Խոսել է միջուկային պատերազմի հավանականության մասին
Հռոմի Սրբազան Քահանայապետ Ֆրանցիսկոսը կոչ է արել աղոթել Ս․ Կույս Մարիամին, որպեսզի աշխարհը զերծ պահի միջուկային պատերազմից։ Այս մասին Հռոմեա-Կաթոլիկ եկեղեցու հովվապետն ասել Գիտությունների Պապական ակադեմիայի լիագումար նիստի մասնակիցների հետ հանդիպման ընթացքում։
«Երկու ողբերգական համաշխարհային պատերազմներից հետո, թվում էր, թե աշխարհը սովորել է առաջ գնալ՝ հարգելով մարդու իրավունքներն ու միջազգային իրավունքը, ինչպես նաեւ՝ գործակցության բոլոր ձեւերը։ Սակայն ցավոք, մենք հիմա տեսնում ենք հետընթացի նշաններ։ Այժմ ոչ միայն խորանում են հին հակամարտությունները, այլ նաեւ զարգանում են ազգայնականությունը, ագրեսիան, գերազանցություն ձեռք բերելու համար պատերազմներ են սկսվում, որոնցից տառապում ենք մարդիկ եւ որոնք պատճառ են դառնում ավերածությունների»,- ասել է Հռոմի Պապը։
«Զինված հակամարտությունների թիվը լուրջ անհանգստության տեղիք է տալիս։ Արդեն ասել եմ «մաս առ մաս ընթացող երրորդ աշխարհամարտի մասին», սակայն այսօր ամենայն հավանականությամբ արդեն կարելի է խոսել «տոտալ պատերազմի մասին»։ Ս․ Հովհաննես-Պողոս 2-րդ Քահանայապետը երախտագիտություն էր հայտնում Աստծուն Ս․ Կույս Մարիամին կանչելու համար, ում բարեխոսությամբ աշխարհն ազատվել է միջուկային պատերազմից։ Հիմա մենք պետք է վերստին շարունակենք աղոթել այդ մասին, թեեւ այդ սպառնալիքը արդեն վաղուց պետք է կանխված ու հաղթահարված լիներ»,- ասել է Ֆրանցիսկոս Սրբազան Քահանայապետը։
