Գլխավոր դատախազն ու Աննա Հակոբյանը և Մարիամ Փաշինյանը ընկերուհիներ չեն. ՀՀ վարչապետ
«Ասացիք, որ գլխավոր դատախազը Աննա Հակոբյանի և Մարիամ Փաշինյանի ընկերուհին է, ես հիմա այնպես պետք է ձևակերպեմ, որ կոռեկտության խնդիր չլինի»:
Այս մասին այսօր հրավիրած ասուլիսի ժամանակ ասաց վարչապետ Նիկոլ Փաշինյանը՝ արձագանքելով լրագրողի հարցին, թե ինչպե՞ս են հարցերին իրավական լուծում տրվելու, երբ ՀՀ վարչապետի կինը և դուստրը ՀՀ գլխավոր դատախազի ընկերուհիներն են:
«Նույն տրամաբանությամբ ինչ-որ մեկը կարող է ասել, որ Փայլակ Ֆահրադյանը իմ ընկերն է, որովհետև նույն միջոցառմանը մասնակցել է»,- ընդգծեց Կառավարության ղեկավարը՝ նկատի ունենալով լրագրողներից մեկին:
Պատասխանելով նույն լրագրողի մեկ այլ հարցադրման, ըստ որի՝ ինչպե՞ս են հարցերին իրավական լուծում տրվելու, երբ սեպտեմբերի 22-ին զոհված զինվորների ծնողների գործով, որոնց հեռացրել էին «Եռաբլուր»-ից, մեկ մեղադրյալ չկա:
«Հիշատակեցիք «Եռաբլուր»-ի դեպքը, իսկ դուք համոզվա՞ծ եք, որ ոստիկանությունը ապօրինություն է թույլ տվել: Եթե հանցագործություն չկա, այդ գործը ո՞նց, ի՞նչ հիմքով գնա դատարան»,- նշեց Նիկոլ Փաշինյանը:
