ԲիզնեսԿարևորՀասարակություն

Արտակ Բաղիկյանին կանչել են դատախազություն

«ADM դայմոնդս» ադամանդի ընկերության սեփականատեր Արտակ Բաղիկյանը հրավիրվել է դատախազություն՝ ապօրինի ծագում ունեցող գույքի բռնագանձման հարցերով վարչություն՝ դիրքորոշում հայտնելու և հայտարարագիր ներկայացնելու։ Այսինքն՝ դատախազությունը վիճարկում է Բաղիկյանին պատկանող գույքի օրինականությունը։

Նշենք, որ «ADM դայմոնդս» ընկերությունը զբաղվում է ալմաստի ներկրմամբ և ադամանդի արտահանմամբ, 2019 թվականին ընկերությունը եղել է 1000 խոշոր հարկ վճարողների ցուցակում։ Ընկերության առաջին գրասենյակը 2014 թվականին հիմնադրվել է Արաբական Միացյալ Էմիրություններում, 2015-ին ընկերությունը հիմնադրել է իր հաջորդ գրասենյակը՝ Մոսկվայում և նույն թվականին գործունեություն է սկսել նաև Հայաստանում, սակայն այդ ժամանակ Հայաստանում զբաղվել է միայն վաճառքով: 2016 -ին նոր մասնաճյուղ է հիմնադրել Հոնկոնգում, իսկ 2017 -ին արտադրություն է սկսել նաև Հայաստանում:

Ըստ իշխանական լրատվամիջոցների, 2018 թվականին, երբ Հայաստանում տեղի է ունեցել «թավշյա հեղափոխությունը», Արտակ Բաղիկյանը սկսել է Հայաստանում աննախադեպ ներդրումներ կատարել, որոնք ենթադրաբար կատարվում էին Նիկոլ Փաշինյանի «տնտեսական հեղափոխության» կոչի ազդեցությամբ։ Հավանաբար Բաղիկյանին դատախազություն կանչելը ևս «տնտեսական հեղափոխության» տրամաբանության մեջ է։ 

Ցույց տալ ավելին

Թողնել պատասխան

Ձեր էլ-փոստի հասցեն չի հրապարակվելու։

Back to top button

Գործարար Հայելի

Խնդրում ենք անջատել Ad Blocker