Մամուլի Տեսություն

Արցախում դանակահարության միջադեպով լարվածություն է ստեղծվել

Արցախում նախընտրական գործընթացներին զուգահեռ՝ միջադեպերն իրար են հաջորդում: Երեկ երեկոյան դանակահարվել է ներկուսակցական խմորումներում հայտնի ակտիվիստներից մեկը, ով համարվում է ԼՂՀ նախկին վարչապետ, նախագահի հավակնորդ թեկնածու Արայիկ Հարությունյանի համակիրներից: Իսկ դանակահարող անձը՝ Կարմիրի նախկին գյուղապետի որդի Աբո Ավետիսյանը, հակառակ թիմից է, արցախցիները նրան ճանաչում են՝ որպես Սամվել Բաբայանի ակտիվ համակիրներից մեկը:

Արայիկ Հարությունյանի գլխավորած «Ազատ Հայրենիք» կուսակցության Ստեփանակերտի գրասենյակի դիմաց գրանցված դանակահարության դեպքն ավարտվել է ձերբակալություններով, իսկ ներքաղաքական և հասարակական դաշտում քննարկվում են հետագա հնարավոր զարգացումների տարբեր վարկածներ:

Մինչդեռ 168.am-ին փոխանցված տեղեկություների համաձայն՝ վեճը ծագել է ճանապարհին պատահաբար իրար հանդիպած քաղաքական հակառակորդ թիմերի ներկայացուցիչերի միջև, երբ տղամարդիկ սադրիչ արտահայտություներով սպառնացել են միմյանց: Մինչ այդ Ստեփանակերտի փողոցներով մեքենաներով իրար երկար հետապնդած երիտասարդները փոխադարձ վիրավորանքներով ու հայհոյախառն արտահայտություններով սրել են վեճը, ինչն ավարտվել է դանակահարության միջադեպով:

Արցախցիները միանշանակ հակված են կարծելու, որ այս միջադեպը Արայիկ Հարությունյան-Սամվել Բաբայան սրված հարաբերությունների վերջին զարգացումը չէ, և այն ուղիղ կապ ունի նախորդած կրակոցների հայտնի միջադեպի հետ:

Հիշեցնենք, նախօրեին ձերբակալվել էին Ալեքսեյ Բալայանն ու Ռոլանդ Այդինյանը, ովքեր, ըստ արցախցի ֆեյսբուքյան օգտատերերի, թեև իրականում ֆինանսական պարտք ու պահանջի հողի վրա էին Սևան-Մարտունի ճանապարհին միջադեպ հրահրել, սակայն ներկայումս ներգրավված են Արայիկ Հարությունյանի կուսակցական ակտիվ աշխատանքների մեջ:

Ավելին, նրանք Արայիկ Հարությունյանի գլխավորած «Ազատ Հայրենիք» կուսակցության տարածքային կառույցների ղեկավարներ են հանդիսանում, Ալեքսեյ Բալայանը համակարգում է Մարտակերտի շրջանի կուսակիցների ու համակիրների հետ աշխատանքը, Ռոլանդ Այդիյանը Շահումյանի շրջանում է ակտիվ աշխատանքներ տանում, Քարվաճառում նրան բոլորը ճանաչում են՝ իբրև նախկին վարչապետի մարդը:

168.am-ի տեղեկություններով՝ Ալեքսեյ Բալայանը նախկինում մի քանի քրեական գործերով անցած հայտնի թաղային հեղինակություն է, ով նախկինում հասցրել է մի քանի ծեծկռտուքի միջադեպերով աչքի ընկնել հենց Մարտակերտի շրջանում: Նրա ֆինանսական պարտքերը, ըստ աղբյուրի՝ հաճախ բարեկամաբար զրոյացրել, աջակցել է նույն Արայիկ Հարությունյանը՝ նախկինից ունեցած հարաբերությունների պատճառով:

Արայիկ Հարությունյանն ինքն էլ հաստատել է՝ ձերբակալված 2 անձանց էլ ճանաչում է, նրանց հետ կապեր ունի, Ալեքսեյ Բալայանը Ղարաբաղի լեգենդար հրամանատարներից մեկի՝ Վլադիմիր Բալայանի որդին է, ում աջակցել է բիզնես գործունեություն ծավալելու հարցում, իսկ Ռոլանդն իր կուսակցության համակիրներից է, իր վարչապետության ժամանակ զբաղեցրել է Քարվաճառի քաղաքապետի պաշտոնը։

Հետաքրքրականն այն է, որ արցախցիները չեն բացառում նաև նախկինից մնացած կենցաղային վեճերի թեման, սակայն նկատում են, որ այսօր երկու կողմերի միջև առկա լարվածության պայմաններում Արցախում այնպիսի մթնոլորտ է ստեղծվել, որ ցանկացած խոսք ու զրույց արագ վերաճում է ծանր միջադեպի:

Արցախում, ասում են, երբեք այսքան սրված ներքին հարաբերություններ չեն նկատել:

Սադրիչ վերջին զարգացումների շուրջ քաղաքական հակառակորդ թիմերի գրասենյակները շարունակում են պնդել, որ միջադեպերը լիդերների քաղաքական ձգտումների հետ առնչություն չունեն, նախկինի դեպքում Արայիկ Հարությունյանն էր բացառում քաղաքական գործոնը, այս դեպքում Սամվել Բաբայանի գրասենյակն է հաղորդել, որ միջադեպի քաղաքական դրդապատճառներով սադրանքների վարկածը հորինված է, և, որ ոչ դանակահարողը, ոչ դանակահարվողն իրենց հետ կապ չունեն: «Մենք մեր բոլոր համակիրներին չենք ճանաչում և պատասխանատվություն չենք կրում նրանց արարքների համար»,- նշել էին հաղորդագրության մեջ:

«Կանանց գաղութ է, ոչ թե գործարան»․ ժողով Գյումրու «Սաստեքս»-ում ստեղծված աղմուկի թեմայով

Գյումրու «Սաստեքս» կարի գործարանում, որի աշխատակիցները բողոքում են իրենց ստրկական պայմաններում աշխատեցնելուց ու սահմանված նվազագույն 55 հազար դրամ աշխատավարձը կրճատելուց, այսօր ժողով է հրավիրվել։ Ժողովին մասնակցել են Թեթև արդյունաբերության աշխատողների արհմիության հանրապետական կոմիտեի նախագահ Սրապիոն Առաքելյանը, աշխատակիցներն ու Շիրակի մարզպետարանի ներկայացուցիչները՝ փոխմարզպետ Վարդան Գրիգորյանը, Շիրակի մարզպետի օգնականները։ «Սաստեքս»-ի աշխատակիցները մեզ հետ զրույցում ասացին, որ իրենց սկզբում փորձել են լռեցնել, ասել են, որ սփյուռքահայ գործարարները հսկայական գումարներ են ներդրել, աշխատատեղ ստեղծել, պիտի գնահատել, ոչ թե ելնել ու միտինգ անել։ «Հիշո՞ւմ եք երկու օր առաջ պարզաբանում էին, թե բռակ ապրանքը կապ չունի աշխատավարձի կրճատման հետ, էսօր էլ բռակ ապրանքի ցանկը՝ պապկի մեջ դրած, բերել էին, թե տեսեք բռակ ապրանք եք տվել։ Մեկ էլ Սահմանադրությունը՝ թևի տակ զարկած, եկել էր, թե չգիտեմ որերորդ հոդվածով, եթե աշխատողը իր աշխատանքը ճիշտ չի կատարում, ուրեմն իր աշխատավարձը չի վճարվում։  3 ամիս աշակերտ եղանք, արտադրանք տվեցինք, ոչ մի բռակ ապրանք չկար, հիմի որ ավելի ենք հմտացել, հանկարծ ապրանքը բռակ դարձավ, հա՞։ Ահաբեկել էին, թե լրագրողներին կանչած աշխատակիցներին աշխատանքից կազատենք․ էսօր վախից որոշ տեխնոլոգ-վարպետներ ելան, ելույթ ունեցան, թե իբր Քրիստիան Գելիջին մեզ ավելին էլ է վճարել։ Գիտեք էնպես չէ, որ մեզ ճշմարտությունն ասելու համար պիտի գնդակահարեն, նրանց դոշին էլ սուտ գովերգելու համար մեդալ կախեն, կա խնդիր, պիտի լուծվի:

Ինձ էլ են ահաբեկել, վախեցրել ԶԼՄ-ներին հարցազրույց տալու համար, բայց ես նորից խոսել եմ։ Նեղվում էին՝ ինչո՞ւ ենք ԶԼՄ-ներին ասել, թե եղունգներդ կոտրվում են, կտորները թունավոր են, ուշաթափվում, վատ եք զգում, ուզում եք գործարանը փակել տա՞լ։  Երբ իմացան, որ փոխմարզպետն է գալիս, ասին՝ ժողովուրդ ջան, ամեն ինչ պարզ է, ավելի լավ է երկուշաբթի սկսենք բնականոն աշխատանքը։ Փոխմարզպետը  եկավ ու հարցրեց, թե ինչո՞ւ  նվազագույն աշխատավարձը չի պահպանվում, իր հարցերը տվեց ու այդպես էլ չստացավ պատասխանը։ Փոխմարզպետին տեղյակ պահեցինք, որ բյուլետինը չի վճարվում, հիվանդ մեռնես, հնար չկա, չես վճարվում։ Ի զարմանս մեզ՝ հենց այսօր իմացանք, որ գործարանը տնօրեն ունի, նախկին փոխմարզպետ Պետրոսյան Սեյրանից հետո փաստորեն տնօրեն են ընդունել Շվեյցարիայից, ելավ, հանկարծակի բերեց բոլորիս, հանդես եկավ որպես տնօրեն։ Զարմացանք, թե մենք տնօրեն ունենք ու տեղյակ չենք, որ այդ մարդը մեր տնօրենն է։ Թարգմանիչն էլ իր խոսքերն էր թարգմանում,  թե մենք անկարգապահ ենք, աշխատանքի ժամին սուրճ ենք խմում, հեռախոսով խոսում, զուգարան ենք գնում, քարե դարում ենք երևի ապրում։ Իզուր չէ, որ բոլորը մեզ ասում են «Սաստեքսի գերիները», հենց էդպես էլ անվանում են, կանանց գաղութ լինի, ոչ թե գործարան։ Փոխմարզպետը խոսք տվեց, որ հետևողական կլինեն մեր պայմանների ու  աշխատավարձի հարցում»,-պատմեց աշխատակիցներից մեկը։ Նշենք, որ հանդիպման ընթացքում Շիրակի փոխմարզպետ Վարդան Գրիգորյանը հարցրեց, թե նվազագույն աշխատավարձի շեմը ո՞նց է պահպանվում ու իմանալով, որ գործավարձայինի դեպքում ընդհանրապես չի պահպանվում․ կան մարդիկ, որոնք 40 ժամ աշխատելով, 55 հազար դրամ չեն ստանում, ասաց, որ սա օրենսդրության խախտում է։ Արհմիության նախագահն էլ իր հերթին ասաց, որ պիտի վերանայվի։ «Սաստեքսի» ներկայացուցիչ Ներսես Տաշչյանն էլ հայտարարեց, որ ոչ մի մարդ չկա կրճատված։ Աշխատակիցներից հետաքրքրվեցին՝ գալո՞ւ են աշխատանքի երկուշաբթի ու ստացան դրական պատասխան։ 

Ամբողջական հոդվածը կարող եք կարդալ այս հասցեով՝ https://www.aravot.am/2019/05/31/1047137/ 

Կարեն Կարապետյանը, Ռուբեն Հայրապետյանն ու Հրայր Թովմասյանը` Արցախում. «Իրատես»

«Իրատես» թերթը գրում է. «Նախկին վարչապետ Կարեն Կարապետյանը, ֆուտբոլի ֆեդերացիայի նախկին նախագահ Ռուբեն Հայապետյանն ու Սահմանադրական դատարանի նախագահ Հրայր Թովմասյանն օրեր առաջ Արցախում են եղել ու հանդիպումներ ունեցել նախագահ Բակո Սահակյանի, Ազգային ժողովի նախագահ Աշոտ Ղուլյանի, պետական նախարար Գրիգորի Մարտիրոսյանի եւ այլ պաշտոնյաների հետ: «Հանդիպումները հիմնականում փակ են եղել, օրակարգում՝ հայաստանյան իշխանությունների վարած քաղաքականությունը: Երկուստեք դժգոհել են նոր կառավարիչների քայլերից: Հատկապես դժգոհ ու վրդովված է եղել Ռուբեն Հայրապետյանը,- ասաց «Իրատեսի» աղբյուրը։ Արցախի իշխանություններն էլ իրենց հերթին են դժգոհել, մանավանդ վերջին զարգացումներից եւ Ազատության հրապարակում հնչած կոչերից: Ընդգծել են նաեւ, որ երկրի նորօրյա պատմության մեջ առաջին անգամ Արցախը պաշտոնապես չի մասնակցել ՀՀ-ում տեղի ունեցող տոնական միջոցառմանը՝ Հայաստանի առաջին հանրապետության տոնին»։ Առավել մանրամասն՝ թերթի այսօրվա համարում 

Լարված իրավիճակ Արմավիրում. մարզպետարանի դիմաց թիվ 5 դպրոցի կոլեկտիվն ու երեխաները դասադուլ ու գործադուլ են հայտարարել.
 
 

Այսօր՝ մայիսի 16-ին, լարված ու պայթյունավտանգ իրավիճակ է ստեղծվել Արմավիրի մարզում։ Ժամը 09։00-ից Արմավիր քաղաքի թիվ 5 դպրոցի աշակերտները, ծնողներն ու ուսուցչական կոլեկտիվը՝ ի նշան բողոքի, ոտքով եկել և հավաքվել են Արմավիրի մարզպետարանի դիմաց։

Բողոքի ակցիայի մասնակիցները պահանջում են հանդիպում՝ մարզպետ Համբարձում Մաթևոսյանի հետ։ Ֆոտոլրագրող Գագիկ Շամշյանի հետ զրույցում բողոքի ակցիայի մասնակիցներն ասում էին.

«Պահանջում ենք, որպեսզի հստակ պատասխան տան, թե ում միջամտության արդյունքում են դպրոցի երկարամյա տնօրեն, դպրոցում մեծ հեղինակություն վայելող Մաշա Իվանյանին փորձում ինչ-ինչ ճանապարհներով ազատել աշխատանքից։ Ավերակների վերածված դպրոցը տիկին Իվանյանի շնորհիվ զարթոնք է ապրել։ Թե ծնողների, թե ուսուցչական կոլեկտիվի կողմից ընդունված է։ Մենք պահանջում ենք, որպեսզի դպրոցի բնականոն աշխատանքը ինչ-որ մարդկանց կողմից չխաթարվի։ Մենք շատ լավ գիտենք, որ այս ամենն ուղղորդված է։ Եթե մեր բարձրացրած խնդիրը չլուծվի, ապա շարունակելու ենք դասադուլ, գործադուլ, ու այդ ամենի պատասխանատվությունն ընկնելու է մարզի ղեկավարության վրա»։

Այս պահին մարզպետարանի դիմաց ասեղ գցելու տեղ չկա։ Մարդիկ վանկարկում են «Իվանյան, Իվանյան» ու պահանջում են մարզպետի հետ հանդիպում։

ԵՍ ԻՆՁ ՉԵՄ ՊԱՏԿԵՐԱՑՆՈՒՄ ԱՅԼ ԿՈՒՍԱԿՑՈՒԹՅՈՒՆՈՒՄ.«ՀՐԱՊԱՐԱԿ».

