ՈՐԱԿՅԱԼ ԱՐՏԱԴՐԱՆՔԸ ՀԱՋՈՂՈՒԹՅԱՆ ԳՐԱՎԱԿԱՆ
«Պետա Ֆարմ» կաթնամթերքի արտադրանքը սպառողին իր արտադրանքով ներկայացել է 2018 թվականից։ «Պետա Ֆարմ»-ի արտադրանքը առկա է Երևանի գրեթե բոլոր խանութներում, սուպերմարկետներում և լայն սպառում ունի որակի և համեմատաբար մատչելի գնի շնորհիվ: Ստորև ներկայացնում ենք մեր հարցազրույցը «Պետա Ֆարմ» կաթնամթերքի արտադրության տնօրեն Դավիթ Պետանյանի հետ:
– Պարոն Պետանյան, որո՞նք են «Պետա Ֆարմ» ընկերության կողմից արտադրվող կաթնամթերքի տեսականիները, և արդյոք սպառողներին սպասվո՞ւմ է հաճելի անակնկալ նոր տեսականիների առումով:
– Արտադրում ենք թթվասեր, կաթնաշոռ, թան, մածուն, կաթ, չամիչով քաղցր կաթնաշոռ, որը նորույթ է մեր ընկերությունում և շուկայում սպառողների կողմից դրական աձագանքների է արժանացել: Արտադրում ենք նաև կարագ, ռեժան, քամած մածուն։ Մյուս տարի ցանկանում ենք ընդլայնել մեր արտադրության տեսականին՝ ունենալ պանրի արտադրություն, որում կներառվեն ավանդական չանախ, լոռի, պարմեզան և ֆետա պանիրների տեսականին: Այս նպատակն իրագործելու համար արտերկրից տեխնոլոգներ կհրավիրենք, որպեսզի մեր տեխնոլոգները վերապատրաստվեն նրանց մոտ, և իրենք էլ կարողանան պատրաստել այդ (պարմեզան, Ֆետա և այլն) տեսակները։
– Պարոն Պետանյան, արտադրության որակի բարելավման և տեսականու ընդլայնման համար ինչպիսի՞ բարփոխումներ, տեխնիկական ինչպիսի՞ վերազինում եք իրականացրել։
– Արտադրամասը նախկինում շատ աղքատ էր զինված, արտադրողականությունը փոքր էր. ընդամենը մեկ տոննա կաթ մթերելու և վերամշակելու հնարավորություն ուներ: Ժամանակի ընթացքում շուկան նվաճելով, դանդաղ, բայց հաստատուն տեմպերով, շուկայում պահահանջարկի ավելացմանը զուգընթաց՝ արտադրամասը վերազինել ենք նոր հոսքագծերով: Նկատենք, որ շուկայի պահանջարկը անընդհատ փոփոխվում է, սպառողը ցանկանում է ձեռք բերել ավելի լավ ապրանք առավել մատչելի գնով, ինչը ենթադրում է անընդհատ ներդումներ անել, մշտապես աշխատել որակի և ինքնարժեքի վրա։ Ժամանակի ընթացքում ներդրումներ ենք կատարել, ֆինասվորումը եղել է մեր շահույթի հաշվին՝ վարկային միջոցներ ներգրավելով։ Այսօր հասել ենք նրան, որ օրական 2-3 անգամ ավելի շատ կաթ ենք մթերում:
Շուկայում էլ բավականին դրական արձագանքներ ունեք՝ կապված մեր արտադրանքի որակի հետ: Սակայն դեռևս ներդրումներ անելու կարիք կա: Հեռանկարում նախատեսում ենք անպայման ներդրումներ կատարել թե՛ նոր տեխնոլոգիաների, թե ինքնարժեքի նվազեցման հետ կապված: Այժմ փորձում ենք արտերկրից նոր հոսքագծեր ձեռք բերել, որոնց շնորհիվ կավելացնեք մածունի ու թթվասերի արտադրողականությունը և կկարողանանք բարելավել շուկայի պահանջարկը, քանի որ այն աստիճանաբար կայուն աճում է, իսկ այս պայմաններով հնարավոր չէ բավարարել պահանջարկը։ Նաև կոսմետիկ վերանորոգում ենք իրականացրել արտադրամասի տարածքում։
– Պարոն Պետանյան, քանի՞ աշխատատեղ եք ապահովում։
– Այժմ ունենք 25 աշխատատեղ, բայց եթե մեր ծրագրերը ի կատար ածվեն՝ պանրի արտադրության հետ կապված, ապա մյուս տարի աշխատատեղերը կավելանան 25-30%-ով, ինչը Զովունի համայնքում նկատելի խթան է արտագաղթի վերացման և բնակչության կենսամակարդակի հնարավորինս բարձրացման համար։
– Որպես գործարար-արտադրող՝ ի՞նչ կասեք հարկային դաշտի մասին, ինչպե՞ս է այն գործում հեղափոխությունից հետո։
– Հարկային դաշտը հեղափոխությունից հետո շատ ավելի կայունացած է, տեղի-անտեղի ստուգումներ չեն իրականացվում: Այսինքն՝ սահմանված հարկերը բարեխղճորեն վճարելու դեպքում խնդիրներ չեն առաջանում, չեն նեղացնում, ինչը չեմ կարող ասել նախկին ժամանակների համար:
– Որպես ղեկավար՝ ի՞նչ եք պահանջում Ձեր աշխատողներից, և ո՞րն է, ըստ Ձեզ, Ձեր հաջողության գրավականը։
– Աշխատանքի ընդունելիս շատ եմ կարևորում մարդկային լավագույն որակները: Ինչպես մայրն է իր երեխայի համար սրտացավ, հոգի ներդնելով կերակուր պատրաստում, ըստ իս՝ նույնպիսի նվիրումով, ջերմությամբ ու լավ տրամադրությամբ էլ պետք է սննդի արտադրությունում առաջնորդվել: Իսկ հաջողության գրավականը միանշանակ որակյալ արտադրանքն է, մեր պարագայում՝ որակյալ կաթնամթերքը։
– Պարոն Պետանյան, իսկ որտեղի՞ց եք մթերում կաթը։
– Տարբեր տեղերից ենք մթերում, բայց հիմնականում Սևանի, Ապարանի տարածաշրջաններից և էջմիածնից։ Ունենք մեր լաբորատորիան, կաթն ընդունելուց առաջ բոլոր պարամետրերը ստուգվում են՝ թթվայնությունը, յուղայնությունը, կաթի մեջ եղած ջրի առկայությունը, որից հետո միայն անցնում է վերամշակման:
