Թուրքական կողմն ամեն ինչ անում է, որ Ալեն Սիմոնյանի ասուլիսը չկայանա

Այսօր Անկարայում կայանալու է Սեւծովյան տնտեսական համագործակցության խորհրդարանական վեհաժողովի հիմնադրման 30-ամյակին նվիրված գագաթնաժողովին եւ Գլխավոր վեհաժողովի լիագումար նիստի աշխատանքներին մասնակցելու նպատակով Թուրքիա մեկնած ՀՀ Ազգային ժողովի նախագահ Ալեն Սիմոնյանի եւ Թուրքիայի Ազգային մեծ ժողովի նախագահ Մուստաֆա Շենթոփի հանդիպումը։ 

Մեր տեղեկություններով, ՀՀ ԱԺ նախագահի եւ Թուրքիայի ԱԺ նախագահի հանդիպումը կայանալու է ժամը 17։00-ին, որից հետո Ալեն Սիմոնյանը պատրաստվում է ասուլիս տալ։ Ասուլիսի մասին արդեն հայտարարվել է եւ վեհաժողովը լուսաբանող թուրքական եւ արեւմտյան լրատվամիջոցների ներկայացուցիչները տեղեկացված են, բայց մեր ստացած տեղեկություններով, թուրքական կողմը դեմ է ասուլիսի կայացմանը։ Արտաքուստ թեեւ կտրուկ քայլեր չեն անում, որ աղմուկ չբարձրանա, սակայն մեր աղբյուրներն ասում են, որ ամեն ինչ արվում է, որ ասուլիսը չկայանա։