Թագուհի Ղազարյան

 
Լուրեր կան, որ «Իմ քայլում», ինչպես կասեր Գալուստ Գրիգորիչը` «թեւերը, ոտքերը, ճանկերը» շատացել են, եւ սպասվում է, որ առավել լիբերալ թեւը, չասենք՝ «սորոսականները», առանձնանան․ հնարավո՞ր է նման բան՝ հարցրինք դաշինքի պատգամավոր Թագուհի Ղազարյանին։ «Հարցը բաժանեմ մի քանի բաղադրիչների. տեսակետների բախում կուսակցությունում ու դաշինքում առաջին օրվանից էլ լինում է, սակայն, կախված քննարկումներից, բաժանումները տարբեր ֆորմատներով են լինում` ըստ հայացքների, մի անգամ՝ այս ֆորմատով, մյուս անգամ` այլ։ Սկզբունքն եղել է կոնսենսուս կառուցելը»:

Սանասարյան Դավիթի առնչությամբ ի՞նչ կոնսենսուս եք «կառուցել»։ «Էս հարցում մենք բոլորս սպասողական վիճակում ենք, տեսնենք, թե ինչ արդյունքներ կլինեն»: Եթե պարզվեց, որ ԱԱԾ տնօրեն Վանեցյանը ճիշտ էր, այդ ժամանակ ի՞նչ եք անելու, քննարկվե՞լ է այդ տարբերակը։ «Ոչ ոք մեզ չի խաբելու, չէ՞, կտեսնենք, թե ինչ է լինելու»: Իսկ ինչո՞ւ եք այդպես` հարցականով ասում. կասկածո՞ւմ եք Դավիթին։ «Չէ, սակայն «եթե»-ներով հարցերին եկեք չպատասխանեմ»: Չե՛ք համակրում Սանասարյանին։ «Ես համակրում եմ միայն Հայաստանի Հանրապետությանը։ Չպատասխանեցիք դաշինքից որեւէ թեւի առանձնանալու հարցին։ «Այս պահին նման որեւէ գործընթաց չի ընթանում, չեմ կարծում, որ մոտ ապագայում նման բան լինի. գոնե ես` ինձ չեմ պատկերացնում այլ կուսակցության մեջ, քան «Քաղաքացիական պայմանագիրն» է»:

«Ես չեմ կարա ուրիշին առևանգեմ․ վայ թե Ղուշչյանն ա ինձ առևանգել»․ Սամվել Ալեքսանյան

Ինչպես արդեն հայտնել էինք, ՀՀ քննչական կոմիտեում երեկ հարցաքննվել էր ՀՀ ԱԺ նախկին պատգամավոր Սամվել Ալեքսանյանը: Նա հարցաքննվել էր իր կողմից հեռուստամեկնաբան Համլետ Ղուշչյանին առևանգելու ենթադրյալ դեպքի առթիվ հարուցված քրեական գործի շրջանակում: Այս մասով, «Ազատության» հետ զրույցի ժամանակ, Սամվել Ալեքսանյանը նշել է․ «Ես առևանգող մա՞րդ եմ, այ ցավդ տանեմ, ի՞նչ եք ուզում ինձնից․․․ Ինձ չառևանգեն ես չեմ կարա ուրիշին առևանգեմ․ վայ թե Ղուշչյանն ա ինձ առևանգել․․․ Ինքը երևի բուժման կարիք ունի, թող գնա բուժման․․․ Իմ հեղինակության, անվան հետ ա ուզում խաղա, էդքան բան։ Ես իրան մենակ հեռուստացույցով եմ տեսել, հետը չեմ էլ շփվել։ Երևի մեկը սովորացրել ա կամ էլ գժվել ա»։

Հիշեցնենք, որ Ղուշչյանը հայտարարել էր, որ նախկին ԱԺ պատգամավոր, գործարար Սամվել Ալեքսանյանն առևանգել է իրեն և ատրճանակը պահել ճակատին։

«Իրավունք». «Մորքուրի գանձը». Միլիոնատեր Մաշադյանները վարչապետի կնոջ բարեկամներն են

«Իրավունք» թերթը գրում է. «Օրերս մամուլում տարածվեց տեղեկություն, որ ՊԵԿ նախագահի տեղակալ Ռաֆիկ Մաշադյանը նշանակվել է Երեւանի կայազորի զինվորական դատախազ: Չնայած երիտասարդ տարիքին, Մաշադյան կրտսերն արդեն միլիոնատեր է, թեպետ հայրը մշտապես եղել է պետական պաշտոնյա, իսկ ինքը՝ դեռեւս 23 տարեկան է եւ եւս եղել է պետական աշխատանքի:

Ինչեւէ, ոչ ավել, ոչ պակաս պաշտոնը ստանձնելու պահին Հ. Մաշադյանը հայտարարագրել է 12 մլն դրամ, 130 հազար դոլար եւ Volkswagen Touareg մակնիշի ավտոմեքենա:

Թե ինչպես են Մաշադյանները սրընթաց պաշտոնների հասնում նոր իշխանությունների օրոք, բավական ուշագրավ է: Շրջանառվող լուրերի համաձայն՝ ՀՀ վարչապետ Նիկոլ Փաշինյանի տիկին Աննա Հակոբյանը եւ Ռաֆիկ Մաշադյանը բարեկամներ են, ավելի կոնկրետ՝ նրանց մայրերը մորաքրոջ աղջիկներ են:

Եվ եթե Ն. Փաշինյանի բարեկամներն այսօր խորհրդարանում են, լիովին «արդար» է, որ Ա. Հակոբյանի բարեկամներն էլ լինեն ՊԵԿ-ում եւ այլ պաշտոններում:

Իսկ ոչ վաղ անցյալում այսօր իշխանության եկած մարդիկ ասում էին, թե վերջ է դրվելու պետական համակարգում ծանոթ-խնամի-բարեկամ շղթային»:

Առավել մանրամասն՝ թերթի այսօրվա համարում

Մայիսին սպասվող տարբեր ճակատների քաղաքական բուռն մուտքը ստվերային ձևով առաջնորդելու է Կարեն Կարապետյանը. «Իրատես»

«Իրատես» թերթը գրում է.«Ասում են, թե այնքան էլ իրականությանը մոտ չէ այն կարծիքը, թե Կարեն Կարապետյանը, որն այս օրերին Հայաստանում է,  բացարձակապես չի զբաղվում ու չի զբաղվելու քաղաքականությամբ:

Ավելին, պնդում կա, որ մայիսին սպասվող տարբեր ճակատների` Ռոբերտ Քոչարյան, Արմեն Սարգսյան, ՀՀԿ, «Քառյակ մեդիա» բուռն մուտքը քաղաքական դաշտ, քոչարյանական թեւից ստվերային ձեւով առաջնորդելու է հենց նախկին վարչապետ Կարեն Կարապետյանը.

«Նրա ռեյտինգը հենց այս պահին չափազանց բարձր է, եւ իշխանությունների անընդմեջ վրիպումների, կառավարության բաժակաճառային ծրագրի, տնտեսական քաղաքականության տապալման ֆոնին նրա մուտքը «խաղադաշտ» բավականին տպավորիչ արդյունքներ կգրանցի»,- ասաց «կոնկուրենտ ֆիրմայի» մեր զրուցակիցը:

Ի դեպ, Կարեն Կարապետյանը, որն այս պահին «կտրուկ» մերժում է քաղաքականություն մտնելու հայտը, խաղում է միջնորդավորված` էներգետիկայի նախկին նախարար Հայկ Հարությունյանի եւ փոխկապակցված` սանիկների, տնտեսական լուրջ մասնագետների բլոկով:

Հիշենք. «փեսան»` Հայկ Հարությունյանը, Գագիկ Հարությունյանի զարմիկն է, ԱԱԾ տնօրենի տեղակալ Արզուման Հարությունյանի որդին»:

Ամբողջությամբ կարող եք կարդալ թերթի այսօրվա համարում:

Հենց ժողովուրդը որոշի ինձ հեռացնել, կվերադառնամ լրագրությանը կամ գրքեր կգրեմ. Նիկոլ Փաշինյան

Նիկոլ Փաշինյանը վստահեցնում է, որ ընդդիմության առաջնորդից կառավարության ղեկավար դառնալուց հետո ինքը մնացել է նույն մարդը։ Այս մասին, «Արմենպրես»-ի փոխանցմամբ, շվեյցարական RTS ռադիոկայանինտված հարցազրույցում ասել է վարչապետ Նիկոլ Փաշինյանը։

«Ես ինձ համարում եմ ժողովրդի ծառա: Քանի դեռ ժողովուրդը գոհ է, ես կշարունակեմ առաքելությունս: Հենց ժողովուրդը որոշի ինձ հեռացնել այդ պաշտոնից, ես, ամենայն հավանականությամբ, կվերադառնամ լրագրությանը կամ գրքեր կգրեմ»»,- ասել է Փաշինյանը։

Փաշինյանը խոսել է նաև Արեւելքի ու Արեւմուտքի միջեւ համագործակցությունը հավասարակշռելու մասին։

«Մենք անդամ ենք Եվրասիական տնտեսական միության, որ շատ կարեւոր շուկա է մեր երկրի համար: Սակայն Հայաստանն ունի համաձայնագրեր նաեւ ԵՄ-ի հետ, եւ դա անհամատեղելի չէ: Մեր կապերը Ռուսաստանի հետ կարեւոր են տնտեսական եւ անվտանգության տեսանկյունից, բայց մեր հարաբերությունը ԵՄ-ի հետ մեզ հնարավորություն է տալիս բարեփոխել մեր քաղաքական, իրավական համակարգը եւ զարգացնել մեր հասարակությունը, այն դարձնել ավելի մրցունակ»:

Փաշինյանի խոսքով՝ ՆԱՏՕ-ին միանալու հարց Հայաստանի օրակարգում չկա:

«Մենք չենք նախատեսում միանալ այդ կազմակերպությանը: Մենք արդեն համագործակցում ենք ՆԱՏՕ-ի անդամ երկրների հետ, մասնավորապես խաղաղապահ առաքելությունների համար Կոսովոյում, Աֆղանստանում, շուտով` Լիբանանում: Այս համագործակցությունները կշարունակվեն եւ ավելի կզարգանան, որովհետեւ մենք գիտենք խաղաղության իսկական արժեքը»:

«ՀՐԱՊԱՐԱԿ»․ ՍՈՒՊԵՐՆԱԽԱՐԱՐՈՒԹՅՈՒՆՆԵՐ՝ ՍՈՒՊԵՐՈՃ

Օպտիմալացվող, «սուպեր»նախարարությունները սկսել են «սուպերոճով» աշխատել լրագրողների հետ. նրանք այլեւս բանավոր հարցերի չեն պատասխանում` պահանջում են հարցը գրավոր ուղարկել եւ, օրենքով նախատեսված` միայն 5-րդ օրն են պատասխանում:

ԿԳ նախարար Արայիկ Հարությունյանին գրավոր հարցեր էինք ուղարկել. Կրթության ազգային ինստիտուտի աշխատակիցները հունվարի 22-ին ծանուցագրեր են ստացել, որ աշխատելու են մինչեւ մարտի 31-ը՝ «նրանց պայմանագրերը կարող են լուծվել»․ ինչո՞վ է պայմանավորված սա, եւ ինստիտուտը վերակառուցվելո՞ւ է, թե՞ հնարավոր է եւ լուծարվի:

Հարցմանը «սպառիչ» պատասխան է տվել նախարարության քարտուղար Նաիրի Հարությունյանը․ «Հաստիքների կրճատումը պայմանավորված է այն հանգամանքով, որ 2019-ին նախատեսում է «Կրթության բովանդակային եւ մեթոդական սպասարկում ու հանրապետության հանրակրթական դպրոցների ուսուցիչների վերապատրաստում», «Նախնական (արհեստագործական) եւ միջին մասնագիտական կրթության եւ ուսուցման (ՄԿՈՒ) բարեփոխումներ» ծրագրային  միջոցառումներն իրականացնել  մրցութային կարգով, որի արդյունքում հնարավոր է Կրթության ազգային ինստիտուտի ֆինանսավորման նվազեցում:

Ելնելով այս իրողությունից` խորհուրդը որոշել է Կրթության ազգային ինստիտուտի անձնակազմին գրավոր ծանուցել հաստիքների կրճատման մասին: Միաժամանակ նշենք, որ Ձեր կողմից առաջ քաշված ենթահարցերին հնարավոր է պատասխանել` ելնելով մրցույթի արդյունքներից»:

«ՀՐԱՊԱՐԱԿ»․ՀԱՊԿ ՔԱՐՏՈՒՂԱՐԻ ԹԵՄԱՆ ՓԱԿՎԱԾ ՉԷ
 

Մեր աղբյուրի փոխանցմամբ` այնքան էլ այնպես չէ, թե ՀԱՊԿ քարտուղարի հարցը մեկընդմիշտ լուծված է․ 2-3 ամիս հետո ՀԱՊԿ նիստում (ժամկետները դեռ հայտնի չեն) հարցը կրկին օրակարգ կմտնի: Բայց չէ՞ որ ՀԱՊԿ անդամ երկրներն արդեն իսկ ասել են, որ պաշտպանում են Բելառուսի թեկնածու Զասին։

«Ոչ, դա ընդամենը փիար ակցիա էր Լուկաշենկոյի կողմից, դա Բատկայի երազանք-ճնշումն էր Պուտինի վրա` ցույց տալու, թե ինչ ազդեցություն ունի ՀԱՊԿ-ում Նազարբաեւ-Լուկաշենկո տանդեմը, նույնը` ԵԱՏՄ-ում։ Մի մոռացեք, որ Լուկաշենկոն ասել էր` մինչեւ դեկտեմբեր կլուծվի Զասի հարցը։

Դեկտեմբերն անցավ, հարցը չլուծվեց. այդ փաստաթուղթը ստորագրել են միայն Տաջիկստանն ու Բելառուսը, հարցի քննարկումը կշարունակվի մինչեւ պաշտոնական նշանակում։ Էտապներ կան, որոնցից չես կարող խուսափել, դա կարող է անգամ վերածվել լուրջ սկանդալի` հաշվի առնելով Ռուսաստան-Բելառուս հարաբերությունների վերջին թնջուկը` «հարկային մանյովրին»՝ 10 միլիարդին առնչվող։

Կողմերից ոչ մեկը չի ցանկանում զիջել, Լուկաշենկոն այդ հարցում եւս բույանիտ արեց, հիմա լուռ հետ է քաշվել։ Բելառուսում այս տարի ընտրություններ են՝ ե՛ւ խորհրդարանական, ե՛ւ նախագահական, Ռուսաստանը կարող է քթից բերել։ Դրա համար է Բատկան լռում։ Այնպես որ` պետք է սպասել, սրանք համալիր լուծման հարցեր են»:

Միհրան Պողոսյանի վերաբերյալ ՀՔԾ-ում քննված և կարճված քրեական գործով վարույթը վերսկսվել է

«Հետաքննող լրագրողների միջազգային կոնսորցիումը» (ICIJ) հայտնում է ՀՀ ԴԱՀԿ ծառայության նախկին պետ, արդարադատության գեներալ, Ազգային ժողովի 6-րդ գումարման պատգամավոր Միհրան Պողոսյանի՝ Պանամայում գրանցած օֆշորային ընկերությունների վերաբերյալ քրեական գործի վերաբացման մասին: Ինչպես տեղեկացնում է «Արմենպրես»-ը, ըստ ICIJ-ի հրապարակման՝ թավշյա հեղափոխությունից ամիսներ անց ՀՀ նոր կառավարությունը հետաքննություն է սկսել ՀՀԿ-ական նախկին պատգամավոր Միհրան Պողոսյանի անվան հետ կապված՝ Պանամայի օֆշորային սկանդալի գործով:

ICIJ-ն նշում է, որ ՀՀ Հատուկ քննչական ծառայությունը քննում է Միհրան  Պողոսյանի՝ օֆշորային երեք ընկերության հետ կապը, ինչպես նաև ստուգում է փողերի հնարավոր լվացման դեպքերը:

2016 թվականին «Հետք» լրատվամիջոցը՝ իր «Պանաման նվաճած հայ գեներալը․ Միհրան Պողոսյանի օֆշորային ընկերությունները և հաշիվները շվեյցարական բանկերում» հրապարակման մեջ բացահայտել էր այդ ժամանակ ՀՀ գլխավոր հարկադիր կատարող, արդարադատության գեներալ-մայոր Միհրան Սուրենի  Պողոսյանի ընկերությունները Պանամայի օֆշորային գոտում։ Համաձայն գաղտնազերծված փաստաթղթերի՝ ՀՀ գլխավոր հարկադիր կատարողը բաժնետեր էր Պանամայում գրանցված երեք ընկերությունների՝ «Սիգթեմ ռեալ իսթեյթ ինքորփորեյթիդ» (Sigtem Real Estates Incorporated), «Հոփքինթեն թրեյդինգ ինքորփորեյթինգ» (Hopkinten Trading Incorporated), «Բանջիո ինվեստ» ԲԸ (BANGIO INVEST S.A.):

Հրապարակումից հետո՝ 2016թ. ապրիլի 18-ին Պողոսյան Միհրանը Սուրենի հրաժարական տվեց ԴԱՀԿ պետի պաշտոնից:

2017 թվականի հունվարի 23-ին ՀՔԾ-ն որոշում է կայացրել Պողոսյանի նկատմամբ քրեական հետապնդում չիրականացնելու և քրեական գործով վարույթը կարճելու մասին՝ նրա արարքում հանցակազմի բացակայության հիմքով:

2017թ. ապրիլին կայացած խորհրդարանական ընտրություններում Պողոսյանը կրկին պատգամավոր ընտրվեց և շարունակեց օրենսդիր գործունեությունը ՀՀԿ խմբակցության կազմում:

 Հատուկ քննչական ծառայությունը հաստատում է ՀՀ ԴԱՀԿ ծառայության նախկին պետ, արդարադատության գեներալ, Ազգային ժողովի 6-րդ գումարման պատգամավոր Միհրան Պողոսյանի՝ Պանամայում գրանցած օֆշորային ընկերությունների վերաբերյալ հարուցված քրեական գործի վերաբացման մասին տեղեկատվությունը: «Արմենպրես»-ի հետ զրույցում այս մասին ասաց ՀՔԾ մամուլի խոսնակ  Մարինա Օհանջանյանը: «Միհրան Պողոսյանի վերաբերյալ ՀՔԾ-ում քննված և կարճված քրեական գործով վարույթը վերսկսվել է»,- ասաց Մարինա Օհանջանյանը: 


Սահմանից մեքենաները կարող են դուրս գալ մեկ դեպքում. «Ղեկը աջ» նախաձեռնության անդամները՝ ԱԱԾ-ին

Հունվարի 23-ին ՀՀ ԱԱԾ մամուլի կենտրոնը հաղորդագրություն էր տարածել՝ հայտնելով, որ ՀՀ պետական սահմանի «Բագրատաշեն» անցման կետում կայանված տրանսպորտային միջոցները (հիմնականում՝ աջ ղեկ) խոչընդոտում են մաքսակետի բնականոն գործունեությունը, ստեղծում ավելորդ դժվարություններ:

Հետևաբար՝ կոչ էին արել տրանսպորտային միջոցների սեփականատերերին 7-օրյա ժամկետում՝ մինչև հունվարի 31-ը, անցման կետի տարածքից դուրս բերել դրանք՝ այլապես կենթարկվեն վարչական պատասխանատվության:

168.am-ի հետ զրույցում «Ղեկը աջ» նախաձեռնության անդամ Դավիթ Գասպարյանն անդրադառնալով տարածված հաղորդագրությանը՝ ասաց.

«Երևի ԱԱԾ-ում լավ տեղյակ չեն խնդրի մանրամասներին: Սահմանից մեքենաները կարող են դուրս գալ մեկ ճանապարհով ՝ «ներմուծում ներքին վերամշակման համար» մաքսային ընթացակարգով։ Մենք դեմ ենք այդ ընթացակարգին, մենք դեմ ենք մեքենաների ղեկը վերասարքավորելուն:

Ունենք երկու տարբերակ. կամ մեքենաները պետք է կանգնեն սահմանին այնքան ժամանակ, մինչև ԱԺ-ն նոր օրենք ընդունի, կամ պիտի կառավարությունը մեզ հնարավորություն տա  մեքենաները սահմանն անցկացնենք առանց «ներմուծում ներքին վերամշակման համար» մաքսային ընթացակարգի»։

Ինչ վերաբերում է 7 օր ժամանակ տալուն և վարչական պատասխանատվության ենթարկելուն՝ նախաձեռնության անդամը նշեց.

«Պետք է պարզաբանեն, թե ինչո՞ւ են մեզ 7 օր տվել: Մենք վարչական իրավախախտում չենք իրականացրել, որ ԱԱԾ-ն մեզ տուգանի, բացի այդ՝ ինչքանով ես եմ տեղյակ, ԱԱԾ-ի գործառույթների մեջ չի մտնում՝ բացահայտել և պատասխանատվության ենթարկել վարչական իրավախախտում կատարած անձանց»:

Նշենք, որ այսօր ՀՀ տրանսպորտի, կապի և ՏՏ նախարար Հակոբ Արշակյանը կառավարության նիստից հետո լրագրողների հետ զրույցում ասել է, որ սահմանին կուտակված մեքենաները կներմուծվեն, և խնդիրը կվերանա։ Նա հավաստիացրել է, որ Արդարադատության նախարարությունը կտա իր կարծիքը, և նախագիծը կուղարկվի ԱԺ:

Հիշեցնենք, որ Իրավական ակտերի քննարկման e-draft.am կայքում շրջանառության մեջ է դրվել «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին ՀՀ օրենքում լրացում կատարելու մասին» նոր նախագիծ, որտեղ ասվում է. «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» ՀՀ 2018 թվականի մարտի 1-ի թիվ ՀՕ-125-Ն օրենքի 2-րդ հոդվածի «որոնք ձեռք բերելու համար վճարումները կատարվել են մինչև 2018 թվականի հունվարի 25-ը» բառերը և թվերը փոխարինել «որոնց ձեռք բերման համար վճարումները ՀՀ տարածք ներմուծողների կողմից կատարվել են մինչև 2018 թվականի դեկտեմբերի 30-ը և որոնք ՀՀ տարածք են ներմուծվելու մինչև 2019 թվականի ապրիլի 1-ը» բառերով և թվերով»:

Նախագիծը ձևավորվել է «Ղեկը աջ» նախաձեռնության անդամների հետ շարունակվող քննարկումների արդյունքում:

ՀԻՆԳ ԴԱՍ ԱԼԵՆ ՍԻՄՈՆՅԱՆԻՆ

Կան մարդիկ, որոնք քաղաքական գործիչ են դառնում իրենց աշխատասիրության, համառության ու կամքի շնորհիվ: Հարգում եմ այդպիսի մարդկանց, բայց և չեմ կարող կարող բավարարել ընթերցողներիս պահանջ-հարցադրումը` ինչո՞ւ Դուք քաղաքական գործիչ չեք դառնում: Ես չեմ ուզում քաղաքական գործիչ դառնալ, որովհետև քաղաքական գործիչներին հետևելն ու նրանց գործունեությունը գնահատելն ավելի հետաքրքիր գործ է ինձ համար:
Հիմա ուզում եմ «գնահատել» Ալեն Սիմոնյան քաղաքական գործչի գործունեությունը, որն օրերս հասավ ԱԺ փոխնախագահի աթոռին, բայց արդեն գլխից բարձր ցատկելու առաջին փորձերն է անում:

Ալեն Սիմոնյան, հանգիստ նստիր տեղդ, ասում եմ` հանգիստ նստիր տեղդ: Դու իրավունք չունես մեկնաբանելու ՀՅԴ Բյուրոյի ներկայացուցչի հայտարարությունը, որով նա հստակ ասում է, որ Նիկոլ Փաշինյանը չի հարգել իրենց պայմանավորվածությունը: Ալեն Սիմոնյան, դու ներկա չես եղել երբ ՀՅԴ Բյուրոյի ներկայացուցիչը բանակցություններ է վարել Փաշինյանի հետ: Ավելի կոնկրետ ասեմ` երբ Էրեբունիից Նիկոլին տարան «անհայտ ուղղությամբ», դու շարունակում էիր փողոցում բղավել բարձրախոսից ու ինչ-որ անկապ կոչեր անել ժողովրդին: Ողղիր ինձ, եթե սխալվում եմ: Իսկ եթե ոչ, ապա բարի եղիր և քո անմիջական ղեկավարից հետաքրքրվիր, թե ինչ պայմանավորվածությունների մասին է խոսել Հրանտ Մարգարյանը ՀՅԴ 33-րդ ԸԺ բացման ժամանակ: Սա` մեկ:

Երկրորդ` զուտ պատահականության բերումով իշխանության գլխին հայտնված ուժը, որի ներկայացուցիչն ես դու` Ալեն Սիմոնյան, երբեք չի կարող խոստովանել, որ անցած 9 ամիսների ընթացքում չի կատարել իր խոստումներից և ոչ մեկը: Հետևաբար, մեկը պետք է լինի, որ խոսի այդ մասին և ցույց տա ձեր իսկական դեմքը: Խորհրդարանում այդպիսի ուժ չկա այսօր, և այդ ուժի ֆունկցիան կատարում է ՀՅԴ-ն և դա անում է ամենաբարձր մակարդակով: Ժողովուրդը պետք է իմանա դա, պետք է ի վերջո հասկանա, որ իր էյֆորիկ քվեարկությամբ իշխանության է բերել փանջունիների մի խմբակի, որոնց համար պաշտոնը ճոճք է թվում, իսկ երկիրը ծիրանագույն բուրաստան: Եվ շատ էլ մի շահարկիր, Ալեն Սիմոնյան, հոկտեմբերի 2-ը և հին ԸՕ-ով ընտրությունների գնալու փաստը: Հոկտեմբերի 2-ի հետ կապված բոլոր պարզաբանումներն են տրվել` բացառությամբ Նիկոլ Փաշինյանի հիստերիկ պահվածքի, որ այդպես էլ չհասկացանք, թե ինչի հետևանք էր: Իսկ ահա հին Ընտրական օրենսգրքով ընտրությունների գնալու պատճառները փնտրիր Փաշինյանի շտապողականության և ՀՀԿ-ի հետ պայմանավորվածությունների մեջ:

Երրորդ` դու, Ալեն Սիմոնյան, Դաշնակցությունից ոչինչ չես հասկանում: Լիբանանում, Ֆրանսիայում կամ ԱՄՆ-ում ՀՅԴ գրասենյակ այցելելը և լավ ընդունելություն գտնելը դու և քո թիմակից Փաշինյանը համարում եք դրսի և ներսի Դաշնակցության տարբերություն և հայտարարում եք, որ Դաշնակցությունը, իբր, բազմաշերտ կառույց է: Ողբամ զձեզ, որ այդպիսի թյուր կարծիք ունեք մի ուժի մասին, որ մոխիրներից Հայաստան է կերտել և այսօր էլ հպարտությամբ կարող է ասել, որ մեր նոր անկախության 30 տարիների ընթացքում իր օրակարգն է եղել Հայաստանի Հանրապետության գոյատևման, պահպանման, զարգացման հիմքում: Բավարարվենք միայն թվարկելով` զինված պայքար Արցախում, ԼՏՊ-ի հրաժարական, զարգանալ առանց զիջելու, ոչ հայ-թուրքական արձանագրություններին, նոր սահմանադրության ընդունում և, վերջապես` Նիկոլի հետ պայմանավորվածություն, որ այս շարժումը պետք է ծառայեցնել ժողովրդի շահերին: 

Չորրորդ` Ալեն Սիմոնյան, որպեսզի դու, դաշնակցական չլինելով, կարողանայիր Հրանտ Մարգարյանի անձը զատել Դաշնակցությունից, ապա առնվազն պետք է չիմանայիր, որ թվարկված օրակարգերի մեծ մասը բաժին է ընկնում հենց Հրանտ Մարգարյանի ներկայացրած Դաշնակցության օրերին: Մենք` դաշնակցականներս, այլ կերպ ենք մտածում: Հրանտ Մարգարյանն արել է այն, ինչ պետք է և կարող էր անել Դաշնակցությունը` ոչ ավել, ոչ պակաս: Եվ սա է պատճառը, որ Դաշնակցությունը հավասարապես պատասխանատվություն է ստանձնում թե իր հաջողությունների և թե իր «անհաջողության» համար:

Եվ հինգերորդ` Ալեն Սիմոնյան, քաղաքականության մեջ ամեն ինչ հնարավոր է: Ի՞նչ է, ձեզ նման կտրիճնե՞ր են տուն գնացել Դաշնակցության պահանջով: Իսկ ի՞նչ է նշանակում` նախ թող ներս գան, հետո մեզ տուն ուղարկեն: Դուք իշխանափոխությունը միայն խորհրդարանական ուժերի միջոցո՞վ եք պատկերացնում: Դարձյալ պետք է հիասթափեցնեմ` դա քաղաքական մտածողություն չէ: Հարցրեք Լևոն Տեր-Պետրոսյանին և նա ձեզ կբացատրի, թե որը որից հետո է: Այնպես որ, աշխատեք շատ չշեղվել Դաշնակցության օրակարգից և երկիրը չկանգնեցնել նոր վտանգների առջև: Հստակ է ասվել, որ շարժումը պետք է ծառայեցնել Հայաստանի և նրա քաղաքացու շահերին: Եվ ուրեմն, ամպերից իջիր, Ալեն Սիմոնյան ու գործով զբաղվիր:      Hraparak.am 

«ՀՐԱՊԱՐԱԿ»․ ԵՍ ԱՎԵԼԻ ԿԱՐԵՒՈՐ ԱՐԺԱՆԻՔՆԵՐ ԷԼ ՈՒՆԵՄ

 

 
 

 «Իմ քայլը» դաշինքի ամենաերիտասարդ պատգամավոր Սոնա Ղազարյանին երեկ հարցրինք՝ վստա՞հ է, որ, ինչպես ինքն է պնդում, «երկու շարժման համահեղինակ» լինելու շնորհիվ են իրեն ընդգրկել պատգամավորական ցուցակում, քանի որ տեղեկություններ կային, որ Սոնան արժանացել է Նիկոլ Փաշինյանի ուշադրությանն իր արտասվելու դրվագով։

Սեպտեմբերին տեղի ունեցած Երեւանի ավագանու ընտրությունների քարոզարշավի ընթացքում, հանդիպումներից մեկի ժամանակ, նա արտասվել է, երբ Փաշինյանը հարթակից արտասանում էր Համո Սահյանի «Հայաստան ասելիս»-ը։ Երիտասարդ պատգամավորը կարծես չուներ հարցի պատասխանը եւ հորդորեց այն ստանալ մարդկանցից, որոնք իրեն ընտրել են, այսինքն՝ «Քաղաքացիական պայմանագրի» ղեկավար կազմից։

Ինքը կարող է ենթադրել, թե ինչու են, ասենք, այդ երկու՝ «Մերժիր Սերժին» եւ «Չեք անցկացնի» շարժումների համահեղինակներից հենց իրեն ընտրել․ «Միգուցե իմ արժանիքների համար են ընտրել, միգուցե՝ ստացած կրթության»։ Ինքն անձամբ չի լսել, որ իրեն ընտրել են հուզվելու համար, ավելին՝ ասում է, որ շատերն են այդ օրը հուզվել ու արտասվել։ Բայց ամենաշատը Դուք էիք։ «Երեւի ամենաշատը ես էի արտասվում, բայց չեմ կարծում, որ դա իմ կյանքի ամենամեծ դրվագներից մեկն է, եւ ես կարծում եմ, որ ուշադրության եմ արժանացել շատ ավելի կարեւոր արժանիքների համար»,- ասաց Սոնա Ղազարյանը, սակայն այդպես էլ չթվարկեց այդ արժանիքներից գեթ մեկը։ Hraparak.am

 
 

 

ԱԺ-ում ամենաբարձր և ամենացածր աշխատավարձերը

galatv.am-ն գրում է. Այս օրերին ԱԺ շենքում աշխատանքային եռուզեռ է: Նախապատրաստվում են դիմավորել 7-րդ գումարման պատգամավորներին: Թարմացվում են ԱԺ գույքը, կահույքը, գորգերը:

