Իսրայելը հրթիռներ է արձակել Դամասկոսի ուղղությամբ. զոհվել է 4 սիրիացի զինվոր
Սիրիայի մայրաքաղաք Դամասկոսի մերձակայքում գիշերն Իսրայելի ավիահարվածի հետևանքով չորս սիրիացի զինվոր է զոհվել, ևս չորսը վիրավորվել են, երկուշաբթի վաղ առավոտյան հայտնել է Սիրիայի պաշտպանության նախարարությունը, գրում է mehrnews.com-ը։
«Մեր հակաօդային պաշտպանության համակարգերը որսացել են ագրեսորի հրթիռները՝ խոցելով դրանցից մի քանիսը: Այս հարձակման հետևանքով զոհվել է չորս զինծառայող, ևս չորսը վիրավորվել են և նյութական վնաս է պատճառվել», – ասվում է նախարարության հայտարարության մեջ:
Նախարարությունը հավելել է, որ իսրայելական ռեժիմի օդուժը երկուշաբթի առավոտյան հրթիռներ է արձակել «Դամասկոս քաղաքի մերձակայքում գտնվող մի քանի վայրերի վրա՝ օկուպացված սիրիական Գոլանից»։
Ավելի վաղ Սիրիայի պետական լրատվամիջոցները հայտնել էին, որ Սիրիայի հակաօդային պաշտպանության ուժերը հետ են մղում իսրայելական հարձակումը Դամասկոսի մերձակայքում:
