Քաղաքականություն

Փաշինյանի և Ալիևի առաջին հանդիպումը՝ Արցախի հայաթափումից հետո

ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը Լեռնային Ղարաբաղում «վերջին աշնանային իրադարձություններից հետո» առաջին անգամ կմասնակցեն դեկտեմբերի 26–ին Սանկտ Պետերբուրգում կայանալիք ԱՊՀ գագաթնաժողովին։ Այդ մասին գրել է ՌԻԱ Նովոստի-ն՝ նշելով, որ Երևանն ու Բաքուն չեն հայտարարել միջոցառման շրջանակում երկկողմ հանդիպում անցկացնելու մտադրությունների մասին։ Վերջին անգամ Փաշինյանը և Ալիևը հանդիպել են հուլիսի 15-ին՝ Բրյուսելում, դա 2023–ին նրանց հինգերորդ հանդիպումն էր։ Նշվում է, որ Հայաստանի վարչապետի և Ադրբեջանի նախագահի հանդիպումները Գրանադայում և Բրյուսելում աշնանը չկայացան, չնայած ձեռք բերված պայմանավորվածություններին։ Պարբերականը հիշեցրել է, որ ամիսներ տևած Լեռնային Ղարաբաղի շրջափակումից հետո Ադրբեջանը սեպտեմբերի 19-ին ռազմական գործողություն է սկսել, որի արդյունքում Ալիևը հայտարարեց, թե «հանրապետությունը վերականգնել է իր տարածքային ամբողջականությունը»։ «Մի քանի օրվա ընթացքում ԼՂ-ից Հայաստան է մեկնել ավելի քան 100 հազար բնակիչ»,-ասվում է հրապարակման մեջ։

Ցույց տալ ավելին

Թողնել պատասխան

Ձեր էլ-փոստի հասցեն չի հրապարակվելու։

Back to top button

Գործարար Հայելի

Խնդրում ենք անջատել Ad Blocker