Իսկ որքան աշխատավարձ կստանան ԱԺ ղեկավարներն ու պատգամավորները: Ըստ օրենքով ամրագրված գործակցի ու հաշվարկի՝ ԱԺ նախագահի աշխատավարձը կազմում է 1 միլիոն 190 հազար 520 դրամ: Ազգային ժողովի նախագահի տեղակալի աշխատավարձը կկազմի 925 հազար 960 դրամ: Ազգային ժողովի մշտական հանձնաժողովի նախագահը կստանա 793 հազար 680 դրամ, նրա տեղակալը՝ 694 հազար 470 դրամ:

Ազգային ժողովի պատգամավորի աշխատավարձը 661 հազար 400 դրամ է, իսկ Ազգային ժողովի աշխատակազմի ղեկավարինը՝ 793 հազար 680 դրամ: Ազգային ժողովի աշխատակազմի ղեկավարի առաջին տեղակալը և ԱԺ նախագահի գլխավոր խորհրդականը կստանան 661 հազար 400 դրամ: Ազգային ժողովի նախագահի օգնականի և Ազգային ժողովի աշխատակազմի ղեկավարի տեղակալի վարձատրությունը 529 հազար 120 դրամ է:

Ազգային ժողովի նախագահի մամուլի քարտուղարի աշխատավարձը կկազմի 529 հազար 120 դրամ: Ազգային ժողովի նախագահի ռեֆերենտը կստանա 396 հազար 840 դրամ աշխատավարձ: Ազգային ժողովի նախագահի տեղակալի խորհրդականի և Ազգային ժողովի աշխատակազմի ղեկավարի խորհրդականի աշխատավարձերը կազմում են 363 հազար 770 դրամ:

Ազգային ժողովի նախագահի տեղակալի օգնականի աշխատավարձը 330 հազար 700 դրամ է, ԱԺ աշխատակազմի ղեկավարի օգնականի և ԱԺ խմբակցության, պատգամավորական խմբի փորձագետինը՝ 297 հազար 630 դրամ: ԱԺ պատգամավորի վճարովի հիմունքներով օգնականի աշխատավարձն էլ 198 հազար 420 դրամ է:

Մարզպետի մակարդակով ներքին հանձնարարական է եղել համայնքապետերին՝ քվե ապահովել «Իմ քայլի» համար Նաիրա Զոհրաբյան. 168.am

Սյունիքում եւ Վայոց Ձորում քարոզարշավը բավականին հանգիստ է անցել. Այստեղ ինձ համար անհավասար պայման չի եղել թեկուզ միայն այն պատճառով, որ չի եղել որեւէ այլ թեկնածու, որ անցկացնի քարոզարշավ։ Այս մասին 168.am-ի  հետ զրույցում նշել է ԲՀԿ կողմից թիվ 12 ընտրական տարածքում առաջադրված թեկնածու, ԱԺ պատգամավոր Նաիրա Զոհրաբյանը:

«Թիվ 12 ընտրատարածքում առաջադրված 100-ից ավելի ռեյտինգային թեկնածուներից ես որեւէ մեկին այդպես էլ չտեսա քարոզարշավ անցկացնելիս. Վայոց Ձորի եւ Սյունիքի մոտ 70 համայնքում եղել եմ։ Բազմաթիվ թեկնածուներ նախկին զզվելի գործելաոճով են շարժվել, եւ այսօր էլ, վաղն էլ այդ գործելաոճին են հավատարիմ մնալու։

Քարոզարշավ անցկացնելու, ընտրողին, քաղաքացուն իրենց տեսակետը ներկայացնելու փոխարեն՝ մարդիկ զբաղված են տարբեր օբյեկտներում գյուղապետերի, համայնքում տարբեր հեղինակություն ունեցող մարդկանց հանդիպելով, նրանց գրպանը գումար են դնում, ասում են՝ կգնաք, «պերերիվ» կանեք, միայն թե այսքան ձայն ես ստանամ։

Երբ մեր հարգարժան իրավապահները պարբերաբար հայտարարություն են անում, որ իմանալու են՝ ով է անօրինական գործունեություն իրականացնում, ես զարմանում եմ, որ նրանք մի անգամ իրենց հայացքները չթեքեցին Սյունիք եւ Վայոց Ձոր եւ չտեսան, թե ռեյտինգային որ թեկնածուներն են, որ իրենց իրական գործը թողած, համայնք-համայնք ընկնելու փոխարեն՝ ընկած են օբյեկտ-օբյեկտ, եւ մարդաորս են անում։

Ես հասկանում եմ՝ իրենք չէին կարող դասական քարոզարշավ անել, որովհետեւ ինտելեկտի հետ կապված լրջագույն խնդիրներ ունեն, ասելիք չունեն, եթե անգամ ասելիք էլ ունենան, ասելիքը ձեւակերպելու ընդունակություն չունեն, դրա համար ընտրել են այդ տարբերակը»,-հայտարարել է Նաիրա Զոհրաբյանը:

Նա նշել է, որ, թեեւ բացահայտ վարչական ռեսուրս չի կիրառվել, բայց մարզպետի մակարդակով ներքին հանձնարարական է եղել համայնքապետերին՝ հնարավորինս շատ քվե ապահովել «Իմ քայլը» դաշինքի թեկնածուների համար.

«Որեւէ մեկը չփորձի ասել, որ նման բան չի եղել, դա միանշանակ այդպես է։ Բայց դա բացարձակապես ինձ չի մտահոգում, որովհետեւ ես հույս ունեմ, որ գոնե այս սահմանային ռեգիոնում, որտեղ մարդիկ շատ ավելի լուրջ են վերաբերվում ընտրական պրոցեսին, շատ ավելի հստակ են հասկանում խաղաղության եւ պատերազմի գինը, իրենց մաշկի վրա զգացել են, թե ինչ է նշանակում՝ տարիներ շարունակ խորհրդարանում ունենալ տգետ պատգամավորներ, որ Արշակ Սադոյանն անվանել էր տապանաքարեր, գոնե զգալի մասը ճիշտ ընտրություն կկատարի՝ հասկանալով, որ առաջիկա խորհրդարանն ամենածանր խորհրդարաններից մեկն է լինելու, առաջիկա խորհրդարանի առջեւ բավականին լուրջ խնդիրներ են դրված լինելու, տգետների «շայկային» խորհրդարան չի ուղարկի»։

Ի՞նչ է կատարվել Նոր Նորքում. ընդհարում «Մենք»–ի և «Իմ քայլի» ներկայացուցիչների միջև

 Նոր Նորքում պաստառներ փակցնելիս են եղել իմ թիմակիցները, տեսել են, թե ինչպես են իմ պաստառները փչացնում, մոտեցել են նրանց եւ ենթարկվել հարձակման։ Այս մասին NEWS.am-ի հետ զրույցում ասաց «Իմ քայլը» դաշինքից պատգամավորության թեկնածու Մեսրոպ Պապիկյանը` նշելով, որ իր թիմակցին քաշքշել եւ բռնության է ենթարկել «Մենք» դաշինքի ներկայացուցիչը։

Պապիկյանը նշեց, որ իրենք այս պահին գտնվում են ոստիկանությունում եւ բացատրություն են ներկայացնում։

Պապիկյանի խոսքով` քարոզարշավի ընթացքում սա առաջին  նման դրսեւորումն է, ինչին հետեւողական են լինելու։

Մինչդեռ «Մենք» դաշինքից Անի Խաչատրյանը մեզ փոխանցեց` իրենց դաշինքից Արտավազդ Սարգսյանը քարոզչություն իրականացնելիս է եղել, նրան են մոտեցել Մեսրոպ Պապիկյանի թիմակիցները եւ «մարկեր» խնդրել, պատասխանել է, որ չունի, դրանից հետո էլ սկսվել է քաշքշուկ. «Արտավազդ Սարգսյանն ասել է` չունեմ մարկեր, նրանք ասել են` ունես, աղչի, մեր պաստառներին նկարում ես։ Տղամարդուն ասել են՝ աղչի, դրանից հետո սկսվել է քաշքշուկ»։

Խաչատրյանի խոսքով` դեպքից հետո Պապիկյանը զանգահարել  է իրեն, իրավիճակը պարզաբանել են, սակայն մի քանի ժամ անց խմբով ներխուժել են «Մենքի» շտաբ. «10-15 հոգով ներխուժել են մեր շտաբ, իսկ նոր Հայաստանի ոստիկանները իշխանության ներկայացուցչին ոչինչ չէին ասում։ Այնտեղ քարոզչական նյութեր կային, որոնք իրենք գուցե չպիտի տեսնեին։ Դրանից հետո ոստիկանություն հաղորդում ենք ներկայացրել ներխուժման դեպքով»։

Ավելի ուշ, NEWS.am-ը ստացել է «Մենք» դաշինքի հայտարարությունը, որում ասվում է. «Իմ Քայլ»  թեկնածուն քիչ առաջ  (ոչ աշխատանքային ժամի) Իմ Քայլը դաշինքի կողմից պատգամավորի թեկնածու և վարչապետի ժամանակավոր պաշտոնակատար Նիկոլ Փաշինյանի խորհրդական Մեսրոպ Պապիկյանը ոստիկանների և մի խումբ անհայտ անձանց հետ ներխուժել է ՄԵՆՔ դաշինքի կենտրոնական գրասենյակ և փորձել հաշիվներ մաքրել: Վերջիններս անհարգալից վերաբերմունք են ցուցաբերել գրասենյակում գտնվող անձանց հանդեպ, առանց որևէ թույլտվության նկարահանել են գրասենակում եղած աշխատանքային քարտեզները, որոնց վրա պատկերված է ՄԵՆՔ դաշինքի երթուղիները, քարոզչական նյութերը, նկարահանել ակտիվիստներին…

Այս առիթով ՄԵՆՔ դաշինքը հաղորդում է ներկայացրել ոստիկանություն»:

ՄԵՐ ՄԱՐԶՈՒՄ 17 ԹԻՎՆ Է՝ ԿՈՏՈՐԱԾ ԵՆ ԱՆՈՒՄ

Հարցազրույց Արարատի մարզն ընդգրկող թիվ 5 ընտրատարածքի պատգամավորության ռեյտինգային թեկնածու ՀՀԿ-ական Մուրադ Մուրադյանիհետ։

- Քարոզարշավի դեռ սկզբում էիք ասում, որ 37 թվից վատ է ձեր մարզում, քարոզարշավն ավարտին է մոտենում` փոխվե՞լ է այդ մթնոլորտը։

- Միանշանակ պնդում եմ, որ հիմա ավելի վատ է, հիմա 17 թիվն ա, կոտորած են անում մեր մարզում, մարզպետը կանչում է գրեթե բոլոր գյուղապետերին, պլան է դրել նրանց վրա։ Մարզպետն առաջադրվել է «Իմ քայլից», տեղակալը՝ առաջադրվել, աշխատակազմի ղեկավարն էլ, ու իրենց համար պլանային առաջադրանքներ ունեն՝ ով ում համար պետք է ձայն բերի։ Հիմա էլ ոստիկանությունը հատ-հատ կանչում ա գյուղապետերին ու ստիպում, որ բացատրագիր գրեն, որ իբր մարզպետն իրանց չի կանչել, չի ասել՝ էսքան ձեն կբերեք։ Բայց մտեք շրջան, հարցրեք՝ չկա մարդ, որ չիմանա էդ մասին, հիմա ուզում են սուտը ճշտի տեղ տանեն։ Լծակներն իրանց ձեռքը օգտագործում են, ոնց կուզեն, կանեն, ի՞նչ արդարության մասին ենք խոսում։ Մենք չենք խոսում, որ իրանց մոտ մարդիկ կան, որ Մասիսի ճանապարհները չեն իմանում, գյուղերի տեղը չգիտեն՝ թեկնածու են։

- Բացի համայնքապետերին ճնշելուց, իշխող ուժի ներկայացուցիչներն այլ լծակներ օգտագործո՞ւմ են։

- Վախեցնում են բոլորին, բոլոր-բոլորին։ Ես վախենում եմ նույնիսկ անուններ տալ, շտաբ չեն կարողանում մտնել, մեզ չեն համարձակվում անգամ զանգել, ես գնամ հանդիպեմ, ի՞նչ անեմ, որ էդ մարդկանց բռնեն տանե՞ն։ Ձեզ ասում եմ՝ 4 հազար 100 մարդուց չորս հոգի չի գալիս մեր շտաբ։

- Գուցե ոչ թե վախենում են, այլ հեղափոխությունից հետո իրավիճակ է փոխվել, այլեւս ՀՀԿ-ի հետ չե՞ն ուզում ճանապարհ անցնել։

- Է, եթե իրենց մոտ բան ա փոխվել, թող բոլորն էլ գան կուսակցությունից դուրս գան, մարդիկ տեսնում, լսում են, որ իշխանության համար արդեն ոստիկանությունն ա աշխատում, ոստիկանությունն ա վախացնում։ Դե, եթե այդքան հզոր էիք, Հայանիստի դեպքերը բացահայտեիք, ոստիկանության կեսին ջարդեցին, երբ ժողովուրդն ուզում էր գնալ Երեւան՝ հավաքների, միլպետին, միլպետի տեղակալին, բոլորին ջարդեցին, ընկան հիվանդանոցները, էլ սիստեմաներ, էլ ինչ ասես… տո ձեզ պաշտպանեիք, հիմա ի՞նչ գործ ունեք… էդքան ուժեղ եք, հիմա ընկել եք մեր հետեւից, տարբեր տեղեր էլ խոսում եք, թե հեսա Մուրադյանին ենք վատություն անելու, տղաներին անենք։ Ուժային կառույց եք, որ ձեզ սամասուդ էին անում, էդ ժամանակ ձեզ պաշտպանեիք։ Հիմա Մասիսում ոստիկանության թայֆա են ստեղծել, գիտեք չգիտե՞նք ովքեր էիք, ոնց եք աճել ու ինչի տեղ եք ձեզ դրել։

- Իսկ ովքե՞ր են խոսում՝ ոստիկանության պաշտոնյանե՞ր, թե՞ մարզային իշխանություններ։

- Չեմ ուզում անուններ տալ, բայց պնդում եմ՝ իմ հեռախոսն էլ են լսում, ես միանշանակ հիմա ասում եմ՝ ովքեր հանկարծ կփորձեն ընտրակաշառքի խոստումներ իմ անունից տալ, գործողություններ անել, հորինված, սարքված մարդիկ են։

- Մտավախություններ ունեք, որ կարող են «սարքել» ու Ձեր անունից ընտրակաշառքի խոստումնե՞ր տալ։

- Ամեն ինչ ես էսօր սպասում եմ։

- Դուք հանդիպումներ ունենո՞ւմ եք ընտրողների հետ, ինչպե՞ս են Ձեզ ընդունում։

- Ո՞նց հանդիպեմ, եթե մարդիկ ընկնելու են տեսադաշտում, շտաբ մտնող-դուրս եկողների հետեւից են գնում, դուք ասում եք՝ հանդիպում… ես չեմ ուզում անուններ տամ, բայց բոլորին տարբեր տեղերից մի բանով վախեցնում են․ որին՝ աշխատանքով, որին՝ բիզնեսով։ Հիմա ես հանդիպեմ, որ մարդկանց վատությո՞ւն անեն, ճի՞շտ ա։ Ես մեր մարզում էնքան բան եմ արել, որ էդ բոլոր թեկնածուներն իրար հետ վերցրած չեն արել, բայց իրանք ի՞նչ են արել, հիմա որ ՀՀԿ-ական եմ, դարձել եմ չգիտեմ ի՞նչ։ Խոսում են թալանի մասին, հա, Մասիսն էլ ա թալանվել, մարզն էլ։ Թող  ոստիկանները զբաղվեն էդ թալանչիներով ու տենան, թե հիմա դրանք ում համար են աշխատում։ Կտեսնեն, որ ՔՊ-ի ու իշխանության համար են աշխատում։ Իսկ իմ հետ էսօր շփվում են մարդիկ, ովքեր մի կոպեկ էլ չունեն, թող գան պարզեն՝ Մասիսի շենք-շինություններն ումն են, թե՞ իրենց ուժը մեր վրա է պատում, որ իրենց ղեկավարների մոտ գլուխ գովան, թե տեսա՞ք՝ ճնշեցինք։ Դեկտեմբերի 10-ից հետո այնքան անուն կտամ, որ իրենք կտենան ով ով է։

