՒՍԱԿՑԱԿԱՆ ԹՇՆԱՄԱՆՔՆԵՐԻ Ճանապարհային երթևեկության անվտանգության ապահովման իրավական գործիք՝ կներդվի տուգանային միավորների համակարգ Լարված իրավիճակ Արմավիրում. մարզպետարանի դիմաց թիվ 5 դպրոցի կոլեկտիվն ու երեխաները դասադուլ ու գործադուլ են հայտարարել. ԵՍ ԻՆՁ ՉԵՄ ՊԱՏԿԵՐԱՑՆՈՒՄ ԱՅԼ ԿՈՒՍԱԿՑՈՒԹՅՈՒՆՈՒՄ.«ՀՐԱՊԱՐԱԿ». Կենտրոնական բանկն այսօր շրջանառության մեջ է դրել «ԵՊՀ հիմնադրման 100-ամյակ» արծաթե հուշադրամը Huawei-ը մեկնաբանել է ընկերությունը սեւ ցուցակ մտցնելու ԱՄՆ որոշումը Վարչապետը չինական մի քանի ընկերությունների ներկայացուցիչների հետ քննարկել է ՀՀ-ում ներդրումային ծրագրերի իրականացման հե Սրտացավ վերաբերմունք յուրաքանչյուրի հանդեպ ՀՀ պաշտպանության նախարար Դավիթ Տոնոյանը այցելեց կենտրոնական հոսպիտալ տեսակցելու Արգիշտի Սեփխանյանին Հայաստանի Հանրապետությունն այլևս երբեք չի լինի հուսահատ և ՀՀ քաղաքացին իր մտքով, աշխատանքով, տաղանդով ծաղկեցնելու է իր Վարչապետը ներկա է գտնվել Աշխատանքի օրվան նվիրված միջոցառմանը «Ես չեմ կարա ուրիշին առևանգեմ․ վայ թե Ղուշչյանն ա ինձ առևանգել»․ Սամվել Ալեքսանյան Վարչապետ Նիկոլ Փաշինյանի ուղերձը Աշխատանքի օրվա առթիվ ՎԻՐԱՎՈՐՎԱԾ ԶԻՆԾԱՌԱՅՈՂԻՆ ԵՐԵՒԱՆ ԵՆ ՏԵՂԱՓՈԽԵԼ ՍԱՆԱՎԻԱՑԻԱՅԻ ՈՒՂՂԱԹԻՌՈՎ Նիկոլ Փաշինյանը և Տիգրան Սարգսյանը հանդես են եկել հայտարարությամ Երևանում տեղի է ունեցել Եվրասիական միջկառավարական խորհրդի նիստը << Միհրան Պողոսյանին չեն կարողանում ներել տարբեր բաների համար>>Ռուբեն Գրդզելյան ՄՈՍԿՎԱՅՈՒՄ ՏԵՂԻ Է ՈՒՆԵՑԵԼ ՊՈՒՏԻՆ-ԷՐԴՈՂԱՆ ՀԱՆԴԻՊՈՒՄԸ ՈՎ Է ԻՐԱԿԱՆՈՒՄ ՀԿ-ՆԵՐԻՆ ՀՐԱՎԵՐ ՈՒՂԱՐԿԵԼ ՄԱՅՐՈՒԹՅԱՆ ԵՎ ԳԵՂԵՑԿՈՒԹՅԱՆ ՏՈՆԸ ՄՐԳԱՇԱՏ ՀԱՄԱՅՆՔՈՒՄ(ՏԵՍԱՆՅՈՒԹ) ԱՌԱՋԻՆ ԲԿ-Ն ՀՀ-ՈՒՄ, ՈՐ ՀԱՄԱԼՐՎԵՑ ՈՒՂՂԱԹԻՌՈՎ (ԷՐԵԲՈՒՆԻ ԲԿ) Այսօր ո՞վ է կանգնած Ռաֆիկ Անդրեասյանի թիկունքում ԼԻԱԿԱՏԱՐ ԱՆԿԱԽ ՊԵՏՈՒԹՅՈՒՆՆԵՐ ՉԿԱՆ․ ՎԼԱԴԻՄԻՐ ՊՈՒՏԻՆ Հովհաննես Գալստյանը հրապարակել է Լիլիթ Մակունցի հետ զրույցի ձայնագրությունը Ավարտվել է նաեւ Սեյրան Օհանյանի, Յուրի Խաչատուրովի և Արմեն Գևորգյանի գործով նախաքննությունը. ՀՔԾ Վարչապետը և Հայաստանում Շվեյցարիայի դեսպանը քննարկել են համագործակցության զարգացման հարցեր Հայաստանի տնտեսական հետագա զարգացման համար կարևոր է մարդու տնտեսական վարքագծի փոփոխությունը. Նիկոլ Փաշինյան Վարչապետը ներկա է գտնվել «Հոլիդեյ Ինն Էքսպրես» հյուրանոցի բացման արարողությանը

© Website developed by Vardan Hoveian

Վերև