Ուզում եք բախումների գնա՞նք, կգնանք, չկա Նորատուս, չկա Հայաստան
27 երիտասարդ ձերբակալվել տարվել են Երեւան, եթե օրենք կա էս երկրում ինչի՞ համար ես բռնում գյուղացուն. դիմելով Փաշինյանին՝ Նորատուսում ասաց ակցիա անող ձկնորսներից մեկը:
«Հա, էսօր ամեն ինչը ձեր ձեռքում ա, ձեզ թույլատրվում ա: Ըտենց երկիր չեն պահում: Ուզում եք բախումների գնա՞նք, կգնանք, չկա Նորատուս, չկա Հայաստան: Ասում ա՝ մեզ հասնում ա, բա միլիցայի երկիր եք, էս ի՞նչ բեսպրեդելի երկիր բերին, տո էս ա՞ քո հպարտ քաղաքացին, ժողովրդավարությունը»,-ասա նա:
Ավելի վաղ գրել էինք, որ Գեղարքունիքի մարզի Նորատուս գյուղում կրքերը չեն հանդարտվում. ջրային պարեկներ- ձկնագողեր հակամարտությունը շարունակվում է:
Երեկ գիշերվանից մի քանի գյուղերի ձկնորսներ հավաքվել են Նորատուս գյուղի մեջ եւ պատրաստվում են բողոքի ակցիա իրականացնել՝ փակելով Երեւան-Սեւան մայրուղին: Ոստիկանությունը, որ արդեն 3 օր է հերթապահում է՝ ձկնորսների եւ ջրային պարեկների միջեւ բախումները կանխելու համար, մի ոտք առաջ է ընկել. գյուղից դուրս եկողներին բերման են ենթարկում:
«Մեծ ու փոքր տանում են, բերման ենթարկվածների մեջ անչափահասներ էլ կան: Այսօր առավոտից ոստիկանության կարմիրբերետավորների հետ միասին ջրային պարեկները հավաքել ու անհայտ ուղղությամբ տարել են ձկնաորսների լոդկաները: Մենք նախ հիմա պահանջում ենք, որ գիշերը ձերբակալվածներին ազատ արձակեն: Իսկ գլխավոր պահանջն այն է, որ մինչեւ ամսի 30-ը թույլ տան ձուկ որսալ, հացի փող աշխատել»,-մեզ հետ զրույցում ասել էր ձկնորսներից մեկը
Ավելի վաղ գրել էինք, որ Գեղարքունիքի մարզի Նորատուս գյուղում գերլարված իրավիճակ է: Մարզի մի քանի գյուղերի ձկնորսները պատրաստվում են բողոքի ակցիա իրականացնել եւ երկկողմանի փակել Երևան-Սևան ավտոճանապարհը:
Ձկնորսների բողոքը պայմանավորված է Սեւանում ջրային պարեկների՝ ձկնագողության արգելքով:
Լարված իրավիճակով պայմանավորված մարզ են տարվել ՀՀ ՆԳՆ ոստիկանության մեծաթիվ զորքեր:
Օրեր առաջ ձկնորսները կրկին փակել էին մայրուղին, պահանջում էին հանդիպում մարզպետի եւ շրջակա միջավայրի նախարարի հետ՝ նշելով, որ ճանապարհը չեն բացի մինչև հանդիպումը տեղի չունենա:
