ՀԱՅԿ ՄԱՐՈՒԹՅԱՆՆ ԱՐՁԱԿՈՒՐԴԻՑ ՉԻ ԳԱ. ՆԻԿՈԼ ՓԱՇԻՆՅԱՆԸ ՈՐՈՇՈՒՄ Է ԿԱՅԱՑՐԵԼ. ARMLUR.AM
Երեւանի քաղաքապետ Հայկ Մարությանը հնարավոր է այդպես էլ չվերադառնա արձակուրդից: ArmLur.am-ի տեղեկություններով, «Քաղաքացիական պայմանագիր» կուսակցության վարչությունում հարց է դրված՝ այլեւս Երեւանի քաղաքապետ Հայկ Մարությանը չպետք է շարունակի պաշտոնավարել:
Ըստ տեղեկությունների, թե ՔՊ վարչության անդամները, թե Երեւանի «Իմ քայլը» ավագանու անդամները ՀՀ վարչապետ Նիկոլ Փաշինյանին հայտնել են, որ Հայկ Մարությանը այլեւս խայտառակում է իրենց թիմը ու անհնար է դառնում նրա աշխատանքը թիմում: Կոնկրետ վարչապետին զեկուցել են նաև, որ Մարությանը Երեւանում որեւէ հեղափոխություն չի արել որեւէ ոլորտում, ավելին վերջինս իր թիմի հետ որեւէ ձեւով չի աշխատում: Նշվել է, որ Մարությանը «պրավալ» է տվել քաղաքային ոլորտները՝ ասֆալտապատումը խայտառակ վիճակում է, շինթույլտվություններում իսկական կոռուպցիոն մեխանիզմներ են գործում, Մարությանը կոնֆլիկտային է, անգամ իր թիմի անդամների զանգերին չի պատասխանում, ոչ մեկի հետ հանդիպումներ չի ունենում, որեւէ մեկը չի կարողանում ինչ-որ հարցի դեպքում «գտնել» Մարությանին:
