Իրանի նախագահը մեկնում է Թուրքիա․ ի՞նչ է հայտնի
Իրանի նախագահ Իբրահիմ Ռաիսին չորեքշաբթի օրը՝ հունվարի 24-ին, պաշտոնական այցով կմեկնի Թուրքիա, հայտնում է IRNA գործակալությունը։ Իրանի ղեկավարի այցը Անկարա տեղի կունենա Թուրքիայի նախագահ Ռեջեփ Թայիփ Էրդողանի պաշտոնական հրավերով։
Այցի ընթացքում Թուրքիայի և Իրանի նախագահները կքննարկեն Գազայում հրադադարի հասնելու և պատանդների ազատ արձակման քայլերը, ինչպես նաև տարածաշրջանին մարդասիրական օգնություն տրամադրելու ջանքերը։
Բացի թուրք գործընկերոջ հետ հանդիպումից, սպասվում է, որ կանցկացվի Բարձր մակարդակի համագործակցության խորհրդի 8-րդ նիստը՝ Իրանի և Թուրքիայի նախագահների մասնակցությամբ։
Հիշեցնենք, որ Ռայիսիի այցը չեղարկվել էր Իսլամական հեղափոխության պահապանների կորպուսի գեներալ Ղասեմ Սոլեյմանիի մահվան տարելիցի միջոցառման ժամանակ տեղի ունեցած ահաբեկչության պատճառով։
Պայթյունների հետևանքով զոհվել է 84 մարդ։