- Փաշինյանը երեկ ասաց, որ ՀՀԿ-ի վախճանին մի քանի օր է մնացել, ինչո՞ւ են ձեզանից այդքան զգուշանում։

- Իրանք գիտեն՝ ես ինչեր եմ արել, բացի լավությունից ես ուրիշ բան չեմ արել։ Ինչքան ես եմ պետք եղել մարզում ժողովրդին, Նիկոլ Փաշինյանն իր կուսակցությունով ու շրջապատով մի տոկոս էլ չեն արել։ Ժողովուրդը բոլորիս գիտի։ Նիկոլ Փաշինյանը մոռացել ա ինքն ով ա, ես ով եմ, հիմա կարում ա բա՞ն ասի։ Վարչապետ ես, 7 ամսում փակեիր արտաքին պարտքը, ասում էիր՝ հնարավոր ա, ի՞նչ ա արել, բացի խոսելուց։ Թող նայի՝ իր ցուցակում ովքեր որտեղից են ի հայտ եկել ու հասել թեկնածուի կարգավիճակի, Նիկոլ Փաշինյանն էլ թող պարզի, թե ովքեր են մարզը թալանել ու ում կողմնակիցներն են, ես վախենալու բան չունեմ։ Ի՞նչ ա փոխվել հեղափոխությունից հետո գյուղում՝ ոչ մի բան։ Ես դեռ երեք տարի առաջ եմ կառավարությանն առաջարկել, որ բերեք գյուղացիներին 5-6 տարով հողի ու ջրի հարկերից ազատեք, այսինքն՝ այն հողերը, որոնք սեփականաշնորհված են, իսկ էն մարդիկ, որ ունեն 5-10 հազար հեկտար եւ ավելի հող, թող վճարեն։ Ընդամենը 6-8 մլրդ-ի պատմություն է, ուրեմն երկրում չե՞ն կարում էդքան փող ճարեն, որ գյուղացու համար լավ լինի։ Լավ, անցած իշխանությունը չէր կարում, դե թող նոր են եկել՝ անեն։

- Իշխանափոխությունից հետո չէի՞ք կանխատեսում, որ ընդդիմադիր թեկնածուի կարգավիճակում դժվար է լինելու, հարվածի տակ եք ընկնելու։

- Իմ գերնպատակը պատգամավոր դառնալը չի, ես չորրորդ անգամն եմ առաջադրվում, բայց ես չեմ տեսնում, որ էս մարզում առաջադրվածներից ինձ հավասար մարդ կա, ես ափսոսում եմ մի բանի համար, որ շատերի համար շատ եմ տանջվել, իմ հանգստի օրերն էլ եմ տրամադրել, իմ եւ բարեկամներիս մեքենաները տասնյակ հազար կիլոմետրեր տրամադրել եմ սրա-նրա համար, բանակայինների համար, բայց մարդիկ էսօր հինգ րոպեում դավաճանում են, էսքան դավաճան այս երկրո՞ւմ։ Չիմանալով ՔՊ-ն ով ա, ինչ ա, մի քիչ տաք տեղ են տեսնում, վազում են, ես ցավում եմ։ Ես էլ չեմ զարմանում, թե ինչու է Հայաստանը 169 հազար ք/կմ-ից մնացել 29, ես վստահ եմ, որ դավաճանության պատճառով։ Ընտրություն է, թողեք ընտրություն անեն։

- Առաջինը Ձեզ դավաճանեց Մասիսի քաղաքապետը, ում Դուք դարձրեցիք քաղաքապետ։

- Քաղաքապետի հետ կապված հարցերը, էլի եմ ասում՝ տվեք իրեն։ Hraparak.am

ՎԱՐՉԱՊԵՏԸ ՇԱՏ ԷԼ ԼԱՎ Ա ԱՆՈՒՄ

ՊԵԿ նախագահ Դավիթ Անանյանի որոշ մտքեր այս օրերին փոթորիկ են առաջացրել հասարակության շրջանում: Նրան դուր չի գալիս, որ ոչ տնտեսագետ մարդիկ այսօր մտել են տնտեսագիտական թեմաների մեջ ու «լայվեր» են անում։ Խոսքը հատկապես ՀՀԿ ցուցակի երկրորդ համար Արփինե Հովհաննիսյանի մասին է, ով մասնագիտությամբ իրավաբան է։ Անանյանը կարծում է, որ Նիկոլ Փաշինյանն ինչ ասում է, լավ է անում, նրա ոչ մի խոսքը մյուսին չի հակասում։ Փոխարենը, ինչպես հասկացանք «խոպանչիներին հարկելու» թեմայի շուրջ բարձրացած աղմուկից, վարչապետի ու փոխվարչապետի հայտարարությունները կարծես հակասում են հենց իր՝ ՊԵԿ նախագահի հայտարարություններին։

Նրա հետ զրույցում նախ անդրադարձանք այն թեմային, թե ՀՀԿ-ականներն ասում են, որ եկամտային հարկի իջեցման առաջարկով իրենք վաղուց էին հանդես եկել եւ առաջարկում էին 20-25 տոկոս, մինչդեռ հիմա իրենք առաջարկում են ընդամենը 150 հազարից բարձր աշխատավարձ ստացողների համար սահմանել 23 տոկոս։

«Ուրեմն տեսեք, նախորդ կառավարության էդ 20-25-ը, որ եղել ա մինչեւ 500 հազար ստացողների համար, քննարկվել ա, վարչապետն էլ ա ասել, մենք էլ ենք առիթ ունեցել ասելու, որ եկամտային հարկի դրույքաչափերի փոփոխության 11-ից ավելի տարբերակներ ա քննարկվել։ Տարբերակներից մեկն էլ եղել ա էդ նույն 20-25 տոկոսը։ Ուղղակի մասնագիտական քննարկման ժամանակ կանգ ա առնվել 23 համահարթ տոկոսադրույքի վրա»,- ասաց նա։

- Բայց այդ 23 տոկոսը վերաբերում է 150 հազար դրամից բարձր աշխատավարձ ստացողներին, այսինքն՝ նրանց, որոնք, վարչապետի խոսքով ասած՝ ճռռում են, որ մյուսներն աշխատավարձ ստանան։

- Գիտե՞ք, ես հիմա ընդհանրապես որեւէ հարցի չեմ ուզում պատասխանեմ, որովհետեւ ես ուղղակի խորհուրդ կտամ, որ հանրությունը հետեւի վարչապետի խոսքերին էս քարոզարշավի ժամանակ եւ ոչ մենակ քարոզարշավի ժամանակ։ Քարոզարշավը՝ ինքը, ոչ մենակ տնտեսական հարցերի ժամանակ պատասխան գտնելու գործընթաց ա, այլ նաեւ շատ ու շատ հարցերի վերաբերյալ խեղաթյուրված կամ սեփական կարծիքը ժողովրդի վզին փաթաթելու փորձեր ա պարունակում։ Ես, ասենք, ՀՀԿ-ի ներկայացուցիչների տեսակետներն ընդհանրապես չեմ էլ մեկնաբանի, որովհետեւ ես չեմ ուզում ներքաշեմ էդ մարդկանց տնտեսական հարցերի կամ բանավեճի մեջ, որովհետեւ ես, օրինակ, մարդասիրությունից ելնելով, տնտեսագետ չհանդիսացող մարդկանց չեմ կարող բանավեճի հրավիրել։

- Բայց ՀՀԿ-ում տնտեսագետների թիմ է աշխատում՝ նախկին, ներկա կառավարություններից գուցե, ի վերջո, ունեն տնտեսագետներ։

- Կարող ա եւ աշխատում են, բայց եթե, ասենք, տեսակետներ են հայտնում ոչ տնտեսագետները եւ, ընդհանրապես, տնտեսագիտությունից հեռու բաներ են ասում, ես դա չեմ կարա էս պահին, տնտեսագիտությունից ելնելով, որեւէ ձեւով մեկնաբանել, որովհետեւ իրենց «լայվ» մտնելը կամ իրենց տեսակետներն էսօր զուտ քաղաքական ենթատեքստ են պարունակում։

- Նիկոլ Փաշինյանի ելույթներն էլ են քաղաքական ենթատեքստ պարունակում այս նախընտրական շրջանում։

- Հնարավոր ա, հետեւաբար, ես հիմա Ձեր հարցերին ուղղակի չեմ ուզում պատասխանեմ, որովհետեւ այսօր ես մինչեւ դեկտեմբերի 9-ը չեմ պատրաստվում մասնագիտական քննարկումներ անել մամուլի հետ, որովհետեւ այսօր մամուլն ինքը քաղաքականացված է, որովհետեւ շնչում եւ արտաշնչում ա նախընտրական էս ամեն ինչով։ Հետեւաբար, իմ մասնագիտական տեսակետները, վստահաբար ասեմ, որ խեղաթյուրվելու են տարբեր քաղաքական ուժերի կողմից։

- Մամուլը ներկայացնում է այն կողմի, այս կողմի տեսակետները եւ ակնկալում է Ձեզնից մասնագիտական տեսակետ։

- Այո, իմ տեսակետը զուտ մասնագիտական է, եւ ես մինչեւ դեկտեմբերի 9-ը որեւէ մասնագիտական տեսակետ չեմ հայտնելու։

- Ի դեպ, այդ «խոպանչիներին հարկելու» գաղափարն ի վերջո կա՞, թե՞ չկա։

- Այդպիսի գաղափար չի եղել, չի էլ քննարկվել, դա ուղղակի մատից դուրս բերված ինչ-որ մի գաղափար էր։

- Բայց Արարատ Միրզոյանը չհերքեց դա, միայն ասաց, որ հանրային քննարկման կդնեն։

- Արարատ Միրզոյանն այդպես չասեց, նա ասաց, որ ընդհանրապես որեւէ հարց առանց հանրային քննարկման չի լինելու, ժողովուրդ ջան, հանգիստ եղեք։ Ինքն ընդհանրապես այդպիսի հիպոթետիկ մի պատասխան տվեց։

- Այդ դեպքում տրանսֆերտների հարկումն ի՞նչ էր ենթադրում։

- Տրանսֆերտների հարկումն ապուշություն է, էդպիսի բան չկա։ Ես չեմ ասել տրանսֆերտների հարկում, ես ասել եմ՝ արտագնա աշխատանքի դիմաց ստացված եկամուտներն այսօր էլ են հարկում, եւ դրանց ներառելը տարեկան դեկլարացիաների մեջ կարող է քննարկվել։ Դա տրանսֆերտ չէ, դա եկամուտ է։

- Իսկ ինչպե՞ս է որոշվելու՝ դա տրանսֆե՞րտ է, թե՞ եկամուտ։

- Ձեր հարցին ես չեմ պատասխանի, մինչեւ դեկտեմբերի 9-ը ես որեւէ մասնագիտական հարցերի չեմ պատասխանելու, որովհետեւ իմ մասնագիտական հարցերը չեն ընկալվում հասարակության կողմից հիմա, օդը քաղաքականացված ա, հիմա շնչում եւ արտաշնչում է հասարակությունը՝ առանց տնտեսագիտության մեջ խորանալու։ Երբ մասնագիտությամբ իրավաբան հանդիսացող անձը, որը նախորդ կառավարությունում իմ կողմից բավականին հարգանքի արժանացած անձնավորություն էր, նախարար ա եղել, «լայվ» ա մտնում ու տնտեսագիտությունից հեռու բաներ ա ասում…

- Ո՞ւմ մասին է խոսքը՝ Արփինե Հովհաննիսյանի՞։

- Մնացածը Դուք որոշեք։

- Այդ դեպքում ինչո՞ւ է վարչապետն ընտրություններից առաջ նման հայտարարություններ անում։

- Լավ ա անում։ Շատ էլ լավ ա անում, որովհետեւ վարչապետը շատ ավելի հավասարակշռված մտքեր ա ասում, եւ եթե տեսնեք, վարչապետի որեւէ խոսք իրա նախորդ արտահայտածների հետ որեւէ հակասության մեջ չէ։ Վարչապետը գոնե ասում ա այն, ինչ որ իրականությունն է։ Մնացածը շահարկում են եւ ուրիշ բաներ են ասում։

Hraparak.am

Շատ դիտվածները

Գալուստ Սահակյանն ու իր հարազատները նույնպես անձեռնմխելի՞ են

 Թավշյա հեղափոխությունը մուտք գործեց Վաղարշապատ, փոթորկեց քաղաքը, բայց հեռացավ՝ իր հետ տանելով միայն Մանվել Գրիգորյանին: Այստեղ մնացին նախկին ՀՀԿ-ական տնօրեններ՝ շարունակելով իրենց գործունեությունը՝ ի վնաս ժողովրդի:  Էջմիածնեցիների համար հին իշխանության «սև ուրվականներից» մեկը, որ շրջում է քաղաքում, «Էջմիածին» ԲԿ-ի տնօրեն Լիլիթ Գասպարյանն է: Վերջինիս գլխավորած բուժկենտրոնը, շարունակելով սնվել պետությունից, համառորեն պատշաճ սպասարկում չի իրականացնում: Բնակչության մեծամասնությունն անգամ չգիտի, թե պետության կողմից տրամադրվող ո՛ր ծառայություններն են անվճար, քանի որ անգամ պոլիկլինիկային դիմելու դեպքում անվճար ծառայությունները սպասարկվում են վճարովի հիմունքներով: Օրինակ՝ մինչև յոթ տարեկան երեխաներին պատվաստելու համար բնակիչներից անամոթաբար 200 դրամ են կորզում,  այն դեպքում, երբ դա անվճար է: Սա թերևս ամենաչնչին օրինակն է, որ կարելի է նշել:

Հավաստի տվյալներ կան նաև այն մասին, որ «Էջմիածին» ԲԿ-ին պատկանել են երկու մեքենա «NISSAN TIDA»` 808 ՈՈ 01 պետհամարանիշով, և «Hyundai Elantra»` 808 QQ 01 պետհամարանիշով: Վերջինս առնվազն երկու տարի, ըստ պահանջի, վարել է տնօրենի որդին, իսկ վառելիքի (300-400 լիտր) և սպասարկման ծախսերը դուրս են գրվել պոլիկլինիկայի հաշվեկշռից: Մեքենան այս ընթացքում երկու անգամ վթարի է ենթարկվել, որի ծախսերը ևս հատուցվել են պետական միջոցներով: Այնուհետև «Hyundai Elantra»-ն վերադարձվել է «Էջմիածին» ԲԿ-ին (դե, վթարված մեքենան ինչպե՞ս կարող էր վարել տնօրենի տղան, ամոթ է, չէ՞), իսկ ընտանիքին սկսել է սպասարկել «NISSAN TIDA»-ն:  Այս չարաշահումների պատճառով մի քանի միլիոն դրամի վնաս է հասցվել պետությանը: Ընդ որում, հարց է ծագում՝ ինչպես է «Էջմիածին» ԲԿ-ն ձեռք բերել գոլդ պետհամարանիշները, քանի որ բոլորս էլ գիտենք, որ նման պետհամարանիշները առևտրային կազմակերպությունները ձեռք են բերում հավելավճարով: Ի՞նչ է ստացվում, ԲԿ-ն դարձյա՞լ չարաշահել է պետական միջոցները:

Բուժկենտրոնի տնօրեն Լ. Գասպարյանն իր բոլոր չարաշահումները կոծկել է անձնական կապերի շնորհիվ: Ըստ քաղաքում շրջանառվող լուրերի՝ Լիլիթ Գասպարյանը ԱԺ նախկին նախագահ Գալուստ Սահակյանի ապօրինի որդու` ՀՀ Առողջապահության նախկին փոխնախարար, ՀՀԿ-ական Վահան Պողոսյանի կինն է, և հարսին առնչվող ցանկացած խնդրով Գ. Սահակյանը երբևէ չի զլացել դիմել մարզային իշխանություններին:

Անգամ իշխանափոխությունը չսթափեցրեց Տիկին Գասպարյանին: Արդեն Նոր Հայաստանում նա իր համար նոր կապեր է հաստատել և շարունակում է պաշտոնավարել նույն գործելաոճով՝ իրեն համարելով այդ տարածքի միակ տիրուհին:

