Սպորտ

Արթուր Ալեքսանյանը վնասվածք ստացավ, բայց կարողացավ դուրս գալ եզրափակիչ

Տոկիոյում ընթացող ամառային 32-րդ օլիմպիական խաղերում Հայաստանն ապահովեց առաջին մեդալը: Հունահռոմեական ոճի ըմբիշ 97 կգ քաշային Արթուր Ալեքսանյանը կիսաեզրափակչում հանդիպեց իրանցի Մոհամմադհադի Սարավիին:

Առաջին մրցափուլում Ալեքսանյանը միավոր ստացավ և աշխատեց պարտերում վերևից, բայց չկարողացավ հնարք կատարել: Երկրորդում հաշիվը հավասարվեց, սակայն Սարավին ևս չկարողացավ հնարք կատարել: Գոտեմարտի ավարտից մեկ րոպե առաջ Ալեքսանյանը նորից հնարավորություն ստացավ վերևից աշխատել: Իրանցի ըմբիշը բռնեց Ալեքսանյանի ոտքից, և մրցավարները զգուշացրին նրան ու երկու միավոր տվեցին Ալեքսանյանին, իսկ իրանցիների անհաջող բողոքարկումից հետո հաշիվը դարձավ 4-1: Սակայն այդ դրվագում Ալեքսանյանը նաև ոտքի մկանի վնասվածք ստացավ, սակայն կարողացավ շարունակել գոտեմարտը ու հաղթանակ տանել՝ դուրս գալով եզրափակիչ: Վաղը կայանալիք ոսկե մեդալի համար գոտեմարտում Ալեքսանյանը կհանդիպի ռուսաստանցիչ Մուսա Եվլոևին:

77 կգ քաշային Կարապետ Չալյանը կիսաեզրափակչում 1-6 հաշվով պարտվեց ղրղզ Ակժոլ Մախմուդովին: Նա վաղը կգոտեմարտի բրոնզե մեդալի համար:

Facebook Notice for EU! You need to login to view and post FB Comments!
Ցույց տալ ավելին

Թողնել պատասխան

Ձեր էլ-փոստի հասցեն չի հրապարակվելու։

Back to top button
Close

Գործարար Հայելի

Խնդրում ենք անջատել Ad Blocker