Ուկրաինայում հակամարտության կարգավորման անհրաժեշտ պայմանը Ռուսաստանի դեմ բոլոր պատժամիջոցների վերացումն է․ Մարիա Զախարովա
Ուկրաինայում հակամարտությունը կարգավորելու համար անհրաժեշտ պայմանը Ռուսաստանի դեմ բոլոր անօրինական պատժամիջոցների վերացումն է։ Այս մասին մարտի 18-ին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ուկրաինական ճգնաժամի կարգավորման անբաժանելի մասը պետք է լինի Ռուսաստանի դեմ բոլոր անօրինական պատժամիջոցների և հայցերի վերացումը միջազգային դատարաններում», -Զախարովային խոսքերը մեջբերում է գերատեսչության մամուլի ծառայությունը։
Դիվանագետն ընդգծել է, որ խաղաղության հասնելու համար անհրաժեշտ է նաև դադարեցնել զենքի և վարձկանների ուղարկումը Կիև, դադարեցնել ռազմական գործողությունները և Ուկրաինային վերադարձնել չեզոք կարգավիճակ։
«Ուկրաինան պետք է ապառազմականացվի, նրա տարածքից բխող բոլոր սպառնալիքները պետք է վերացվեն, նրա միջուկային կարգավիճակը և ռուսալեզու բնակչության և ազգային փոքրամասնությունների իրավունքների երաշխիքները պետք է ապահովվեն», – հավելել է Զախարովան։
Նա նշել է, որ բոլոր երկրները, որոնք ցանկանում են նպաստել իրավիճակի կարգավորմանը, պետք է խաղաղության կոչեր ուղղեն Կիևին և նրա արևմտյան դաշնակիցներին, որոնք Ուկրաինային ներքաշում են համաշխարհային առճակատման։
Ավելի վաղ՝ մարտի 16-ին, Գերմանիայի կանցլեր Օլաֆ Շոլցը կոչ էր արել արգելել հակառուսական պատժամիջոցները երրորդ երկրների միջոցով շրջանցելու բոլոր հնարավորությունները։ Գերմանիայի կառավարության ղեկավարն ընդգծել է, որ ԵՄ-ն կշարունակի պատժամիջոցներով ճնշումը Ռուսաստանի վրա։ Նա հավելել է, որ սահմանափակումների շրջանցումն անիմաստ է դարձնում ԵՄ-ի ջանքերը, ուստի կարևոր է ուշադիր դիտարկել այն զսպելու տարբերակները։
Նույն օրը ՌԴ նախագահ Վլադիմիր Պուտինը հակառուսական պատժամիջոցների հետ կապված իրավիճակը նկարագրել է «Ուրիշի համար փոս մի՛ փորիր, այլապես դու ինքդ կընկնեսայդ փոսը» ասացվածքով։ Նա նշել է, որ արևմտյան ընկերությունների հեռանալուց հետո ազատված ոլորտները զբաղեցրել են հայրենական արտադրողները, և Ռուսաստանի Դաշնությունում սպառողական շուկայում անկում չի գրանցվել։