Ի դեպ, պարզվում է՝ ժամանակին «Էջմիածին» ԲԿ-ն իր ողջ տարածքով պետք է նվիրվեր «Մեդիպրիզ» ՍՊԸ-ին, որի հիմնադիրներն են Գալուստ Սահակյանի կինը՝ ժաննա Աղաբաբյանն ու նույն Լիլիթ Գասպարյանը: Այս նվիրատվությունը կատարվելու էր այդ ժամանակ Պետգույքի կառավարման պետ, Գ. Սահակյանի որդու՝ Արման Սահակյանի թեթև ձեռքով: Սակայն ընտանեկան այս մեծ գործարքը ինչ-ինչ պատճառներով չստացվեց:

 

 

 

 

Լուրեր

03 /Հունիս 2019

«Սա տանելու է սոցիալական բունտերի». Սուրեն Պարսյան

ՀՀ կառավարությունն ԱԺ է ներկայացրել Հարկային օրենսգրքում փոփոխություններ և լրացումներ կատարելու մասին օրինագիծը: ՀՅԴ Բյուրոյի տնտեսական հետազոտությունների գրասենյակի պատասխանատու Սուրեն Պարսյանի կարծիքով՝ սա ռիսկային է, ու մի շարք խնդիրներ կարող են առաջանալ: Եկամտային հարկի համահարթեցման սկզբունքի կիրառման արդյունքում կխաթարվի սոցիալական արդարությունն ու համերաշխությունը հասարակության մեջ:

«Համաձայն այս օրենքի նախագծի՝ առաջարկվում է ներկայումս գործող պրոգրեսիվ հարկային համակարգի փոխարեն՝ կիրառել  համահարթեցված դրույքաչափ: Այսինքն, եթե հիմա 23, 28, 36 տոկոս են դրույքաչափերը՝ կախված եկամտից, առաջարկվում է բոլորի համար սահմանել 23 տոկոս: Այսինքն, շատ աշխատավարձ, եկամուտ ստացողը և քիչ աշխատավարձ ստացողը նույն չափով եկամտային հարկ են վճարելու: Սա անարդար, անազնիվ մոտեցում է, քանի որ սրա արդյունքում խաթարվում է սոցիալական արդարությունը և համերաշխությունը՝ հասարակության մեջ»,- լրագրողների հետ հանդիպման ժամանակ ասաց Սուրեն Պարսյանը:

«Ըստ Սահմանադրության՝ մեր երկիրը սոցիալական պետություն է, և այս դրույթից ելնելով՝ պետությունը ստանձնում է մի շարք պարտավորություններ: Շատ ունեցողը հարաբերականորեն պետք է շատ վճարի, քանի որ պետությունը շատ ունեցողի համար կատարում է ավելի մեծ աշխատանքներ, մատուցում է ավելի մեծ ծառայություն, և այս տրամաբանությունը պետք է պահպանել հարկային դրույքաչափերի  հարկման ժամանակ:

Բացի այդ՝ այս և նախորդ կառավարությունները հռչակել էին ներառական տնտեսական աճի ապահովում,  որը ենթադրում է՝ այդ աճից պետք է օգտվի հասարակության մեծ մասը, իսկ հիմա փորձում են ներառականության նոր սահմանում տալ, ըստ որի՝ ներառականությունը դա հասարակության մեծ մասի  մասնակցությունն է, ինչը սխալ է:

Ներառականությունը ենթադրում է, որ այդ աճը պետք է բաշխվի հասարակության բոլոր անդամների միջև, և պրոգրեսիվ հարկային համակարգը հենց կոչված է ապահովել այդ բաշխումը: Մենք չենք կարող տնտեսությունը զարգացնել առանց հանրային բարիքների ներդրման: Կառավարությունը գնում է ծայրահեղ լիբերալ տարբերակով՝ ամեն ինչ թողնելով շուկային: Այսինքն, շուկան թող կարգավորի, թող բաշխի: Նորություն չեմ ասի՝ շուկան անարդարացի է բաշխում, և այս հարկային քաղաքականության հետևանքով  եկամուտների բևեռացվածություն է լինելու: Դրա վառ օրինակը Վրաստանն է, որը ԱՊՀ երկրներում առաջին տեղում է գտնվում: Մենք պետք է բացառենք նման հարկային օրենսդրության ընդունումը, սա տանելու է նաև սոցիալական բունտերի՝ եթե ոչ հիմա, ապա մի քանի տարի հետո»,- հավելեց նա:

Սուրեն Պարսյանը նկատեց՝ փորձում են ամբողջ ծավալով ներդնել նաև պարտադիր կուտակային կենսաթոշակային համակարգը, որ 2022 թվականից 500.000 դրամ ավելի աշխատավարձ ստացողները ոչ թե 5 տոկոս, այլ 10 տոկոս են վճարելու:

«Պետությունն առաջարկում է 8 տոկոսով նվազեցնել եկամտային հարկը՝ հետագայում կուտակայինը 10 տոկոսով ավելացնելու պայմանով: Այս մոտեցման արդյունքում բարձր աշխատավարձ ստացողները միանշանակ չեն շահելու: Կառավարությունը սա հիմնավորում է նրանով, որ կկարողանան այսպիսով բացահայտել ստվերը: Միջազգային ճանաչում ունեցող բազմաթիվ կազմակերպություններ փաստում են, որ ուղղակի կապ դրույքաչափի և ստվերի միջև գոյություն չունի»,- նշեց նա:

Տնտեսագետը նաև շեշտեց՝ պետությունը բարձր եկամուտ ստացողներին զիջելով եկամտային հարկի հարցում, փորձում է պետբյուջե մուտքերն ապահովել փոքր ու միջին բիզնեսի հաշվին, ակցիզային հարկերի օգնությամբ։

Կարդալ ավելին

03 /Հունիս 2019

ԼՀԿ-ն առաջարկում է վերացնել Երևանի քաղաքապետարանում լրագրողների հավատարմագրումը

ՀՀ ազգային ժողովը քննարկում է «Լուսավոր Հայաստան» խմբակցության կողմից առաջարկված օրենսդրական նախաձեռնությունը, որով նախատեսվում է, որ լրագրողներն իրավունք ունենան ներկա գտնվել Երևանի ավագանու հրապարակային նիստերին՝ ավագանու նիստերի դահլիճին անմիջապես կից առանձնացված տեղում: Նախատեսվում է նաև չեղյալ համարել քաղաքապետարանում լրագրողների հավատարմագրումը: 

«Արմենպրես»-ի հաղորդմամբ՝ Երևան քաղաքում տեղական ինքնակառավարման մասին օրենքում փոփոխություններ կատարելու մասին օրենքի նախագիծն ԱԺ լիագումար նիստում ներկայացրեց խմբակցության պատգամավոր Անի Սամսոնյանը: «Նախագիծն ունի նախապատմություն: 2018-ի փետրվարի Երևանի ավագանու նիստի ընթացքում տեղի ունեցավ միջադեպ՝ կոյուղաջրերի հայտնի միջադեպը, որից հետո Երևանի քաղաքապետը որոշեց ներկայացնել օրենսդրական նախաձեռնություն, որով սահմանափակվում է լրատվամիջոցների մասնակցությունը Երևանի ավագանու նիստերին: Եվ լրագրողների համար հատուկ սենյակ պատրաստվեց, որտեղ նրանք կկարողանան ուղիղ հեռարձակմամբ դիտել ավագանու նիստերը: Սակայն ավագանու Ելք խմբակցությունը դեռ այն ժամանակ քննադատեց նախագիծն այն առումով, որ թեև հեռարձակումները կային, սակայն ցանկացած պահի և միջամտությամբ կարող էին ընդհատվել և լրագրողները զրկել իրադարձությունների մասին իմանալուց: Բացի այդ, լրագրողները զրկվում էին նաև ունենալու իրենց բացառիկ տեսանյութերը: Ըստ այդմ, համարեցինք, որ սա սահմանափակում է լրագրողի աշխատանքի համար: Նախագծով առաջարկեցինք, որ դրույթը չեղյալ համարեն»,-ասաց Սամսոնյանը: Խմբակցությունը նախագծով առաջարկել է հանել նաև Երևանի քաղաքապետարանում լրագրողների հավատարմագրումը, քանի որ այն հակասում է ԶԼՄ-ների մասին ՀՀ օրենքին: Սամսոնյանի կարծիքով՝ կա հակասություն Երևան քաղաքում տեղական ինքնակառավարման մասին և ԶԼՄ-ների մասին ՀՀ օրենքների միջև: « Վերջին օրենքը նախատեսում է, որ լրագրողներին հավատարմագրում են միայն պետական մարմինները, սակայն ՏԻՄ-երի մասին խոսք չկա: Այդ պատճառով մենք ուզում ենք վերացնել այդ դրույթը»,-ասաց նա ու հավելեց, որ դա կնպաստի նաև ՏԻՄ-երում ժողովրդավարական գործընթացների ավելի արդյունավետ լուսաբանմանը:

Նախագծի վերաբերյալ կառավարությունից ստացել են երկու առաջարկ: Մեկի համաձայն՝ ավագանիում մարդկանց մասնակցությունը չի կարող լինել անսահմանափակ՝ հաշվի առնելով, որ կան անվտանգության մի շարք հարցեր: Սամսոնյանը նկատեց, որ իսկապես դահլիճն ունի տեխնիկական խնդիրներ: Կառավարության հետ համաձայնության են եկել նաև այն մասով, որ պահպանեն լրագրողների համար հատուկ սենյակը, սակայն այն պետք է կցված լինի ավագանու նիստերի դահլիճին և ըստ այդմ լրագրողները կկարողանան անմիջապես հետևել իրադարձություններին:

Կարդալ ավելին

03 /Հունիս 2019

ՄՇՏԱՊԵՍ ՆՈՐ ՄՈՏԵՑՈՒՄՆԵՐՈՎ ԶԱՐԳԱՑՈՂ ԼԱՎԱԳՈՒՅՆ ՀԱՄԱՅՆՔ

Շիրակի մարզի Անուշավան համայնքում հունիսի 9-ին կայանալիք համայնքի ղեկավարի ընտրություններին առաջադրված թեկնածուներն են համայնքի ղեկավար Երվանդ Հակոբյանը և Համբարձում Ալեքսանյանը: Համայնքն ունի 2200 բնակիչ, 1550 ընտրող։

Այս առիթով զրուցեցինք համայնքի ղեկավար Երվանդ Հակոբյանի հետ:

- Պարոն Հակոբյան, 2001թ.-ից ղեկավարում եք համայնքը: Գիտենք, որ այս տարիների ընթացքում բազմաթիվ խնդիրներ են լուծվել: Կմանրամասնե՞ք:

- Այո՛, այս տարիների ընթացքում շատ խնդիրներ են լուծվել համայնքում: Բազմաթիվ ծրագրեր ենք իրականացրել: Բայց ես հատկապես ուզում եմ ընդգծել համայնքի մանկապարտեզի հիմնանորոգումը և գիշերային լուսավորության անցկացումը. համայնքը գրեթե 90 %-ով ապահովված է լուսավորությամբ:

- Նախընտրական քարոզարշավը սկսված է: Հանդիպո՞ւմ եք բնակիչներին, քարոզարշավ իրականացնո՞ւմ եք:

- Գյուղերում նման ավանդույթ՝ նախընտրական հանդիպումներ, չկա, որովհետև հանդիպումները մշտական են: Կլինի միայն մեկ ընդհանուր հադիպում, կներկայացնեմ ծրագրերը: Ճիշտն ասած, այդքան էլ մեծ հետաքրքրություն չկա ծրագրի նկատմամբ, որովհետև գիտեն՝ եթե ես քառամյա ծրագիր եմ ներկայացնում, ապա ամբողջությմբ իրականցնում եմ։

- Պարոն Հակոբյան, վերընտրվելու դեպքում ո՞ր խնդիրներին եք առաջնահերթ ուշադրություն դարձնելու:

- Ընտրվելուց հետո առաջնային եմ համարում բարոյահոգեբանական մթնոլորտի վերականգնումը համայնքում. թերևս տեղյակ եք, որ համայնքը բաժանվել է երկու մասի։

Անմխիթար վիճակում է գտնվում միջմարզային ճանապարհը: Նախքան հեղափոխությունը գրավոր դիմել էինք կառավարությանը, իսկ հեղափոխությունից հետո դիմել ենք ՀՀ վարչապետ Նիկոլ Փաշինյանին: Այս տարի ևս դիմել ենք և դրական պատասխան չենք ստացել: Վարորդները կազմակերպեցին և փակեցին ճանապարհը, հրավիրեցինք մարզպետին, տեղում ականատես եղավ ճանապարհի անմխիթար վիճակին, որը խիստ զարմանք պատճառեց նրան: Մեր վերջին հանդիպման ժամանակ ասաց, որ այդ հարցը ընդգրկվել է ծրագրում։ Իսկ ինչ վերաբերում է ներհամայնքային ճանապարհներին, ապա մոտակա օրերին, երբ անձրևները կդադարեն, ասֆալտ-բետոնով փոսալցումներ կկատարենք։ Միջմարզային ճանապարհը գտնվում է մարզպետարանի ենթակայության ներքո, մարզպետը հետևողական է և կանի ամեն ինչ, որպեսզի այդ անանցանելի ճանապարհը նորոգվի։ Մեր ծրագրերում ընդգրկված է նաև ֆուտբոլի մարզադաշտի կառուցումը:

- Պարոն Հակոբյան, ինչպիսի՞ մթնոլորտ է տիրում համայնքում: Արդյոք սև փիառի քաղաքականություն տարվո՞ւմ է մյուս թեկնածուի կողմից: Թշնամանք, լարվածություն կա՞ համայնքում։

- Համայնքում նման իրավիճակ չկա, հանգիստ մթնոլորտ է: Որևիցե սև փիառի ականատես չեմ եղել, նորմալ նախընտրական մթնոլորտ է։ Ժամանակները փոխվել են, ընկեր-բարեկամ կապերը չեն գործում: Ճիշտ է, պայքար կա, բայց դա բնական եմ համարում։ Մարդիկ, ամեն մեկն իր ընտանիքում քննարկում, խորհրդակցում, որոշում են կայացնում, թե որ թեկնածուին ձայն տան։ Ոչ մի թեկնածուի կողմից պարտադրանք չկա՝ ում ընտրել:

- Պարոն Հակոբյան, իշխանափոխություից հետո, որպես փորձառու և համայնքային գործունեության գիտակ, ի՞նչ դրական տեղաշարժեր եք նկատում։

- Ես միշտ լավատես եմ: Դրական տեղաշարժ, իհարկե, կա, բայց համայնքային կյանքում՝ բնակիչների մոտ այդպիսի շոշափելի դրական տեղաշարժ, որ նաև բնակչությունը գոհունակություն հայտնի, առայժմ չեմ տեսնում։ Շոշափելի դրական արդյունք չկա հատկապես բնամթերքի իրացման հարցում (հացահատիկ, կարտոֆիլ): Կան խնդիրներ՝ կապված իրացման հետ: Այս պահի դրությամբ 200 տոննայից ավելի հացահատիկ կա, որը ֆերմերները շատ մեծ դժվարությամբ, երկրորդ-երրորդ ձեռքի միջոցով է կարողանում իրացնել:

