Արսեն Զախարյանի տեղափոխությունը «Չելսի» տեղի չի ունեցել տեխնիկական պատճառներով
Մոսկվայի «Դինամոյի» եւ Ռուսաստանի հավաքականի 19-ամյա կիսապաշտպան Արսեն Զախարյանն այս տրանսֆերային պատուհանի ընթացքում չի տեղափոխվի այլ ակումբ, հաղորդում է ռուսական ակումբի մամուլի ծառայությունը։
Օգոստոսի 25-ին «Դինամոն» Արսեն Զախարյանի տրանսֆերի առաջարկ է ստացել Լոնդոնի «Չելսիից»։ Ընթացել են բանակցություններ, սակայն իրականացնել ֆուտբոլիստի տեղափոխությունն այս ամառային տրանսֆերային պատուհանի ժամանակ տեխնիկական պատճառներով չի ստացվել։ Զախարյանը կշարունակի հանդես գալ «Դինամոյում»։
Ավելի վաղ հայտնի էր դարձել, որ տրանսֆերի հաստատումը հնարավոր է միայն վճարումից հետո։ Մեծ Բրիտանիայի կառավարության կողմից Ռուսաստանի ֆինանսական եւ բանկային համակարգի նկատմամբ բազմատեսակ պատժամիջոցների հետեւանքով տրանսֆերի համար վճարումը գրեթե անհնար է։
«Չելսին» պատրաստ էր Զախարյանի համար վճարել հրաժարագինը՝ 15 միլիոն եվրո։ Զախարյանի պայմանագիրը «Դինամոյի» հետ նախատեսված է մինչեւ 2024թ․ հունիս։