Բոլոր ժամանակներում մշտապես խնդիր է եղել համայնքում ոռոգման ջրի հարցը։Ոռոգման ջուրը մեզ տրվում է Մանթաշի ջրամբարից, Մանթաշ գետով բաց համակարգով: Քանի որ մեր համայնքը ծայրամասային է, շատ մեծ դժվարությամբ է հասնում։ Բազմիցս դիմել ենք կառավարություն մեր և հարևան չորս համայնքների (Փանիկ, Անուշավան, Սպանդարյան, Գետափ) համար փակ համակարգով ջրագծի կառուցման հարցով: Ըստ նախնական հաշվարկի՝ ծրագիրը կարժենա 400 մլն դրամ։ Ուսումնասիրության արդյունքում մասնագետները նաև պարզել են, որ եթե փակ համակարգով կառուցվի, ապա ջրի կորուստը կպակասի, որի արդյունքում 3-4 անգամ ավելի ոռոգում կկատարվի։ Սա մեր չորս համայնքների համար, կարելի է ասել, փրկության ծրագիր է։ Ունենք 280 հա բերրի վարելահող, որն ընդհանրապես չի ոռոգվում: Այդ ծրագիրն իրագործելու դեպքում կդառնա ոռոգելի։ Շատ կարևոր եմ համարում վարելահողերի խոշորացման այն գործընթանցը, որի մասին տարիներ շարունակ խոսվել է և մնացել թղթի վրա: Մեր համայնքում, իսկապես, մասնատված են հողերը, շատ փոքր հողակտորներ են, այսինքն՝ երկու հողաբաժինը 1991 թ.-ին մեկ տեղի փոխարեն հատկացրել են չորս տեղ: Սա լուրջ խնդիր է գյուղացու համար։

- Իսկ ինչպե՞ս եք պատկերացնում այս հարցի լուծումը, չէ՞ որ գյուղացին կարող է չհամաձայնել։

- Այո, կլինեն մարդիկ, որ չեն համաձայնի, որովհետև իրենց լավ, բերրի հողակտոր է հասել, մինչդեռ մյուսինը շիկահող է, որը չի մշակվում: Բնականաբար խոսակցություններ կլինեն. բերրի հողերի սեփականատերը միանշանակ կդժվարանա վերամիավորել հողերը: Բայց կարծում եմ, որ խոշորացման միջոցով նաև պետք է վերանայվի հավասարության սկզբունքը:

Ունենք բավականին հողեր, որոնք չեն մշակվում, քանի որ բերրի չեն: Որպեսզի բերրի դառնան, պետք է վերականգնել նախկինում՝ կոլտնտեսության ժամանակ գործող ցանքաշրջանառությունը: Հողին այսօր անհրաժեշտ են ֆոսֆորական, կալիումական աղեր, ոչ միայն ազոտական, այլև տարբեր տեսակի սնուցում է պետք։ Նախ հողը պետք է հետազոտվի, տրվի համապատասխան սերտիֆիկատ, ապա համապատասխան բուժում կատարվի։

- Պարոն Հակոբյան, ի՞նչ կցանկանայիք ասել ընտրողներին՝ անուշավանցիներին։

- Ճիշտ ընտրություն կատարել, գնահատել արվածն ու չարվածը, արժևորել իմ՝ Երվանդ Հակոբյանիս նվիրվածությունը համայնքի նկատմաբ։ Կոչ եմ անում մեր համայնքի բնակչությանը՝ մեկ անգամ ևս վստահել ինձ, որովհետև Անուշավանը տարածաշրջանի ամենահզոր ու կայացած համայնքներից է: Այն պահպանվելու է և, նոր ծրագրերի շնորհիվ, զարգանալու է: Շարունակելու եմ աշխատել նույն ոճով՝ համայնքի առաջընթացն ապահովելու համար։ Ամեն դեպքում, թող ժողովուրդը գնահատի, ես կառչած չեմ այս աթոռից: Որոշողը ժողովուրդն է։

- Ի՞նչ եք կարծում, կլինե՞ն արդար և թափանցիկ ընտրություններ։

- Այո, կլինեն թափանցիկ և արդար ընտրություներ: Մեր համայնքում ՏԻՄ ընտրությունները միշտ էլ այդպես են եղել։ Որևէ խնդիր երբևէ չենք ունեցել, որևիցե խախտում չի արձանագրվել, մրցակիցների միջև լարվածություն, որևէ թեկնածուի կողմից վիրավորանք չի եղել։

- Ի՞նչ կցանկանայիք հղել պետական այրերին։

- Լուրջ ուշադրություն դարձնել համայնքներին, դեմքով շրջվեն դեպի գյուղը, գյուղացուն։

Ի դեպ նշենք, որ ամեն տարի հոկտեմբեր ամսի երկրորդ կիրակին Անուշավան համայնքում նշվում է որպես Զինվորի օր: Այս նախաձեռնության գաղափարն առաջացել է 2016 թ. Ապրիլյան պատերազմից: «Մշտապես լինել անդորրը պահպանող ու հայրենիքին իր պարտքը տվող զինվորի կողքին» - արդեն երրորդ տարին է, ինչ Անուշավան համայնքը հոկտեմբերին այս կարգախոսով միջոցառում է կազմակերպում: Համայնքապետ Երվանդ Հակոբյանի նախաձեռնությամբ ու աջակցությամբ անուշավանցիները, մեկ մարդու նման, զինվորների ընտանիքներին գումար են հատկացնում, որով զինվորի ընտանիքն իր զավակի համար արկղ է պատրաստում: Դրանք Երվանդ Հակոբյանն իր ձեռքով է հանձնում համագյուղացի զինծառայողներին:

Անուշավան համայնքի ղեկավարի թեկնածու Համբարձում Ալեքսանյանը շարունակում է մնալ հեղափոխության ազդեցության տակ։ Նրա կարծիքով, իրենց համայնքում դեռևս հեղափոխական իրավիճակ է տիրում: Թերևս պետք է տեղեկացնել նրան, որ հեղափոխությունը եղել է մեկ տարի առաջ։ Մարդն ընդհանրապես՝ լինի ահել, թե ջահել, գնահատվում է ըստ իր ունակությունների, մարդկային արժանիքների: Կյանքում կատարած լավ արարքները, աշխատանքում ունեցած ձեռքբերումներն են բնութագրում նրան: Բոլորն էլ կարող են խոստանալ ամեն ինչ անել և հանդես գալ հեղափոխության «բրենդի» տակ: Մրցակցի հանդեպ սև փիառի քաղաքականություն վարելու և համագյուղացիների մեջ ավելորդ լարվածություն ստեղծելու փոխարեն ավելի լավ կլինի ծրագրեր ներկայացնել և դրանք իրագործելու ճանապարհ ցույց տալ: Գյուղում ընտրություններից հետո բարոյահոգեբանական մթնոլորտը աննախադեպ լավացնողը երևի տեղյակ չի, որ անուշավանցին միշտ բարձր է պահում համայնքի պատիվը և թույլ չի տա, որ գյուղի բարոյահոգեբանական մթնոլորտը խաթարվի, եթե այս նախընտրական փուլում սև փիառով լարվածություն չմտցնի հարաբերությունների մեջ: Ոչ մի թեկնածու չի հայտարարում, թե ինքը գալիս է, որ ոչինչ չանի:

Համբարձում Ալեքսանյանը իր ֆեյսբուքյան եթերի ժամանակ ևս հայտարարեց, թե իրագործելու բազում ծրագրեր ունի, բայց թե հստակ ինչ ծրագրեր, անհայտ է, և նաև պարզ չէ, թե ինչ ճանապարհով է դրանք իրականացնելու։ Բնակիչներին հորդորում է ընտրություն կատարել հնի և նորի, այսինքն՝ սև ու սպիտակի, միօրինակության և առաջընթացի միջև: Սակայն ի՞նչ առաջընթացի մասին է խոսքը: Թերևս կարծում է, թե առաջընթացը պայմանավորված է իր անձով:

Ըստ գյուղացիներից հասած տեղեկությունների՝ չնայած թեկնածու Համբարձում Ալեքսանյանը անկուսակցական է, բայց եղել է հեղափոխության ակտիվ մասնակից: Եվ դա է պատճառը, որ «Իմ Քայլը» դաշինքի ռեյտինգային ցուցակով առաջադրված ԱԺ պատգամավորի նախկին թեկնածու Դավիթ Սեխելյանը (Փանիկցի), ով չի ընտրվել ԱԺ պատգամավոր, Հ. Ալեքսանյանին համարում է թիմակից: Ունենալով հեռահար նպատակներ՝ կապված առաջիկայում համայնքների խոշորացման հետ, նա հիմա էլ փորձում է իր դիրքերը հաստատել տարածաշրջանում՝ համայնքի ղեկավարընտրություններում սատարելով թեկնածուին։

Կարդալ ավելին

01 /Հունիս 2019

ԱՐԴԱՐ ՈՒ ԹԱՓԱՆՑԻԿ ԸՆՏՐՈՒԹՅՈՒՆՆԵՐԻ ՀԱՄՈԶՎԱԾՈՒԹՅԱՄԲ

Հունիսի 9-ին Գեղարքունիքի մարզի Ծովասար համայնքում որպես ղեկավարի թեկնածու առաջադրվել են Արտաշես Մխիթարյանը և Բաբիկ Հակոբյանը, ով աշխատում է «Գազպրոմ Արմենիա» ՓԲԸ-ում՝ որպես Ծովասար համայնքի տեսուչ։ Համայնքն ունի 3000 բնակիչ և 2040 ընտրող։

Ստորև՝ զրույցը Արտաշես Մխիթարյանի հետ:

- Պարոն Մխիթարյան, Ձեր ղեկավարման տարիների ընթացքում որո՞նք են համայնքում լուծված գոլոբալ խնդիրները։

- 2013 թ.ին կառուցվել է նախակրթարանը, որը տեղակայված է դպրոցում: Այստեղ հաճախում է 45 երեխա։ Համայնքի ղեկավար դառնալուց հետո առաջնային եմ համարել խմելու ջրի խնդիրը: Ձմռան ամիսներին 4-5 ժամ էր տրվում: Գյուղի հիմնական մասի խմելու ջրի ներքին ցանցը փոխարինվել է պոլիէթիլենային խողովակներով: Մնացել է երկու փողոց, սրանք էլ առաջիկայում կփոխենք: Ունենք նաև հաստատված ծրագիր՝ Զարգացման հիմնադրամով իրականացվող երկու նոր կապտաժների կառուցում: Այս ծրագրում համայնքը ունի իր ներդրումը՝ 3 մլն դրամ։ Նշված աշխատանքներն ավարտելուց հետո մեր համայնքում իսպառ կվերանա խմելու ջրի խնդիրը։ Ի դեպ, սպասարկումն անվճար իրականացվում է համայնքապետարանի կողմից: Հիմնանորոգվել է մշակույթի տունը, որտեղ գործում է ազգագրական պարերի խմբակ, հաճախում է 80 երեխա։

Համայնքում կատարված աշխատանքներում մեծ դեր ունեն համագյուղացի բարերարները, ովքեր այս տարիների ընթացքում եղել են իմ կողքին: Առանց նրանց օգնության, հիմնվելով միայն համայնքի բյուջեի և պետության աջակցության վրա՝ համայնքում կատարված աշխատանքների նույնիսկ կեսը ես չէի կարողանա իրականացնել։ Համայնքի մուտքի կամարը նույնպես համագյուղացի բարերարներն են կառուցել։ Սուբվենցիոն ծրագրով արդեն իսկ հաստատված է մանկապարտեզի կառուցման ծրագիրը, որի արժեքը կազմում է 240 մլն դրամ: Դրա 15 %-ը տրամադրվելու է համայնքի բյուջեից, 15 % ներդրում էլ կատարելու է համագյուղացի բարերար Զարզանդ Մուրադյանը։

- Պարոն Մխիթարյան, գյուղամիջյան ճանապարհներով շրջելիս՝ նկատեցինք, որ դրանք գտնվում են բավականին վատ վիճակում։

- Այո, համամիտ եմ, իմ ղեկավարման առաջին երկու տարիներին կատարում էինք խճապատում, որը կարճաժամկետ կյանք ունի: Պատճառը նաև աշխարհագրական դիրքն է. տեղումներից հետո ճանապարհները շարքից դուրս են գալիս: Իսկ հարթեցում կատարելու համար քանդող-ջարդող տեխնիկա է հարկավոր, ինչը նույնպես կարճաժամկետ հարցի լուծում կլինի: Ուստի այդպիսի մեծ ծախսերով կարճաժամկետ լուծում տալու փոխարեն նախընտրում ենք տնտեսել գումարները և ուղղել երկարաժամկետ լուծում տալու տարբերակին, այսինքն՝ ասֆալտապատմանը: Օրինակ անցյալ տարի սուբվենցիոն ծրագրով մոտավորապես 65 մլն դրամ արժողությամբ 1300 մետր ասֆալտապատում ենք իրականացրել։ Վերոնշյալ տնտեսումների հաշվին այս տարի կասֆատապատենք գրեթե 850 մետր ճանապարհ: Սա երկրորդական փողոց է, անցյալ տարի ավարտել ենք կենտրոնական ճանապարհի ասֆալտապատումը: Մոտեցումս հետևյալն է՝ նախ կենտրոնական ճանապարհը, այնուհետև՝ ամենաբանուկ և շատ տնտեսություն ունեցող երկրորդային փողոցները: Մի պահ քննադատում էին, թե ինչու նախ և առաջ գերեզմանտան ճանապարհը չենք ասֆալտապատում, հետո նոր այլ ճանապարհներ: Բայց չէ՞ որ այդ ճանապարհը տարվա մեջ մոտավորապես 15 օր է ծանրաբեռնված լինում: Այնպես որ կարելի է մեկ-երկու տարի անց իրականացնել գերեզմանատան ճանապարհի ասֆալտապատումը:

Բացի այդ կար նաև երկրորդ հարցը: Երբ ստանձնեցի համայնքի ղեկավարի պաշտոնը, խմելու ջրագծերը չուգունյա էին ու հին: Դրանք պետք է փոխարինել նորով, հետո ասֆալտապատել: Հակառակ դեպքում արածը շատ արագ կքանդվի: Նախ և առաջ անհրաժեշտ է ջրագծերը փոխել, ջրահեռացում ապահովել, պետք է հաշվարկել ծախսերը և հաշվի առնել համայնքի նեդրման հնարավորությունները: Այլապես պետությունն ինչքա՞ն կարող է օգնել, չէ՞ որ պետության միջոցներն էլ են սահմանափակ:

Հարկավոր է տարեց տարի խնդիրները լուծելով առաջ գնալ ։

- Պարոն Մխիթարյան, վերընտրվելու դեպքում որո՞նք են առաջիկա անելիքները։

- Կապտաժների ցանկապատում, խմելու ջրի ջրագծի մնացած հատվածի կառուցում։ Այս աշխատանքների հետ միաժամանակ համայնքի միջոցներն ուղղելու ենք ճանապարհաշինությանը և կրթության ոլորտին՝ իհարկե, օգտվելով նաև ծրագրերից:

- Ինչպիսի՞ նախընտրական մթնոլորտ է տիրում համայնքում, արդյոք կա՞ թշնամանք։

- Կարծում եմ՝ համայնքում մթնոլորտը խաղաղ է: Իսկ թշնամանք լինել չի կարող։

- Ի՞նչ եք կարծում, մինչև վերջ այսպե՞ս կընթանա ընտրապայքարը, կրքեր չե՞ն բորոբոքվի։

- Եթե բորբոքվի, կփորձեմ հանդարտեցնել։

- Հույս ունե՞ք, որ կլինեն արդար և թափանցիկ ընտրություններ։

- Համոզված եմ, որ այդպես է լինելու

Կարդալ ավելին

01 /Հունիս 2019

ՀՈՒՆԻՍԻ 1-Ը՝ ՔԱՋԱՐԱՆՈԻՄ

Երեխաների պաշտպանության միջազգային օրվա տոնական միջոցառումը Քաջարանում մեկնարկեց պարային ֆլեշմոբով: Այնուհետեւ սկսվեց համերգային ծրագիրը՝ համայնքում գործող ստեղծագործական խմբերի մասնակցությամբ։ Միջոցառման ծրագիրը ներառում էր մանկական խաղեր՝ մուլտհերոսների մասնակցությամբ, կավճանկարչություն, շախմատի մրցաշար, հյուրասիրություն՝ մանուկներին, մրցանակաբաշխություն։ Ընդգրկված էին մանկապարտեզի ու դպրոցական կրտսեր տարիքի բոլոր երեխաները։ Մանուկների օրը հագեցած էր անակնկալներով լի բազում հաճելի պահերով։

Կարդալ ավելին

01 /Հունիս 2019

ՏԵՍԱՆՅՈՒԹ. «Գրանդ Քենդիի» քաղցր նվերներն ու օգնությունը երեխաներին հունիսի 1-ի առթիվ

Ընկերությունը նվերներ է բաժանել Երևանի և մարզերի բոլոր մանկատներում բնակվող և բոլոր հատուկ դպրոցներում սովորող երեխաներին: Երեխաների օրը վերածվել է տոնի: Բացի այդ «Գրանդ Քենդին» նաև ընդհանուր առմամբ 20 մլն. դրամ է հատկացրել մանկատներին հրատապ կարիքները հոգալու համար: Մանրամասները` տեսանյութում: 

Կարդալ ավելին

01 /Հունիս 2019

ՀՀ-ից պետական մակարդակով փորձել են Facebook-ից ստանալ 81 օգտատիրոջ տվյալ. Սամվել Մարտիրոսյան

Հայաստանից անցյալ տարվա երկրորդ կեսին, այսինքն արդեն նոր կառավարության օրոք, Ֆեյսբուքից վեցը դեպքով փորձել են պետական մակարդակով ստանալ 81 օգտատիրոջ եւ օգտատիրուհու տվյալ։ Այս մասին ֆեյսբուքյան իր էջում գրել է անվտանգության փորձագետ Սամվել Մարտիրոսյանը։

«Կոնկրետ յուզերների քանակով ռեկորդային թիվ է։ Դեպքերի կեսում որեւէ չափով Ֆեյսբուքը բավարարել է հարցումները»,-հավելել է նա:

Կարդալ ավելին

01 /Հունիս 2019

Վարչապետ Նիկոլ Փաշինյանը և ՌԴ նախագահ Վլադիմիր Պուտինը հեռախոսազրույց են ունեցել

Ռուսաստանի Դաշնության նախագահ Վլադիմիր Պուտինը հունիսի 1-ին զանգահարել է վարչապետ Նիկոլ Փաշինյանին՝ շնորհավորել և բարեմաղթանքներ հղել ՀՀ վարչապետին տարեդարձի կապակցությամբ:

Հեռախոսազրույցի ընթացքում զրուցակիցները քննարկել են նաև երկկողմ և բազմակողմ ձևաչափերում համահագործակցության ուղղությամբ առաջիկա անելիքները:

Կարդալ ավելին

01 /Հունիս 2019

Արմեն Սարգսյանը շնորհավորել է Նիկոլ Փաշինյանին ծննդյան օրվա առթիվ

 ՀՀ նախագահ Արմեն Սարգսյանը հունիսի 1-ին զանգահարել է վարչապետ Նիկոլ Փաշինյանին և շնորհավորել վարչապետին տարեդարձի կապակցությամբ, մաղթել երջանկություն և հաջողություններ երկրի ղեկավարի պատասխանատու գործում:

Ծննդյան օրվա առթիվ վարչապետ Փաշինյանը շնորհավորանքներ և բարեմաղթանքներ է ստանում օտարերկրյա պետությունների ղեկավարներից, միջազգային կազմակերպությունների, պետական և հասարակական հատվածի ներկայացուցիչներից, անհատներից:

Կարդալ ավելին

01 /Հունիս 2019

ՀՀ վարչապետ Նիկոլ Փաշինյանին ծննդյան օրվա առթիվ շնորհավորել են ՌԴ նախագահ Վլադիմիր Պուտինը

Վարչապետ Նիկոլ Փաշինյանին ծննդյան օրվա առթիվ շնորհավորական ուղերձ է հղել ՌԴ նախագահ Վլադիմիր Պուտինը: Ուղերձում, մասնավորապես, ասված է.

«Հարգելի Նիկոլ Վովայի,

Ընդունեք անկեղծ շնորհավորանքներս Ձեր ծննդյան օրվա առթիվ:

Սրտանց մաղթում եմ Ձեզ քաջառողջություն, երջանկություն, բարեկեցություն և հաջողություններ պետական գործունեության մեջ:

Կցանկանայի վերահաստատել պատրաստակամությունը՝ շարունակելու Ռուսաստանի և Հայաստանի միջև դաշնակցային հարաբերությունների զարգացման ուղղությամբ կառուցողական երկխոսությունը և համատեղ սերտ աշխատանքը, ինչպես նաև եվրասիական ինտեգրացիոն գործընթացների շրջանակում գործընկերային փոխգործակցությունը»:

Կարդալ ավելին

31 /Մայիս 2019

Արձանը վնասելու դիտավորություն չի եղել. ՀՀ ոստիկանություն

Սոցցանցերում լուր էր տարածվել, որ վնասել են մայրաքաղաքի նորաբաց այգու բրոնզաձույլ արձանը: Տարատեսակ վարկածներ առաջադրող հրապարակումների հետքով ոստիկանությունը ստուգումներ է իրականացրել, վերցվել և ուսումնասիրվել են տարածքի տեսախցիկների տեսագրությունները, ստուգվել է՝ գույքի դիտավորյալ վնասում առկա՞ է, թե ոչ, բացատրություն է վերցվել այգու տեխնիկական սպասարկող աշխատակցից: Վերջինս նշել է, որ այգու մենեջերն իրեն տեղեկացրել է, որ վնասվել էր արձանի թևը: Նրանք արձանը տեղափոխել են վերականգնելու: Տեսագրության ուսումնասիրմամբ պարզվել է,որ պարբերաբար երեխաներ են խաղացել արձանի մոտ, բարձրացել վրան և հնարավոր է, որ թևը կարող էր վնասված լինել խաղացող երեխաների՝ պատահական դիպչելու հետևանքով: Արձանի մոտ խաղացող երեխաներին արձանագրել է նաև տարածքի տեսախցիկը: Տեսագրության ուսումնասիրմամբ պարզվել է, որ նրանց կողմից արձանը վնասելու դիտավորություն չի եղել: Այդ մասին հայտարարել է նաև «Վարդանյան ընտանիք» բարեգործական հիմնադրամի տնօրենը:

ՀՀ ոստիկանություն 


Կարդալ ավելին
«Յանդեքս»-ի ղեկավարները վարչապետին են ներկայացրել Հայաստանում նոր նախագծեր իրականացնելու ծրագրերը Արտակ Զեյնալյանը հրաժարականի դիմում է ներկայացրել Հայաստանն ու Բուղարիան նոր թափ կհաղորդեն երկկողմ համագործակցությանը. տեղի է ունեցել Նիկոլ Փաշինյանի և Ռումեն Ռադևի հանդ Սանկտ Պետերբուրգում քննարկվել են բարձր տեխնոլոգիաների ոլորտում Հայաստանի և Իսրայելի միջև համագործակցության զարգացման հե ԳՈՐԾԵԼՈՒ ՑԱՆԿՈՒԹՅԱՄԲ ՈՒ ՎՃՌԱԿԱՆՈՒԹՅԱՄԲ Էքսկլյուզիվ ՄԱՆՎԵԼ ԳՐԻԳՈՐՅԱՆԻ ՎԻՃԱԿՆ ԱՀԱՎՈՐ ԾԱՆՐ Է Այսօր Քըրք Քըրքորյանի ծննդյան օրն է. միլիարդատեր հայը` թռչող գորգի վրա Հայերը շատ ավելի մեծ հաջողությունների պետք է հասնեն Հայաստանում, որտեղ այժմ ստեղծվել են անսահմանափակ հնարավորություններ Սանկտ Պետերբուրգում կայացել է Նիկոլ Փաշինյանի և Վլադիմիր Պուտինի հանդիպումը. քննարկվել են երկկողմ հարաբերությունների օր Նիկոլ Փաշինյանը շնորհավորել է Դանիայի վարչապետին Սահմանադրության օրվա կապակցությամբ Հայաստանում բռնության քարոզ իրականացնող ցանկացած մարդ պետք է ստանա կոշտ հակահարված. Նիկոլ Փաշինյան ՎԵՑ ԹԵԿՆԱԾՈՒՆԵՐԻՑ Ո՞ՒՄ ԿԸՆՏՐԻ ԳԵՂՀՈՎԻՏՑԻՆ «Սա տանելու է սոցիալական բունտերի». Սուրեն Պարսյան ԼՀԿ-ն առաջարկում է վերացնել Երևանի քաղաքապետարանում լրագրողների հավատարմագրումը ՄՇՏԱՊԵՍ ՆՈՐ ՄՈՏԵՑՈՒՄՆԵՐՈՎ ԶԱՐԳԱՑՈՂ ԼԱՎԱԳՈՒՅՆ ՀԱՄԱՅՆՔ ԱՐԴԱՐ ՈՒ ԹԱՓԱՆՑԻԿ ԸՆՏՐՈՒԹՅՈՒՆՆԵՐԻ ՀԱՄՈԶՎԱԾՈՒԹՅԱՄԲ ՀՈՒՆԻՍԻ 1-Ը՝ ՔԱՋԱՐԱՆՈԻՄ ՏԵՍԱՆՅՈՒԹ. «Գրանդ Քենդիի» քաղցր նվերներն ու օգնությունը երեխաներին հունիսի 1-ի առթիվ Ավտովթարի հետևանքով մահացել է Իսպանիայի ֆուտբոլի ազգային հավաքականի նախկին կիսապաշտպան Խոսե Անտոնիո Ռեյեսը Արցախում դանակահարության միջադեպով լարվածություն է ստեղծվել ՀՀ-ից պետական մակարդակով փորձել են Facebook-ից ստանալ 81 օգտատիրոջ տվյալ. Սամվել Մարտիրոսյան Վարչապետ Նիկոլ Փաշինյանը և ՌԴ նախագահ Վլադիմիր Պուտինը հեռախոսազրույց են ունեցել Արմեն Սարգսյանը շնորհավորել է Նիկոլ Փաշինյանին ծննդյան օրվա առթիվ ՀՀ վարչապետ Նիկոլ Փաշինյանին ծննդյան օրվա առթիվ շնորհավորել են ՌԴ նախագահ Վլադիմիր Պուտինը Արձանը վնասելու դիտավորություն չի եղել. ՀՀ ոստիկանություն «Կանանց գաղութ է, ոչ թե գործարան»․ ժողով Գյումրու «Սաստեքս»-ում ստեղծված աղմուկի թեմայով Բրիտանական և հայկական զինվորական նվագախմբերի համատեղ համերգ Երևանում Կարեն Կարապետյանը, Ռուբեն Հայրապետյանն ու Հրայր Թովմասյանը` Արցախում. «Իրատես» Պուտինը Սիմֆերոպոլի օդանավակայանին շնորհեց Հովհաննես Այվազովսկու անունը Վարչապետը Եվրոպայի խորհրդին առաջարկել է ոչ թե օգնել, այլ ներգրավվել դատաիրավական համակարգի բարեփոխումների գործընթացում ԹԵԿՆԱԾՈՒՆԵՐԻ ԿԱԶՄԱԿԵՐՊՉԱԿԱՆ ՈՒՆԱԿՈՒԹՅՈՒՆՆԵՐԸ ԿԳՆԱՀԱՏԻ ՍՊԱՆԴԱՐՅԱՆՑԻՆ ԻՐ ԸՆՏՐՈՒԹՅԱՄԲ Վրաստանի վարչապետը շնորհավորել է Նիկոլ Փաշինյանին Առաջին Հանրապետության օրվա կապակցությամբ ԱՌԱՆՑ ԿՈՒՍԱԿՑԱԿԱՆ ԹՇՆԱՄԱՆՔՆԵՐԻ Ճանապարհային երթևեկության անվտանգության ապահովման իրավական գործիք՝ կներդվի տուգանային միավորների համակարգ Լարված իրավիճակ Արմավիրում. մարզպետարանի դիմաց թիվ 5 դպրոցի կոլեկտիվն ու երեխաները դասադուլ ու գործադուլ են հայտարարել. ԵՍ ԻՆՁ ՉԵՄ ՊԱՏԿԵՐԱՑՆՈՒՄ ԱՅԼ ԿՈՒՍԱԿՑՈՒԹՅՈՒՆՈՒՄ.«ՀՐԱՊԱՐԱԿ». Կենտրոնական բանկն այսօր շրջանառության մեջ է դրել «ԵՊՀ հիմնադրման 100-ամյակ» արծաթե հուշադրամը Huawei-ը մեկնաբանել է ընկերությունը սեւ ցուցակ մտցնելու ԱՄՆ որոշումը Վարչապետը չինական մի քանի ընկերությունների ներկայացուցիչների հետ քննարկել է ՀՀ-ում ներդրումային ծրագրերի իրականացման հե Սրտացավ վերաբերմունք յուրաքանչյուրի հանդեպ ՀՀ պաշտպանության նախարար Դավիթ Տոնոյանը այցելեց կենտրոնական հոսպիտալ տեսակցելու Արգիշտի Սեփխանյանին Հայաստանի Հանրապետությունն այլևս երբեք չի լինի հուսահատ և ՀՀ քաղաքացին իր մտքով, աշխատանքով, տաղանդով ծաղկեցնելու է իր Վարչապետը ներկա է գտնվել Աշխատանքի օրվան նվիրված միջոցառմանը «Ես չեմ կարա ուրիշին առևանգեմ․ վայ թե Ղուշչյանն ա ինձ առևանգել»․ Սամվել Ալեքսանյան Վարչապետ Նիկոլ Փաշինյանի ուղերձը Աշխատանքի օրվա առթիվ ՎԻՐԱՎՈՐՎԱԾ ԶԻՆԾԱՌԱՅՈՂԻՆ ԵՐԵՒԱՆ ԵՆ ՏԵՂԱՓՈԽԵԼ ՍԱՆԱՎԻԱՑԻԱՅԻ ՈՒՂՂԱԹԻՌՈՎ Նիկոլ Փաշինյանը և Տիգրան Սարգսյանը հանդես են եկել հայտարարությամ Երևանում տեղի է ունեցել Եվրասիական միջկառավարական խորհրդի նիստը << Միհրան Պողոսյանին չեն կարողանում ներել տարբեր բաների համար>>Ռուբեն Գրդզելյան ՄՈՍԿՎԱՅՈՒՄ ՏԵՂԻ Է ՈՒՆԵՑԵԼ ՊՈՒՏԻՆ-ԷՐԴՈՂԱՆ ՀԱՆԴԻՊՈՒՄԸ ՈՎ Է ԻՐԱԿԱՆՈՒՄ ՀԿ-ՆԵՐԻՆ ՀՐԱՎԵՐ ՈՒՂԱՐԿԵԼ ՄԱՅՐՈՒԹՅԱՆ ԵՎ ԳԵՂԵՑԿՈՒԹՅԱՆ ՏՈՆԸ ՄՐԳԱՇԱՏ ՀԱՄԱՅՆՔՈՒՄ(ՏԵՍԱՆՅՈՒԹ) ԱՌԱՋԻՆ ԲԿ-Ն ՀՀ-ՈՒՄ, ՈՐ ՀԱՄԱԼՐՎԵՑ ՈՒՂՂԱԹԻՌՈՎ (ԷՐԵԲՈՒՆԻ ԲԿ) Այսօր ո՞վ է կանգնած Ռաֆիկ Անդրեասյանի թիկունքում ԼԻԱԿԱՏԱՐ ԱՆԿԱԽ ՊԵՏՈՒԹՅՈՒՆՆԵՐ ՉԿԱՆ․ ՎԼԱԴԻՄԻՐ ՊՈՒՏԻՆ Հովհաննես Գալստյանը հրապարակել է Լիլիթ Մակունցի հետ զրույցի ձայնագրությունը Ավարտվել է նաեւ Սեյրան Օհանյանի, Յուրի Խաչատուրովի և Արմեն Գևորգյանի գործով նախաքննությունը. ՀՔԾ Վարչապետը և Հայաստանում Շվեյցարիայի դեսպանը քննարկել են համագործակցության զարգացման հարցեր Հայաստանի տնտեսական հետագա զարգացման համար կարևոր է մարդու տնտեսական վարքագծի փոփոխությունը. Նիկոլ Փաշինյան Վարչապետը ներկա է գտնվել «Հոլիդեյ Ինն Էքսպրես» հյուրանոցի բացման արարողությանը

© Website developed by Vardan Hoveian

Վերև